SAN LUCAS 2:2 - Chatino Tataltepec

² Bilya xcua xtañi ngu' jua'a̱ nquicha', clyo juani cua'ni ngu' cha' xcua xtañi ngu'. La cui' tyempo laca Cirenio gobernador nde loyuu su cuentya Siria, cña ji'i̱ nu emperador bi'.

SAN LUCAS 2:2 Iomraidhean Croise

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN LUCAS 2:1

Tyempo bi', ñati̱ nu laca loo la tyucui ña'a̱ chalyuu bi' ngua nu emperador; Augusto naa yu, lo'o li' ngulo yu cña cha' xcua xtañi ngu' lcaa quichi̱ lo quityi.

SAN LUCAS 2:3

Li' ndyaa lcaa ñati̱ quichi̱ tyi jyo'o cusu' ji'i̱ ngu', cha' ca bi' nscua xtañi ngu' li'.

SAN LUCAS 3:1

Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'.

LOS HECHOS 13:7

Ndi'i̱ nu cucha'a̱ bi' slo gobernador nu naa Sergio Paulo. Ngua tsa nu gobernador bi', lo'o jua'a̱ nti' tsa cuna cha' ji'i̱ ycui' Ndyosi; bi' cha' nguane gobernador ji'i̱ Bernabé lo'o ji'i̱ Saulo cha' ca̱a̱ ngu' ca slo, cha' culu'u ngu' cha' bi' ji'i̱.

LOS HECHOS 18:12

Lo'o li' ngua Galión gobernador ji'i̱ loyuu su cuentya Acaya bi'; tyempo bi' ndyu'u ti'i̱ tyu̱u̱ tya'a ngu' judío se'i̱ ti cha' xu̱u̱ tya'a ngu' lo'o Pablo, masi tya'a ngu' judío laca yu. Li' ngusñi ngu' bi' ji'i̱ yu cha' tsaa lo'o ngu' ji'i̱ yu ca slo ngu' tisiya;

LOS HECHOS 23:26

“Claudio Lisias nscua quityi re cha' tsaa slo nu'u̱, gobernador Félix, cha' nu'u̱ laca loo. Xlyo ni'i̱.

LOS HECHOS 26:30

Cua ndye nchcui' Pablo lo'o ngu', li' ndatu̱ rey, ndatu̱ gobernador lo'o ma' Berenice, lo'o jua'a̱ ndatu̱ lcaa ngu' nu nga'a̱ lo'o ngu' bi' li'.

LOS HECHOS 5:37

Chaca quiya' ndyalaa sca ngu' Galilea tyempo lo'o nguscua ngu' nu laca cña xtañi ngu' quichi̱, jyo'o Judas ngua bi'. Ngusi'yana jyo'o Judas bi' ji'i̱ tyu̱u̱ tya'a ñati̱ cha' tyu'u lca'a̱ ngu' ji'i̱ yu, cha' xu̱u̱ tya'a ngu' lo'o ngu' sendaru. Lo'o li' ñi'ya̱ nu ngua ji'i̱ Teudas bi', jua'a̱ ngua lo'o Judas bi', cha' ndyujuii ñati̱ ji'i̱ yu. Ndye cha' ji'i̱ yu jua'a̱ ti li', ngusna lcaa ngu' tya'a ndya'a̱ yu.