SAN LUCAS 22:36 - Chatino Tataltepec

³⁶ Li' nacui̱ Jesús ji'i̱ ngu': ―Jua'a̱ ngua tu'ni, pana xa' ña'a̱ nga'a̱ cha' cua'ni ma̱ juani. Nu cu'ma̱ nu ntsu'u cujui̱ cñi ji'i̱ ma̱ ni, lo'o bi' cui'ya ma̱ tsaa ma̱, lo'o xa' cujui̱ lo'o; si ná ntsu'u maxtyi cusu̱u̱ ji'i̱ ma̱, nga'a̱ cha' cujui' ma̱ ste' ma̱ cha' cui'ya ma̱ maxtyi.

SAN LUCAS 22:36 Iomraidhean Croise

SAN MATEO 10:10

ni ná lo'o quixu tyaja qui'ya ma̱ tsaa ma̱. Lo'o jua'a̱ ná qui'ya ma̱ chaca camxa, ni xa' caña, ni ná lo'o yaca tyu'u ya' ma̱ tsaa ma̱. Si cua nguxtyucua ma̱ ji'i̱ ngu', nga'a̱ cha' xacu ngu' ji'i̱ ma̱.

SAN LUCAS 22:35

Li' nchcuane Jesús ji'i̱ ngu': ―Nu lo'o ngulo na' cña ji'i̱ ma̱ cha' tsaa ma̱ xa' quichi̱ nu ná lo'o cujui̱ cñi ji'i̱ ma̱, ná lo'o xa' cujui̱, ná lo'o caña ji'i̱ ma̱, ¿ha ntsu'u na nu lyiji ji'i̱ ma̱ li'? ―Ná sca na lyiji ji'i̱ ya li' ―nguxacui̱ ngu' cha' ji'i̱.

SAN LUCAS 22:37

Jua'a̱ cha' nchcui' na' lo'o ma̱ cha' nga'a̱ cha' tyu'u tucua cha' cuxi nu nchcui' quityi cusu' cha' caca 'na. Ndi'ya̱ nscua cha': “Ñi'ya̱ nu ndu'ni ngu' lo'o ñati̱ cuxi, jua'a̱ cua'ni ngu' lo'o ycui' Cristo”. Lcaa cha' nu nscua cha' caca 'na, jua'a̱ caca 'na tu'ni ―nacui̱ Jesús ji'i̱ ngu'.

SAN LUCAS 22:38

Li' nacui̱ ngu' bi' ji'i̱: ―Cusu', nde ntsu'u tucua tya'a maxtyi cusu̱u̱ ―nacui̱ ngu'. ―Cuayá' cua lacua ―nacui̱ Jesús li'.

SAN JUAN 15:20

Tyi'u ti' ma̱ cha' nu nchcui' na' lo'o ma̱ tsubi': “Nu laca loo laca nu nclyo cña, si'i ngu' msu ti”. Ñi'ya̱ ndu'ni lya' ti' ngu' jna', jua'a̱ cua'ni lya' ti' ngu' ji'i̱ ma̱. Ná ndaquiya' ngu' ji'i̱ cha' nu ngulu'u na' ji'i̱ ngu', la cui' jua'a̱ ná taquiya' ngu' ji'i̱ cha' nu chcui' cu'ma̱ lo'o ngu' bi'.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

1 TESALONICENSES 3:4

Lo'o tya nguti'i̱ ya slo ma̱, li' tyu̱u̱ quiya' nda ya cha' lo'o ma̱ ndi'ya̱: “Cua'ni lya' ti' ngu' ji'na”, nacui̱ ya. Lo'o chañi lya' tsa ti' ngu' ji'i̱ ma̱ juani.

1 PEDRO 4:1

Lo'o ndyi'u ti' ma̱ cha' nchcube' Cristo nde chalyuu, li' caca nguula la ti' ma̱ cha' talo tyiquee ma̱ lo'o chcube' cu'ma̱; ñi'ya̱ nu ndalo tyiquee ycui' Cristo, jua'a̱ taca talo tyiquee ma̱ lo'o chcube' ma̱ li'. Nga'aa caca cua'ni cha' cuxi ngana ji'i̱ ma̱ si lo'o cu'ma̱ chcube' ma̱ jua'a̱.