SAN LUCAS 20:5 - Chatino Tataltepec

⁵ Lo'o li' nguxana ngu' nchcui' tube ngu' lo'o tya'a ngu': ―¿Ñi'ya̱ ñacui̱ na juani? ―nacui̱ ngu' ji'i̱ tya'a ngu'―. Si ñacui̱ na cha' ycui' Ndyosi nda chacuayá' ji'i̱ Juan bi', li' ndi'ya̱ xacui̱ yu jua cha' ji'na: “¿Ni cha' ná jlya ti' ma̱ cha' nu ngulu'u yu lacua?”

SAN LUCAS 20:5 Iomraidhean Croise

SAN MATEO 16:7

Li' nchcui' ngu' nu ndyaca tsa'a̱ ji'i̱ lo'o tya'a ngu': ―Cha' ná lo'o xlyá teje' ndya'a̱ na, bi' cha' nchcui' nu cusu' cha' ji'i̱ scua̱ tiye' lo'o na ―nacui̱ ngu'.

SAN MATEO 21:25

Tso'o lacua, nu lo'o tya ntyucuatya Juan ji'i̱ ngu', ¿ha chacuayá' ji'i̱ ycui' Ndyosi ngua bi'? ¿Ha chacuayá' ji'i̱ ñati̱ ti ngua bi'? Li' cuaana ti nchcui' ngu' nu laca loo bi' lo'o tya'a ngu': ―¿Ñi'ya̱ xacui̱ na cha' ji'i̱ yu? Si ñacui̱ na: “Chacuayá' ji'i̱ ycui' Ndyosi ntyucuatya Juan bi' ji'i̱ ngu'”, ná tso'o tyu'u cha' jua'a̱; hora ti ñacui̱ yu ji'na li': “¿Ni cha' ná ngusñi ma̱ cha' nu nchcui' yu lacua?”

SAN LUCAS 20:4

¿Tilaca nda chacuayá' ji'i̱ jyo'o Juan cha' ntyucuatya yu ji'i̱ ngu' lacua? ¿Ha ycui' Ndyosi? ¿Ha ñati̱ chalyuu nda chacuayá' ji'i̱ yu?

SAN LUCAS 20:6

Si ñacui̱ na cha' ñati̱ chalyuu nda chacuayá' ji'i̱ Juan bi' ni, li' cujuii nu quiña'a̱ tsa ñati̱ nu ndi'i̱ re ji'na lo'o quee, cha' tu'ba ji'i̱ ycui' Ndyosi cha' nchcui' Ni lo'o ñati̱ ngua jyo'o Juan bi', nti' ngu'.

SAN JUAN 1:30

Cha' ji'i̱ yu bi' nchcui' na', nu lo'o ni na' ji'i̱ ma̱ cha' cua tyu'u tucua ti sca ñati̱ loyuu re. Tlyu la cha' ji'i̱ yu bi' que na', masi tiya' la ndu'u tucua bi'. Jua'a̱ ni na' ji'i̱ ma̱ cha' nu lo'o tya lyiji cala na', cua lu'ú yu bi'.

SAN JUAN 1:34

Ycui' ti na' cua na'a̱ na' ji'i̱ cha' bi'. Chañi cha' nu nchcui' na' lo'o cu'ma̱, cha' yu bi' laca nu sca ti Sñi' ycui' Ndyosi; na cua ngusubi Ni ji'i̱ yu bi'.

SAN JUAN 3:26

Bi' cha' ya̱a̱ ngu' slo Juan cha' chcui' ngu' lo'o: ―Mstru ―nacui̱ ngu'―, nu ñati̱ nu ya̱a̱ slo nu'u̱ nde chaca tsu' sta'a̱ Jordán tya tsubi' la, la cui' nu nacui̱ nu'u̱ cha' loo la laca ycui' yu, cua ndyalaa yu bi' ntyucuatya yu ji'i̱ ñati̱ nde tsu' re juani. Ndya'a̱ tsa ngu' slo.

SAN JUAN 3:36

Lo'o xñi ñati̱ cha' ji'i̱ Jesús, Sñi' ycui' Ndyosi, ná nga'a̱ cha' tye chalyuu tso'o nu ta Ni ji'i̱ ngu' bi'. Pana ñati̱ nu ná taquiya' tsiya' ti ji'i̱ cha' nu nchcui' Jesús, ná ta Ni chalyuu tso'o ji'i̱ ngu' bi'; xcube' tsa Ni ji'i̱ ngu' bi' li'.

LOS HECHOS 13:25

Nu lo'o cua tye ti cña ji'i̱ jyo'o Juan bi', li' nchcui' yu lo'o ngu' tya'a quichi̱ tyi na ndi'ya̱: “Xa' ñati̱ ntajatya ma̱ ji'i̱”, nacui̱ Juan ji'i̱ ngu'; “si'i na' laca̱”, nacui̱ yu. “Ca nde loo la ca̱a̱ sca ñati̱ nu tlyu la chacuayá' ntsu'u ji'i̱. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na' masi caña nu ntsu'u quiya' ñati̱ bi' sati̱' na' juata ti.” Jua'a̱ nchcui' jyo'o Juan cuentya ji'i̱ Jesús.