SAN LUCAS 2:9 - Chatino Tataltepec

⁹ Tsiya' ca ndu'u tucua sca xca̱ ji'i̱ ycui' Ndyosi su ndi'i̱ ngu' ca bi'; jua'a̱ ngujui'i̱ sca xee tlyu su ndi'i̱ ngu' bi', xee ji'i̱ ycui' Ndyosi laca bi'. Ndyutsi̱i̱ tsa ngu' li'.

SAN LUCAS 2:9 Iomraidhean Croise

SAN MATEO 1:20

Laja lo'o nclyacua ti' yu ni cha' laca ngua jua'a̱, li' ndu'u tucua sca xca̱ ji'i̱ ycui' Ndyosi slo yu laja xcalá yu. Nchcui' xca̱ bi' lo'o yu li': ―José ―nacui̱ xca̱ ji'i̱ yu―, ñati̱ tya'a ji'i̱ jyo'o David laca nu'u̱ ―nacui̱―. Ná cutsi̱i̱ nu'u̱ caja clyo'o lo'o Mariá, cha' ca̱a̱ cho' toni'i̱ jinu'u̱. Si'i na cuxi ngua'ni María bi' tsiya' ti; cña nu ngua'ni Xtyi'i ycui' Ndyosi laca cha' ntsu'u sñi' Mariá juani.

SAN LUCAS 1:28

Lo'o ndyalaa xca̱ slo nu cuna'a̱ bi', li' nchcui' lo'o: ―Tso'o ti tyi'i̱ nu'u̱ ―nacui̱ xca̱ bi' ji'i̱―, tyaca'a tsa nu'u̱ ji'i̱ ycui' Ndyosi. Tso'o ndi'i̱ Ni lo'o nu'u̱ ―nacui̱―. Quiña'a̱ tsa cha' tso'o nda ycui' Ndyosi jinu'u̱, masi ná ndu'ni Ni jua'a̱ lo'o xa' la nu cuna'a̱.

SAN LUCAS 2:8

Cacua ti to' quichi̱ bi' ndya'a̱ ngu' nu ña'a̱si̱i̱ ji'i̱ xlya' ji'i̱ ngu'. Talya bi' ntsu'u ngu' cua̱ ji'i̱ taju xlya' bi'.

SAN LUCAS 24:4

Ndyutsi̱i̱ tsa ngu' li', nga'aa jlo ti' ngu' ñi'ya̱ nu cua'ni ngu'. Li' na'a̱ ngu' cha' ndu̱ tucua tya'a nu qui'yu slo ngu'; ndubi tsa ña'a̱ late' lacu' nu ngu' qui'yu bi'.

SAN JUAN 12:41

Nguscua jyo'o Isaías jua'a̱ cha' cua ngua tii cha' tlyu tsa caca nu Cristo; cha' ji'i̱ ycui' yu bi' nchcui' jyo'o Isaías li'.

LOS HECHOS 12:7

Laja lo'o laja' ti yu, hora ti ndu'u tucua sca xca̱ ji'i̱ ycui' Ndyosi su nga'a̱ yu. Tso'o tsa xee ngulane ne' ni'i̱ chcua̱ li'. Nguxtyu'u xca̱ bi' ji'i̱ Pedro, nchcui' xca̱ lo'o yu li': ―Tyatu̱ clya nu'u̱ ―nacui̱ xca̱ bi' ji'i̱ yu. Hora ti ndyati̱' carena chcua̱ nu ndyaaca̱' ya' yu.

LOS HECHOS 27:23

Jlo ti' ma̱ cha' ycui' Ndyosi laca nu Xu'na na', cha' cña ji'i̱ ycui' Ni ndyu'ni na'. Talya ti ngulu'u loo sca xca̱ ji'i̱ ycui' Ndyosi 'na;

LOS HECHOS 5:19

Nu lo'o ngua talya, li' ndyalaa sca xca̱ ji'i̱ ycui' Ndyosi, ngusaala toni'i̱ su ntsu'u ngu' ne' chcua̱ cha' tyu'u ngu' nde liya'. Lo'o cua ngutu'u ngu' nde liya', li' nchcui' xca̱ bi' lo'o ngu':

2 CORINTIOS 3:18

Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.

2 CORINTIOS 4:6

La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

HEBREOS 12:21

Lye tsa ña'a̱ ngua cha' bi', hasta ycui' Moisés nacui̱ ndi'ya̱: “Lye tsa nchcua̱ na' cha' ndyutsi̱i̱ na'”.

APOCALIPSIS 18:1

Tiya' la li' na'a̱ na' ji'i̱ chaca xca̱ ji'i̱ ycui' Ndyosi lijya̱ ca'ya nde lo yuu chalyuu; tlyu tsa chacuayá' ntsu'u ji'i̱ xca̱ bi', lo'o jua'a̱ ndubi tsa ña'a̱ tyucui ña'a̱ yu, ña'a̱ cuayá' nda yu xee tyucui ña'a̱ chalyuu.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.