SAN LUCAS 20:10 - Chatino Tataltepec

¹⁰ Nu lo'o cua ndyalaa tyempo suu ngu' si'yu bi', li' ngulo nu xu'na yuu bi' cña ji'i̱ sca msu ji'i̱ yu, cha' tsaa jña ji'i̱ ngu' nu ndyu'ni cña ne' lo'o ji'i̱ yu, cha' ta ngu' sa yu'be si'yu nu nga'a̱ cha' tyacua ji'i̱ xu'na yuu bi'. Pana nu ngu' bi' ni, ngujui'i̱ ngu' ji'i̱ msu bi', ngulo'o ngu' ji'i̱; lo'o nguxtyu̱u̱ yu ñaa yu slo xu'na yu, ni sca na ná nda ngu' ji'i̱.

SAN LUCAS 20:10 Iomraidhean Croise

SAN LUCAS 13:34

’Tya'na tsa cu'ma̱ ngu' Jerusalén, cha' tucui tsa cha' nu ntsu'u ji'i̱ ma̱. Tya sa'ni ndujuii ma̱ ji'i̱ ngu' nu laca tu'ba ji'i̱ ycui' Ndyosi, ngujui'i̱ ma̱ quee ji'i̱ ñati̱ nu ngua'a̱ lo Ni cña ji'i̱. Tyu̱u̱ tsa quiya' ngua ti' na' cha' cua'ni tyaca'a na' ji'i̱ ma̱, cha' ná ca cuxi ji'i̱ ma̱; ñi'ya̱ nti' sca su'u̱ nu nxuti'i̱ ji'i̱ sñi' ne' lu'be ni', jua'a̱ nti' na' cua'ni na' lo'o ma̱, pana ná nda ma̱ chacuayá' 'na tsiya' ti.

SAN LUCAS 20:11

Li' nda xu'na yuu bi' chaca msu ndyaa. Pana la cui' jua'a̱ ngua'ni ngu' lo'o nu chaca msu bi'; chiya'a̱ tsa nchcui' ngu' lo'o, li' ngujui'i̱ ngu' ji'i̱, lo'o la cui' jua'a̱ ná nda ngu' ni sca si'yu ji'i̱.

SAN LUCAS 20:9

Lo'o ti nguxana Jesús nda sca cui̱i̱ lo'o ngu' nu ndu̱ slo: ―Ntsu'u sca nu qui'yu nu ntsu'u sca lo'o su ndyataa yu yaca si'yu losu' tyixi ji'i̱ yu. Lo'o li' nda yu yuu su ndu'ni yu cña ngüijña xa' ñati̱. Chacua' li' ndu'u yu ndyaa yu tyijyu' tyu̱u̱ tsa tyempo.

SAN JUAN 15:16

Si'i cu'ma̱ nu ngusubi ma̱ 'na cha' tya'a̱ ma̱ lo'o na' ―nacui̱ Jesús―, na' laca̱ nu cua nchcui' na' lo'o ma̱ clyo. Tya li' ngulo na' cña ji'i̱ ma̱ cha' xcui' cha' tso'o tyu'u ne' cresiya ji'i̱ ma̱, cha' jua'a̱ talo cña tso'o nu ndu'ni ma̱; li' cua'ni Sti na' lcaa cha' nu jña ma̱ ji'i̱ Ni chacuayá' 'na.

ROMANOS 7:4

Ndi'ya̱ laca na juani cuentya ji'i̱ cha' cusu' nu ndaquiya' tsa na ji'i̱ tya sa'ni la: ñi'ya̱ laca sca nu cuna'a̱ nu nga'aa ntsu'u clyo'o, jua'a̱ laca lcaa tya'a na nu ntsu'u cha' ji'na lo'o Cristo. Na cua ngujuii Cristo lo crusi, bi' cha' juani nga'aa ntsu'u cha' ji'na lo'o nu cha' cusu' bi'. Cua ngua stu'ba cha' ji'na lo'o Cristo nu lo'o ndyu'ú yu chaca quiya' lo'o cua ngujuii yu, bi' cha' taca ji'na cua'ni na cña ji'i̱ ycui' Ndyosi laja lo'o tya ndi'i̱ ti na nde chalyuu.