SAN LUCAS 21:3 - Chatino Tataltepec

³ Li' nchcui' Jesús lo'o tya'a ndya'a̱ yu: ―Chañi cha' nu nda na' lo'o ma̱, cha' quiña'a̱ la cñi nda nu cuna'a̱ ti'i jua que lcaa xa' ñati̱.

SAN LUCAS 21:3 Iomraidhean Croise

SAN LUCAS 12:44

Cha' liñi nchcui' na' lo'o ma̱ juani, cha' tlyu la cña ta xu'na yu ji'i̱ msu bi' li', ña'a̱ cuayá' caca yu loo ji'i̱ lcaa cña nu ntsu'u ji'i̱ xu'na yu bi'.

SAN LUCAS 21:2

Lo'o jua'a̱ na'a̱ yu ji'i̱ sca nu cuna'a̱ ti'i nu ngusu'ba tucua tya'a ti cñi sube ne' cñá' bi'.

SAN LUCAS 21:4

Nu ngu' culiya' jua ni, nda ngu' xi cñi nu cua ntyucua ti ji'i̱ ngu'; lo'o nu cuna'a̱ ti'i jua ni, ti'i tsa, pana cua nda ma' lcaa nu ntsu'u ti xi ji'i̱ ma' cha' tyiji̱ yu'u ji'i̱ ma' chalyuu re.

SAN LUCAS 4:25

Tyempo lo'o nguti'i̱ jyo'o cusu' Elías chalyuu ―nacui̱―, ntsu'u ti' ma̱ cha' cua nteje tacui sna yija̱ ntucua scuá co' nu ná ngua'ya tyo tsiya' ti; tlyu tsa jbi'ña ngua tyucui ña'a̱ chalyuu li'. Tyu̱u̱ tsa tya'a nu cuna'a̱ ti'i nguti'i̱ loyuu re tyempo bi';

SAN LUCAS 9:27

Chañi cha' nu nchcui' na' lo'o ma̱, cha' ntsu'u ngu' nu ndu̱ lo'o na chalyuu re juani, nu tya lyiji cajaa ngu' lo'o ca cuayá' ti' ngu' cha' cua nguxana cha' laca ycui' Ndyosi loo nde chalyuu.

LOS HECHOS 10:34

Li' nguxana Pedro ngulu'u yu ji'i̱ ngu' bi': ―Juani cua ngua cuayá' ti' na' cha' stu'ba tsa ndu'ni ycui' Ndyosi lo'o lcaa ñati̱ chalyuu ―nacui̱―.

LOS HECHOS 4:27

’Ñi'ya̱ nu cua nchcui' quityi jinu'u̱ nu nguscua jyo'o David sa'ni la bi' ―nacui̱ ngu' ji'i̱ ycui' Ndyosi Sti na―, jua'a̱ cua ndyu'u ti'i̱ ngu' nu laca loo ji'i̱ quichi̱ re cha' cua'ni cuxi ngu' lo'o Jesús Sñi' ycui' nu'u̱, masi xcui' lubii tsiya' ti cresiya ji'i̱ nu Jesús bi'; la cui' yu laca nu ngusubi nu'u̱ ji'i̱ ―nacui̱ ngu'―. Ndyu'u ti'i̱ Herodes lo'o Poncio Pilato, lo'o ngu' xa' loyuu, lo'o ngu' tya'a ya nde loyuu re. Li' ngua'ni ngu' lcaa cña nu nda nu'u̱ chacuayá' ji'i̱ ngu' bi' cha' cua'ni ngu'; ñi'ya̱ nu nda nu'u̱ cha' lo'o ngu' sa'ni, la cui' jua'a̱ ngua cha' yija̱ re ―nacui̱ ngu' ji'i̱ ycui' Ndyosi―.

2 CORINTIOS 8:12

Si chañi cha' ntsu'u tyiquee ngu' ta ngu' tsa ña'a̱ nu ntsu'u xi ji'i̱ ngu', tso'o ti xñi ycui' Ndyosi msta̱ bi' ji'i̱ ngu', ñi'ya̱ nu nchca ti ji'i̱ ngu' li'; ná nti' Ni cha' ta ngu' msta̱ si ná sca na ntsu'u ji'i̱ ngu'.