SAN LUCAS 20:16 - Chatino Tataltepec

¹⁶ Nclyacua ti' na' cha' ca̱a̱ ycui' xu'na yuu tu'ni, cha' cujuii ji'i̱ nu ngu' cuxi bi', lo'o li' ta yuu bi' ji'i̱ xa' ñati̱ cha' cua'ni ngu' cña ndacua. Lo'o ndyuna ngu' cha' bi', li' nacui̱ ngu': ―¡Ná cua'ni ycui' Ndyosi jua'a̱!

SAN LUCAS 20:16 Iomraidhean Croise

SAN MATEO 21:34

Tiya' la lo'o cua ngulala ti tyempo xuu ngu' si'yu bi', tyijyu' ndi'i̱ xu'na yuu bi'. Li' ngulo yu cña ji'i̱ ngu' msu ji'i̱ yu cha' tsaa ngu' ca su ntsu'u ngu' nu ndyu'ni cña ne' lo'o ji'i̱, cha' tsaa squi'ya ngu' msu bi' sa yu'be si'yu nu nga'a̱ cha' tyanu ji'i̱ xu'na yuu bi'.

SAN MATEO 21:41

―Cujuii clya xu'na yuu bi' ji'i̱ lcaa ngu' tyaala bi' ―nacui̱ ngu' ji'i̱ Jesús―. Lo'o li' ta yu yuu bi' jña xa' ñati̱ cha' cua'ni ngu' cña lo yuu bi'. Culana xu'na yuu bi' ji'i̱ ñati̱ tso'o nu tyaja'a̱ ta xi si'yu ji'i̱ yu, caya' lo yuu bi'; ta ngu' si'yu lcaa yija̱ lo'o ndyaca tyempo nu nxuu ngu' si'yu bi'.

SAN MATEO 22:7

Nu lo'o ndyuna rey cha' nu ngua'ni ngu' bi' lo'o msu ji'i̱, ngua ñasi̱' tsa rey bi' ña'a̱ ji'i̱ ñati̱ xña'a̱ bi'. Li' ngulo rey cña ji'i̱ sendaru ji'i̱ cha' cujuii ngu' ji'i̱ lcaa ñati̱ xña'a̱ bi', cha' su'ba ngu' quii' tyaqui̱ quichi̱ tyi ñati̱ bi'.

SAN MARCOS 12:9

Tya nchcui' la Jesús lo'o ngu', nchcuane yu sca cha' ji'i̱ ngu' li': ―¿Ñi'ya̱ cua'ni xu'na cña bi' li'? ―nacui̱ Jesús ji'i̱ ngu'―. Ná tyiquee' ndi'ya̱ cua'ni yu: tya̱a̱ ycui' xu'na cña bi' ca su ndu̱ yaca bi'; li' cujuii yu ji'i̱ lcaa ñati̱ nu lya' ti' bi', cuati ta yu ji'i̱ yaca si'yu bi' jña xa' la ñati̱ cha' cua'ni ngu' cña ndacua. Jua'a̱ cua'ni xu'na cña bi'.

SAN LUCAS 19:27

Lo'o juani ni, nu ngu' tya'a cusu̱u̱ na' nu ná ngua ti' cha' caca na' rey ji'i̱ ngu', tya̱a̱ lo'o clya ma̱ ji'i̱ ngu' bi' ca nde, cha' cujuii ma̱ ji'i̱ ngu' ca slo na'.”

SAN LUCAS 20:15

Hora ti ngulo'o ngu' ji'i̱ sñi' xu'na yuu bi' chu̱' lo'o. Li' ndyujuii ngu' ji'i̱. Li' nchcuane Jesús ji'i̱ ngu' nu ndyuna cui̱i̱ bi': ―¿Na laca cua'ni nu xu'na yuu bi' lo'o nu ngu' cuxi bi', nti' ma̱?

LOS HECHOS 13:46

Pana ná ndyutsi̱i̱ Pablo lo'o Bernabé cha' xacui̱ ngu' cha' ji'i̱ ngu' judío bi': ―Clyo ntsu'u cha' chcui' ya cha' ji'i̱ ycui' Ndyosi lo'o ma̱ nquicha', cha' ngu' judío tya'a na laca ma̱. Pana juani tsaa ya culu'u ya cha' bi' ji'i̱ ngu' xa' tsu', xqui'ya cha' ná ntaja'a̱ ma̱ cuna ma̱ cha' nu nchcui' ya. Na cua ngüiñi cha' ji'i̱ ma̱ lo'o tya'a ma̱, cha' ná nti' ma̱ caja chalyuu nu ná nga'a̱ cha' tye ji'i̱ ma̱.

ROMANOS 11:1

Ná nti' ycui' Ndyosi tsiya' ti culaya' Ni ji'i̱ ngu' judío, cha' laca ngu' ñati̱ ji'i̱ ycui' Ni. Lo'o jua'a̱ ycui' na' laca na' ngu' judío, cha' sca ti lo tañi na' lo'o jyo'o Abraham; laca na' tya'a jyo'o cusu' Benjamín.

ROMANOS 11:11

Chaca cha' ñacui̱ na' juani: Nu lo'o nclyú ngu' judío bi', si'i na ngua cuxi ji'i̱ ngu' tsiya' ti; xqui'ya cha' ná ndaquiya' ngu' bi' tsiya' ti ji'i̱ ycui' Ndyosi, bi' cha' ngujui la xi tyempo ji'i̱ ngu' xa' tsu' cha' clyana ngu' ji'i̱ ycui' Ndyosi, cha' cua'ni lyaá Ni ji'i̱ ngu'. Cua nti' ycui' Ndyosi cha' ña'a̱ ngu' judío ñi'ya̱ ngusñi ngu' xa' tsu' cha' ji'i̱ ycui' Ni, lo'o li' jña ngu' judío cha' clyu ti' ji'i̱ ycui' Ni cha' cua'ni lyaá Ni ji'i̱ ycui' ca ngu'.

ROMANOS 3:31

Tso'o lacua. Na jlya ti ti' na ji'i̱ cña nu ngua'ni Jesús, tsa bi' ti cha' cua'ni na cha' clyaá na ji'i̱ lcaa qui'ya nu ntsu'u ji'na. ¿Ha nga'aa ntsu'u cha' taquiya' na lcaa cha' nu nguscua jyo'o cusu' cha' cua'ni na lacua? Si'i cha' bi', masi tso'o la taquiya' na cha' cusu' bi' juani, nu lo'o ngusñi na cha' ji'i̱ Jesús.

ROMANOS 3:4

Ná nti' Ni cua'ni Ni jua'a̱. Xcui' cha' liñi ndu'ni ycui' Ndyosi lo'o ñati̱ ji'i̱ Ni, masi cha' cuiñi laca nu ndu'ni lcua ti lo ñati̱ chalyuu. Cua nscua sca cha' ji'i̱ ycui' Ndyosi lo quityi nu nchcui' ndi'ya̱: Lo'o chcui' nu'u̱, li' caca cuayá' ti' ngu' cha' liñi tsa ndu'ni nu'u̱; lo'o caca cuayá' jinu'u̱ slo ñati̱, taca cua'ni lyaá nu'u̱ ji'i̱ ycui' ca li'.

ROMANOS 3:6

Pana liñi tsa ndu'ni Ni. Ná caca xcube' Ni ji'i̱ ñati̱ chalyuu xqui'ya qui'ya nu ntsu'u ji'i̱ ngu', si ná liñi ndu'ni cuayá' Ni ji'i̱ lcaa ñati̱.

ROMANOS 6:15

Ná tso'o ñacui̱ na cha' juani nga'aa ntsu'u cha' taquiya' na ji'i̱ cha' cusu' bi', cha' ndaquiya' na ji'i̱ cha' nu nchcui' ycui' Ndyosi nu xcui' cha' xlya'be ti ndu'ni lo'o na. Ná tso'o laca si tya cua'ni la na cha' cuxi li', cha' nga'aa ntsu'u chacuayá' ji'na cha' cua'ni na jua'a̱.

ROMANOS 6:2

Ná tso'o tsiya' ti cua'ni na ñi'ya̱ nu ngua'ni na sa'ni la. Juani laca na ñi'ya̱ laca si cua ngujuii na lo'o Cristo, cha' xa' tyucui̱i̱ tsaa na juani; ná tso'o si ña'a̱ ti tya cua'ni na cha' cuxi lacua.

ROMANOS 7:13

bi' cha' ná taca ñacui̱ na' cha' cua chcuna' ti chalyuu 'na xqui'ya cha' bi'. Cha' cuxi nu ndyu'ni na', bi' laca nu ndu'ni ñu'u̱ ji'i̱ chalyuu 'na. Lo'o juani nchca cuayá' ti' na' ñi'ya̱ laca sca cha' cuxi; laja lo'o ndyuna na' cha' tso'o tsa ndyu'u cha' cusu' bi', la cui' hora li' ndu'ni nu cha' cuxi bi' ngana 'na. Bi' cha' tso'o la nchca cuayá' ti' na' cha' lye tsa laca nu cha' cuxi nu ndu'ni na'.

ROMANOS 7:7

Ndi'ya̱ ñacui̱ na lacua: Si'i la cui' cha' cusu' nu ndu'ni cha' caca cuxi. Nu lo'o bilya cuna na' cha' bi', bilya ca cuayá' ti' na' na ca laca sca cha' cuxi; ná ngua cuayá' ti' na' nquicha', masi cuxi tsa laca cha' tyacui ti' na' ji'i̱ sca na nu ntsu'u ji'i̱ tya'a na'. Pana lo'o cua ndyuna na' ni cña ngulo ycui' Ndyosi ji'na, cha' ná tyacui ti' na ji'i̱ cha' bi' tsiya' ti, li' ngua cuayá' ti' na' cha' ná tso'o laca cha' ndacui ti' na' ji'i̱ sca na jua'a̱.

ROMANOS 9:14

¿Ha tso'o ñacui̱ na cha' ná liñi ndu'ni ycui' Ndyosi lacua? Ná taca chcui' na jua'a̱.

1 CORINTIOS 6:15

Cristo ca ji'i̱ tyucui ña'a̱ tsaca ma̱ lacua, stu'ba ti ntsu'u cha' ji'i̱ ma̱ lo'o nu xa' la ñati̱ tya'a ngusñi na cha' ji'i̱ Cristo. Lo'o laca na ñati̱ ji'i̱ Cristo ni, ¿ha caca sa'a na ji'i̱ sca nu cuna'a̱ calle ti? Ná tso'o cua'ni na jua'a̱ tsiya' ti.

GÁLATAS 2:17

Tso'o lacua. Masi ngu' judío laca ya, cua jlo ti' ya cha' xqui'ya cña nu cua ngua'ni Cristo cuentya ji'na, bi' cha' taca caca lubii cresiya ji'i̱ ya cuentya ji'i̱ ycui' Ndyosi. La cui' ti cha', nga'a̱ cha' chcui' ya ji'i̱ ycui' ca ya cha' lo'o lcaa ngu' judío tya'a ya ntsu'u qui'ya ji'i̱ ya, ñi'ya̱ lo'o nacui̱ ya cha' ntsu'u qui'ya ji'i̱ ngu' xa' tsu'. Pana si'i Cristo laca nu ngua'ni cha' laca ya ñati̱ cuxi.

GÁLATAS 3:21

Tso'o si cua'ni na cña nu nscua lo quityi cusu' cha' cua'ni na lacua. Lo'o jua'a̱ ndu'ni tsa cha' xñi na lcaa cha' nu nda ycui' Ndyosi lo'o ñati̱. Pana masi taquiya' na ji'i̱ lcaa cha' cusu' bi', ná taca caja chalyuu cucui bi' ji'na jua'a̱ ti; ná taca ca tso'o cresiya ji'na cuentya ji'i̱ ycui' Ni xqui'ya cha' ndyu'ni ti na lcaa cña nu nscua lo quityi cusu' bi' cha' cua'ni na; ná caca jua'a̱ tsiya' ti.

GÁLATAS 6:14

Pana nu na' ni, sca ti cha' tso'o ntsu'u chalyuu nti' na', cha' nu ngujuii ycui' Jesucristo nu Xu'na na lo crusi cuentya ji'na; bi' cha' nga'aa nti' na' ta na' xa' la cha' lo'o ñati̱. Lo'o jua'a̱ xqui'ya cha' ngujuii ycui' Cristo, nga'aa caca tatsaa nu cuxi nu ntsu'u chalyuu jna', cha' nga'aa ntsu'u cha' jna' lo'o cha' cuxi nu ntsu'u chalyuu juani.