SAN LUCAS 23:10 - Chatino Tataltepec

¹⁰ Lo'o jua'a̱ ndi'i̱ ngu' sti jo'ó nu laca loo lo'o ngu' mstru cha' jo'ó; ngu' bi' laca nu ngusta qui'ya ji'i̱ Jesús, lo'o juani tya quiña'a̱ tsa cha' cuxi nchcui' ngu' bi' ji'i̱.

SAN LUCAS 23:10 Iomraidhean Croise

SAN MATEO 27:12

Lo'o li' nu ngu' sti jo'ó nu laca loo lo'o ngu' cusu' bi', ngusta ngu' qui'ya ji'i̱ Jesús; pana ni sca cha' ná nguxacui̱ Jesús ji'i̱ ngu' bi'.

SAN LUCAS 11:53

Nu lo'o ndye nchcui' Jesús cha' bi', li' nguxana ngu' mstru cha' jo'ó bi', lo'o ngu' fariseo bi', nguxlyú ngu' cha' hichu̱' ycui' Jesús. Cuxi tsa tyiquee ngu' bi', bi' cha' quiña'a̱ tsa cha' tucui nchcuane ngu' ji'i̱ Jesús li'.

SAN LUCAS 23:11

Li' ngua'ni lya' ti Herodes ji'i̱ Jesús; jua'a̱ sendaru ji'i̱ yu, cuxi tsa ngua'ni ngu' lo'o. Cha' caja ñi'ya̱ nu xtyí lo'o ngu' ji'i̱, li' nguxacu' ngu' late' tso'o tsa ña'a̱ ji'i̱; late' ndubi ña'a̱ ñi'ya̱ ña'a̱ ste' rey nguxacu' ngu' ji'i̱. Lo'o li' nda Herodes ji'i̱ Jesús ndyaa chaca quiya' slo Pilato.

SAN LUCAS 23:2

Ca bi' nguxana ngu' ngusta ngu' qui'ya ji'i̱ Jesús: ―Cua ngusñi ya ji'i̱ nu qui'yu re, cha' ndatsaa tsa yu ji'i̱ ngu' judío tya'a ya. Nacui̱ yu cha' ná ntsu'u chacuayá' ta ya cñi cña loo ya ji'i̱ nu laca cña ji'i̱ cu'ma̱, ngu' romano; lo'o jua'a̱ lye tsa nchcui' yu cha' ycui' yu laca Cristo, ñi'ya̱ si laca yu rey ji'i̱ ya ―nacui̱ ngu' ji'i̱ Pilato.

SAN LUCAS 23:5

Pana nu ngu' bi' ni, chaca quiya' lye la nchcui' ngu', cui̱i̱ tsa ngusi'ya ngu' ji'i̱ Pilato bi' li': ―Na ngusu'ba ñasi̱' ti yu re ji'i̱ lcaa ñati̱ Judea lo'o cha' nu ngulu'u yu ji'i̱ ngu' ―nacui̱ ngu'―. Nde Galilea nguxana yu re, lo'o hasta ca nde nclyu'u yu cha' cuxi bi' ji'i̱ ngu' juani.

SAN LUCAS 23:9

Quiña'a̱ tsa cha' nchcuane yu ji'i̱ Jesús li', pana ná nguxacui̱ Jesús cha' ji'i̱ yu tsiya' ti.

LOS HECHOS 24:5

Cua lijya̱ ya ca nde cha' cacha' liñi ya jinu'u̱ lcaa ña'a̱ cña cuxi nu ngua'ni yu re. Nslo ya ji'i̱ yu re cha' suba' tsa nchcui' yu, lya' tsa ti' yu. Nsu'ba yu cha' cusu̱u̱ ji'i̱ ñati̱ lcaa quichi̱ su ndya'a̱ yu slo ngu' judío tya'a ya, cha' yu re laca loo ji'i̱ taju ngu' nazareno.