SAN LUCAS 21:12 - Chatino Tataltepec

¹² ’Lo'o cu'ma̱ ni, nu lo'o tya lyiji caca cha' bi', li' xñi ngu' ji'i̱ ma̱ cha' sca̱' ngu' ji'i̱ ma̱, ta ngu' cha' ti'í ji'i̱ ma̱, sta ngu' qui'ya ji'i̱ ma̱ su ndyu'u ti'i̱ ngu' ne' laa; lo'o jua'a̱ su'ba ngu' ji'i̱ ma̱ ne' chcua̱, tsaa lo'o ngu' ji'i̱ ma̱ slo rey, jua'a̱ slo xa' ngu' nu laca loo, xqui'ya cha' ngusñi ma̱ cha' 'na.

SAN LUCAS 21:12 Iomraidhean Croise

SAN MATEO 22:6

Lo'o jua'a̱ xi xa' la ñati̱ bi' ni, ndaya' ngu' ji'i̱ msu bi', nxtyí lo'o ngu' ji'i̱ msu bi'; cuati jua'a̱ ntsu'u su ngujui'i̱ ngu' ji'i̱ msu bi' ña'a̱ cuayá' nu ndyujuii ngu' ji'i̱.

SAN MATEO 24:8

Pana lcaa cha' bi' caca lo'o chca nguxana ti cha' chcube' ñati̱ chalyuu, si'i na cua ndye chalyuu li'.

SAN LUCAS 21:11

Lye tsa clyacui̱ chalyuu li', lye tsa caca jbi'ña ji'i̱ ngu'; cua ña'a̱ ca quichi̱ ca̱a̱ quicha tyaala nu xñi ji'i̱ lcaa ngu' li'. Lye tsa ña'a̱ caca nde cua̱, tyi'i̱ yutsi̱i̱ tya chalyuu lo'o ña'a̱ ngu' sca na tlyu nu tyaca nde cua̱.

SAN JUAN 15:20

Tyi'u ti' ma̱ cha' nu nchcui' na' lo'o ma̱ tsubi': “Nu laca loo laca nu nclyo cña, si'i ngu' msu ti”. Ñi'ya̱ ndu'ni lya' ti' ngu' jna', jua'a̱ cua'ni lya' ti' ngu' ji'i̱ ma̱. Ná ndaquiya' ngu' ji'i̱ cha' nu ngulu'u na' ji'i̱ ngu', la cui' jua'a̱ ná taquiya' ngu' ji'i̱ cha' nu chcui' cu'ma̱ lo'o ngu' bi'.

SAN JUAN 15:21

Jua'a̱ cua'ni ngu' lo'o cu'ma̱ xqui'ya na' ―nacui̱ Jesús―, cha' ná nslo ngu' tilaca laca nu nda 'na lijya̱a̱ nde chalyuu.

LOS HECHOS 22:30

Ca chaca tsa̱ tya nti' xu'na sendaru ca cuayá' ti' ni qui'ya laca nu ngusta ngu' judío bi' ji'i̱ Pablo. Ngusati̱' ngu' carena chcua̱ nu ndyaaca̱' Pablo li'. Ngulo xu'na sendaru bi' cña ji'i̱ sti jo'ó tlyu lo'o ji'i̱ lcaa ngu' cusu' cha' tyu'u ti'i̱ ngu' se'i̱ ti. Li' ndyaa lo'o ji'i̱ Pablo ca slo ngu' bi'.

LOS HECHOS 5:40

Ndyuna ngu' cusu' cha' nu nchcui' nu cusu' bi' lo'o ngu'. Li' ngusi'ya ngu' ji'i̱ ngu' nu ndu̱ nde liya' bi' cha' tya̱a̱ ngu' nde ni'i̱ chaca quiya'. Ngulo ngu' cña ji'i̱ xca̱ cha' quiji'i̱ ji'i̱ preso bi'. Li' liñi tsa ngulo ngu' cusu' bi' cña ji'i̱ preso bi', cha' nga'aa chcui' ngu' cha' ji'i̱ Jesucristo lo'o xa' ñati̱. Lo'o cua ndye cha', li' ndyaa laja ti ngu' nu ngua tsa'a̱ ji'i̱ Jesucristo.

LOS HECHOS 8:3

Lo'o nu Saulo bi' ni, ngua ti' yu cha' lye tsa xcube' yu ji'i̱ lcaa ñati̱ ji'i̱ Jesucristo li'. Ndyatí̱ yu ca ni'i̱ ji'i̱ ngu', ntejeya' yu ji'i̱ ngu' qui'yu bi', ntejeya' yu ji'i̱ ngu' cuna'a̱ bi', cha' tyaa lo'o yu ji'i̱ ngu' ne' chcua̱.

LOS HECHOS 9:4

Nclyú yu lo yuu lo'o ndyuna yu cha' nu nda ycui' Ndyosi lo'o yu: ―Saulo, Saulo ―nacui̱ Ni―, ¿ni cha' laca lye tsa nxu̱u̱ tya'a nu'u̱ lo'o na'?

1 PEDRO 2:13

Xqui'ya Jesucristo nu Xu'na na tucuá ma̱ cha' ji'i̱ lcaa ngu' nu laca loo, masi rey nu laca loo tsiya' ti ji'i̱ nasiyu̱ re,

APOCALIPSIS 2:10

Ná cutsi̱i̱ ma̱ ji'i̱ cha' ti'í nu caca ji'i̱ ma̱ nde loo la, masi cua'ni nu xña'a̱ cha' tyu̱u̱ tya'a ma̱ tsaa ma̱ xi ne' chcua̱. Cua nti' yu cua'ni cuayá' yu ji'i̱ ma̱ si ña'a̱ ti tya nxñi ma̱ cha' jna'. Pana tii ti tsa̱ xcube' yu ji'i̱ ma̱, nacui̱ Ni. Ña'a̱ ti tyucui tyiquee ma̱ xñi ma̱ cha' ji'i̱ ycui' Ndyosi Sti na', masi cajaa ma̱, cha' ná nga'a̱ cha' tye chalyuu nu ta na' ji'i̱ ma̱ nde loo la li'.