SAN LUCAS 2:7 - Chatino Tataltepec

⁷ Qui'yu cubi' nu ngula ji'i̱ María bi', sñi' clyo nu cuna'a̱ bi' laca cubi' bi'. Tso'o ngüixi̱i̱ xtya'a̱ late' hichu̱' cubi' bi', lo'o li' ngusta ji'i̱ cubi' ne' canoa su ndacu cuayu, cha' ná ngujui ni'i̱ su tyi'i̱ ngu' tsiya' ti.

SAN LUCAS 2:7 Iomraidhean Croise

SAN MATEO 1:25

pana ná ngujua' yu lo'o ña'a̱ cuayá' nu cua ngula sñi'. Lo'o cua ngula cubi', li' ngua naa Jesús.

SAN MATEO 13:55

La cui' sñi' cuityi yaca laca yu re. ¿Ha si'i? Lo'o María laca xtya'a̱ yu; lo'o Jacobo, lo'o José, lo'o Simón, lo'o Judas, ngu' bi' laca tya'a yu re.

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN LUCAS 10:34

Lo'o li' ndyaa ca su ntsiya yu quicha bi', ngua'ni jo'o ji'i̱ lcaa su quicha ji'i̱ yu bi' lo'o setye, cuati lo'o vino ngua'ni jo'o ji'i̱ yu su quicha bi'. Li' ngüixi̱i̱ late' chu̱' yu su quicha bi', ngusta ji'i̱ yu quicha bi' hichu̱' huru ji'i̱ ycui', ndyaa lo'o ji'i̱ yu ca to' tyi sca ñati̱; ca bi' ña'a̱si̱i̱ ngu' ji'i̱ nu quicha bi' ngua ti'.

SAN LUCAS 2:6

Li' cua ndyalaa hora cala sñi' nu cuna'a̱ bi', laja lo'o ndi'i̱ ngu' quichi̱ Belén bi'.

SAN LUCAS 2:8

Cacua ti to' quichi̱ bi' ndya'a̱ ngu' nu ña'a̱si̱i̱ ji'i̱ xlya' ji'i̱ ngu'. Talya bi' ntsu'u ngu' cua̱ ji'i̱ taju xlya' bi'.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

2 CORINTIOS 8:9

Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.

GÁLATAS 4:4

Pana lo'o cua ndyalaa tsa̱ nu ndu'u scua cha' nu ngüiñi ji'i̱ Ni lo'o na, li' cua nda ycui' Ndyosi ji'i̱ Sñi' ycui' ca Ni ñaa chalyuu; sñi' sca nu cuna'a̱ ngu' judío ngua nu Jesús bi', lo'o jua'a̱ ndaquiya' tsa yu ji'i̱ lcaa cha' cusu' nu jlya ti' ngu' judío.