SAN LUCAS 23:3 - Chatino Tataltepec

³ Li' nchcuane Pilato ji'i̱ Jesús: ―¿Ha rey ji'i̱ ngu' judío laca nu'u̱? ―nacui̱. Li' nguxacui̱ Jesús cha' ji'i̱ Pilato bi': ―La cui' cha' nu cua nchcui' nu'u̱, la cui' bi' laca na' ―nacui̱.

SAN LUCAS 23:3 Iomraidhean Croise

SAN MATEO 27:11

Lo'o li' ndyalaa Jesús slo nu laca gobernador bi', nchcuane yu nu laca loo bi' ji'i̱ Jesús li': ―¿Ha la cui' nu'u̱ laca rey ji'i̱ ngu' judío? ―nacui̱ yu nu laca loo bi' ji'i̱ Jesús. ―La cui' laca na' ―nacui̱ Jesús ji'i̱ li'―, la cui' ñi'ya̱ nu nacui̱ nu'u̱ laca na'.

SAN MARCOS 15:18

Li' ngua'ni tlyu ngu' ji'i̱ yu cha' cuiñi ti: ―Tso'o ti tyi'i̱ nu'u̱, rey ji'i̱ ngu' judío ―nacui̱ sendaru ji'i̱.

SAN MARCOS 15:2

―¿Ha nu'u̱ laca rey ji'i̱ ngu' judío? ―La cui' ñi'ya̱ nu nacui̱ nu'u̱, la cui' laca na' ―nacui̱ Jesús ji'i̱ gobernador bi'.

SAN MARCOS 15:32

Cristo laca yu, nu rey ji'i̱ ngu' Israel tya'a na laca yu, nacui̱ yu. Tso'o la si ca'ya yu lo crusi ycui' ti yu, cha' ña'a̱ na si caca ji'i̱ yu. Jlya ti' na ji'i̱ yu li' ―nacui̱ ngu' ji'i̱ tya'a ngu'. Lo'o jua'a̱ nu ngu' cuaana tya'a ngujui'i̱ ca'a̱ ngu' ji'i̱ lo crusi, lo'o ngu' bi' nchcui' ngu' cha' suba' ji'i̱ Jesús.

SAN LUCAS 22:70

Lo'o ti nchcuane lcaa ngu' tonu ji'i̱ yu: ―¿Ha nu'u̱ laca Sñi' ycui' Ndyosi lacua? Li' xa' nguxacui̱ Jesús cha' ji'i̱ ngu' chaca quiya': ―Chañi cha' nu nchcui' cu'ma̱ lo'o nacui̱ ma̱ cha' bi' laca na' ―nacui̱ yu ji'i̱ ngu'.

SAN LUCAS 23:38

Cua nscua letra nde que la su nga'a̱ Jesús lo crusi bi'; ndi'ya̱ nchcui' letra bi': “Nu nde laca rey ji'i̱ ngu' judío”. Sna lo cha'cña ji'i̱ ngu' nscua cha' bi': cha'cña ji'i̱ ngu' griego nscua, lo'o cha'cña ji'i̱ ngu' latín nscua, lo'o cha'cña ji'i̱ ngu' judío nscua.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 18:29

bi' cha' ngutu'u nu naa Pilato, nu laca gobernador bi', ndyaa slo ngu' judío cha' xcuane ji'i̱ ngu' ndi'ya̱: ―¿Ni qui'ya ngusta ma̱ hichu̱' yu re? ―nacui̱ Pilato ji'i̱ ngu'.

SAN JUAN 19:3

Li' lu'ba ti, lu'ba ti ndyaa ngu' slo yu cha' chcuicha' ngu' ji'i̱ yu; na cuiñi ti ngu' cha' ndyu'ni chi̱ ngu' loo yu. ―Tso'o ti tyi'i̱ nu'u̱, cusu', cha' nu'u̱ laca rey nu laca loo ji'i̱ ngu' judío ―ndu'ni ngu' ji'i̱ Jesús li'. Lo'o li' ngujui'i̱ ya' ngu' loo Jesús.

1 TIMOTEO 6:13

Culo na' cña jinu'u̱ juani chacuayá' ji'i̱ ycui' Ndyosi nu ndu'ni cu'ú ji'i̱ lcaa na lu'ú nu ntsu'u chalyuu; la cui' jua'a̱ culo na' cña jinu'u̱ chacuayá' ji'i̱ Jesucristo nu tso'o tsa nguxacui̱ cha' ji'i̱ Poncio Pilato nu laca loo nu lo'o ngua cuayá' ji'i̱ Jesús. Ná ntsi̱i̱ yu nguxacui̱ yu cha' cuentya ji'i̱ cña nu ndyaca ji'i̱ yu cha' nu sca ti Sñi' ycui' Ndyosi laca yu.