SAN LUCAS 2:47 - Chatino Tataltepec

⁴⁷ Lcaa ñati̱ nu nga'a̱ cacua ti, ndube tsa ti' ngu' lo'o ndyuna ngu' cua ña'a̱ ca cha' nu nda nu piti bi'; ndube tsa ti' ngu' cha' nchca tsa ji'i̱ yu.

SAN LUCAS 2:47 Iomraidhean Croise

SAN MATEO 13:54

Ca tiya' la nu lo'o ndyalaa yu quichi̱ tyi yu, li' ndyatí̱ yu ne' laa ji'i̱ ngu' jua, ngulu'u yu xi ji'i̱ ngu' nu ndi'i̱ ne' laa bi'. Ndube tsa ti' ngu' bi' li': ―¿Mala ngua tsa'a̱ nu qui'yu re lcaa cha' nu nchcui' yu? ―nacui̱ ngu' ji'i̱ tya'a ngu'―. ¿Ñi'ya̱ ngua ji'i̱ yu cha' nchca ji'i̱ yu ndu'ni yu cha' tlyu?

SAN MATEO 22:33

Lo'o ndyuna nu quiña'a̱ tsa ñati̱ nu nga'a̱ slo cha' nu nclyu'u Jesús bi', ndube tsa ti' ngu' ji'i̱ cha' bi' li'.

SAN MATEO 7:28

Lo'o ndye ngulu'u Jesús lcaa cha' re ji'i̱ ngu', li' ndube tsa ti' nu ngu' quiña'a̱ ji'i̱ cha' nu ngulu'u yu ji'i̱ ngu'.

SAN MARCOS 1:22

Lo'o ndyuna ngu', li' ndube tsa ti' ngu' ñi'ya̱ cha' nclyu'u Jesús ji'i̱ ngu'. Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu', si'i ñi'ya̱ nclyu'u mstru nu nclyu'u cha' jo'ó ne' laa.

SAN MARCOS 11:18

Ndyuna sti jo'ó nu laca loo cha' bi', jua'a̱ ndyuna mstru cha' jo'ó. Na'a̱ ngu' cha' quiña'a̱ tsa ñati̱ ndaquiya' ngu' ji'i̱ cha' nu nclyu'u Jesús ji'i̱ ngu', bi' cha' ntsi̱i̱ nu ngu' tlyu bi' si caca tlyu la Jesús; ngua ti' nu ngu' tlyu bi' si caja ñi'ya̱ caca cujuii ngu' ji'i̱ Jesús li'.

SAN MARCOS 6:2

Ndyatí̱ Jesús ndyaa ne' laa quichi̱ bi' tsa̱ nu ndi'i̱ cña' ngu', tsa̱ ta'a bi'. Li' ngulu'u yu ji'i̱ ngu'. Ndube tsa ti' ngu' nu ndi'i̱ ne' laa bi' lo'o ndyuna ngu' cha' nu nchcui' Jesús lo'o ngu'. ―¿Mala ngua tsa'a̱ yu re lcaa cha' nu nchcui' yu? ―nacui̱ ngu'―. ¿Ñi'ya̱ ngua cha' ngua cuayá' tso'o ti' yu? ¿Ha tii yu? ―nacui̱ ngu'―. ¿Ni cha' laca cha' nchca ji'i̱ yu cua'ni yu cha' tlyu? ―nacui̱ ngu' ji'i̱ tya'a ngu'―.

SAN LUCAS 2:18

Pana lo'o nchcui' ngu' nu ndya'a̱ cua̱ ji'i̱ xlya' cha' bi' li', ngulacua tsa ti' nu xa' la ngu' bi'.

SAN LUCAS 2:46

Lo'o jua'a̱ ngua li', tsa̱ nchca tyuna nquije nu piti bi' ji'i̱ ngu', nga'a̱ yu ca ne' laa. Tyi'i̱ ca chu̱' nu piti bi' ndi'i̱ mstru nu nclyu'u cha' jo'ó ne' laa. Ndyuna nu piti bi' lcaa cha' nu nchcui' ngu', lo'o jua'a̱ tyu̱u̱ tsa cha' nchcuane nu piti ji'i̱ ngu' bi' li'.

SAN LUCAS 4:22

Ndube tsa ti' ngu' ña'a̱ ngu' ji'i̱ Jesús cha' tso'o tsa nchcui' yu, jua'a̱ ndiya tsa ti' ngu' cha' nu nda yu lo'o ngu'. Ndi'ya̱ cha' nu nchcui' ngu' lo'o tya'a ngu' ji'i̱ yu li': ―¿Ha si'i ca sñi' José laca yu re? ―nacui̱ ngu'

SAN LUCAS 4:32

Ndube tsa ti' ngu' lo'o ndyuna ngu' cha' tso'o nu nda Jesús lo'o ngu'. Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu'.

SAN JUAN 7:15

Ndube tsa ti' ngu' judío cha' nchca tsa ji'i̱ Jesús: ―¿Ni cha' laca cha' nchca tsa ji'i̱ yu jua nclyu'u yu ji'i̱ ñati̱? Ná tyu̱u̱ yija̱ nguta'a̱ yu scuelya, ná ngua tsa'a̱ tso'o yu jua ―nacui̱ ngu'.

SAN JUAN 7:46

Li' nacui̱ policía: ―Bilya cuna ya nchcui' sca ñati̱ ñi'ya̱ nu nchcui' yu jua.