SAN LUCAS 2:14 - Chatino Tataltepec

¹⁴ Cua'ni tlyu na ji'i̱ ycui' Ndyosi, masi ca bi' ca su tlyu su ntucua Ni, masi nde lo yuu chalyuu, cha' tlyu tsa laca ycui' Ni, nacui̱ ngu' xca̱ bi' li'. Cua'ni Ni cha' ti̱ ti tyi'i̱ tyiquee ñati̱ chalyuu lo'o ca cuayá' ti' ngu' cha' ntsu'u tsa tyiquee Ni ña'a̱ Ni ji'i̱ ngu', nacui̱ ngu' xca̱ li'.

SAN LUCAS 2:14 Iomraidhean Croise

SAN MATEO 21:9

Lo'o lcaa ngu' nxi'ya ngu' cha' chaa ti' ngu', masi ngu' nu ndyaa nde loo la, masi ngu' nu ñaa nde chu̱' la; chaa tsa ti' lcaa ngu' bi'. ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ ngu' ji'i̱ Jesús―. Tso'o tsa cua'ni ycui' Ni lo'o nu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

SAN LUCAS 1:79

Li' ta Ni xee bi' cha' tyu'ú ne' cresiya ji'i̱ ngu' nu nga'aa ndyiji ñi'ya̱ cua'ni ngu', cha' talya tsa ña'a̱ ne' cresiya ji'i̱ ngu' bi'. Masi tya lu'ú ngu' bi', pana ñi'ya̱ nti' si na cua ngujuii nti' ngu', xqui'ya cha' cuxi nu ntsu'u ne' cresiya ji'i̱ ngu'. Culu'u Cristo ji'na ñi'ya̱ cua'ni na cha' tyi'i̱ ti̱ ti na lo'o tya'a na. Cua ndye cha' nu nda Zacarías li'.

SAN LUCAS 19:38

―Tso'o tsa ndyu'ni ycui' Ndyosi xqui'ya yu nu lijya̱ re chacuayá' ji'i̱ ycui' Ni nu Xu'na na, cha' caca nu nde loo ji'na ―nacui̱ ngu'―. Ti̱ ti tyi'i̱ lcaa na nu ntsu'u nde cua̱, nu cuentya ji'i̱ ycui' Ni laca. Masi juani ti cua'ni tlyu na ji'i̱ ycui' Ndyosi.

SAN LUCAS 2:13

Lo'o ndye nchcui' xca̱ bi' lo'o ngu', li' nde cua̱ ndu'u tucua chaca taju xca̱ nu quiña'a̱ la nu ndu'u nde slo ycui' Ndyosi; tso'o tsa ndyu'ni tlyu xca̱ bi' ji'i̱ ycui' Ndyosi. Ndi'ya̱ nchcui' ngu' xca̱ bi' lo'o ngu':

SAN LUCAS 2:15

Nguxtyu̱u̱ xca̱ bi' ndyaa ngu' nde cua̱ ca slo ycui' Ndyosi. Lo'o nu ngu' nu ndi'i̱ cua̱ ji'i̱ xlya' bi' ni, nguxana nchcui' ngu' lo'o tya'a ngu' li': ―Tyaa clya na nde Belén ―nacui̱ ngu' ji'i̱ tya'a ngu' li'―. Tsaa na'a̱ na, na laca nu ndyaca jua, ni cha' laca nu nchcui' ycui' Ndyosi lo'o na.

SAN LUCAS 3:22

Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱: ―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.

SAN JUAN 14:27

’Ndi'ya̱ cua'ni na' lo'o ma̱ cha' cua tya'a ti na': cua'ni na' cha' ti̱ ti tyi'i̱ tyiquee ma̱. Ná nchca ji'i̱ ñati̱ chalyuu tyi'i̱ ti̱ ti ngu', pana ycui' na' cua'ni na' cha' ti̱ ti tyi'i̱ ma̱ ―nacui̱ Jesús―. Nga'aa culacua tsa ti' ma̱, nga'aa cutsi̱i̱ ma̱ ―nacui̱―.

SAN JUAN 17:4

’Nde lo yuu re su nguti'i̱ na' cua ngua'ni na' cha' tlyu tsa laca nu'u̱ ―nacui̱ Jesús―, jua'a̱ cua ndye ngua'ni na' lcaa cña nu nda nu'u̱ 'na cha' cua'ni na' ca nde.

SAN JUAN 3:16

’Ntsu'u tsa tyiquee ycui' Ndyosi ña'a̱ Ni ji'i̱ ñati̱ chalyuu, bi' cha' cua nda ycui' Ni jna' nu laca̱ Sñi' ycui' ca Ni lijya̱ na' chalyuu. Ná tsaa ñati̱ ca bilyaa si xñi ngu' cha' jna', nu laca̱ sca ti Sñi' ycui' Ndyosi; caja chalyuu tso'o ji'i̱ ngu' bi', chalyuu nu ná nga'a̱ cha' tye ―nacui̱ Jesús―.

LOS HECHOS 10:36

Cua nda ycui' Ndyosi cha' lo'o ya nu laca ya ngu' Israel, cha' ti̱ ti tyi'i̱ cresiya ji'i̱ ñati̱ chalyuu xqui'ya Jesucristo, nu laca Xu'na lcaa ñati̱.

ROMANOS 5:1

Jua'a̱ laca lacua; xqui'ya cha' ngusñi ti na cha' ji'i̱ Jesús, bi' cha' cua ngua tso'o cresiya ji'na cuentya ji'i̱ ycui' Ndyosi. Lo'o li' ti̱ ti ndi'i̱ tyiquee na, stu'ba ti ntsu'u cha' ji'na lo'o ycui' Ndyosi xqui'ya Jesucristo nu Xu'na na.

EFESIOS 1:6

Lo'o juani ntsu'u cha' cua'ni tlyu na ji'i̱ ycui' Ndyosi, cha' jua'a̱ tlyu tsa cha' tso'o nu ngua'ni Ni lo'o na. Xlya'be tsa nti' Ni ña'a̱ Ni ji'na, cha' cua nda Ni ji'i̱ Sñi' ycui' ca Ni lijya̱, nu tyaca'a tsa ji'i̱ Ni, cha' jua'a̱ caca stu'ba cha' ji'na lo'o Ni.

EFESIOS 1:9

Ñi'ya̱ nu ngua'ya cha' hique Ni tya sa'ni, jua'a̱ ngua'ni Ni li'; masi ná ndacha' Ni ji'i̱ ñati̱ chalyuu nu ngua sa'ni ñi'ya̱ caca cha' bi', tya li' ngua ti' Ni cha' cua'ni Ni cha' cala Cristo nde chalyuu. Hasta juani cua ngua cuayá' tso'o ti' na ñi'ya̱ ngua ti' ycui' Ndyosi cha' cua'ni Ni xqui'ya Cristo;

EFESIOS 2:4

Pana ndyi'ya tsa ycui' Ndyosi cha' clyu ti' ji'na, cha' ntsu'u tsa tyiquee Ni ña'a̱ Ni ji'na;

EFESIOS 2:7

Sca ti quiya' ngua'ni Ni lcaa cha' bi', cha' ca cuayá' ti' lcaa ñati̱ nu ca̱a̱ chalyuu nde loo la cha' ntsu'u tsa tyiquee Ni ña'a̱ Ni ji'i̱ ñati̱ chalyuu. Xqui'ya cha' ntsu'u tsa tyiquee Jesucristo ña'a̱ Ni ji'na, bi' cha' ca cuayá' ti' na cha' ná ntsu'u su tye cha' ndu'ni tso'o ycui' Ndyosi lo'o na;

FILIPENSES 2:11

Cui̱i̱ tsa chcui' lcaa ñati̱ cha' Jesucristo laca Xu'na lcaa ca chalyuu, jua'a̱ tso'o tsa cua'ni tlyu ngu' ji'i̱ ycui' Ndyosi Sti na.

FILIPENSES 2:13

Tyi'u ti' ma̱ cha' lcaa tsa̱ ndu'ni ycui' Ndyosi cña laja ne' cresiya ji'i̱ ma̱, cha' taca cua'ni ma̱ cña ji'i̱ Ni; jua'a̱ ndu'ni Ni cha' tyaja'a̱ ma̱ cua'ni ma̱ lcaa ña'a̱ nu nti' ycui' Ndyosi cha' cua'ni ma̱.

COLOSENSES 1:20

cha' jua'a̱ ngua ti' Ni cua'ni Ni, cha' chaca quiya' caca Ni loo ji'i̱ tyucui ña'a̱ chalyuu xqui'ya yu bi'. Cua nguaala' cha' ji'i̱ ycui' Ndyosi lo'o ñati̱ chalyuu lo'o ngujuii Cristo lo crusi xqui'ya na; jua'a̱ ngua'ni yu cha' xa' caca tyucui ña'a̱ chalyuu cuentya ji'i̱ ycui' Ndyosi chaca quiya', masi nde lo yuu chalyuu, masi nde cua̱.

2 TESALONICENSES 2:16

Ndi'ya̱ nti' na' cha' cua'ni Ni lo'o ma̱, masi Jesucristo nu Xu'na na, masi ycui' Ndyosi Sti na: cua'ni Ni cha' caca nguula ti' tyiquee ma̱, cha' caja juersa ji'i̱ ma̱, cha' taca cua'ni ma̱ cua ña'a̱ ca cha' tso'o, cha' xcui' cha' tso'o chcui' ma̱ lo'o tya'a ma̱. Ntsu'u tsa tyiquee ycui' Ni ña'a̱ Ni ji'na, bi' cha' tso'o tsa ndu'ni Ni lo'o na, cha' ti̱ ti tyi'i̱ tyiquee na lcaa hora laja lo'o ntajatya na ji'i̱ ycui' Jesús cha' ca̱a̱ Ni.

APOCALIPSIS 5:13

Li' nguañi ndyula tu'ba lcaa ñati̱ tyucui ña'a̱ chalyuu, lcaa ngu' nu cua nda ycui' Ndyosi ji'i̱ lijya̱ nde chalyuu; masi nde cua̱ su ntucua ycui' Ni, masi nde lo yuu chalyuu, masi chaca ba'a chalyuu su ndyaa ñati̱ nu ngujuii, masi lo tyujo'o, lcaa ñati̱ bi' ndyu'ni tlyu ngu' ji'i̱ ycui' Ndyosi. Ndi'ya̱ nchcui' ngu': Cua'ni tlyu na ji'i̱ ycui' nu Cusu' nu ntucua ca su tlyu, nacui̱ ngu', cua'ni chi̱ na loo Ni. Jua'a̱ nu ñi'ya̱ ña'a̱ xlya' bi', cua'ni tlyu na ji'i̱ Ni. Sca ti ycui' Ndyosi ntsu'u chacuayá' ji'i̱ Ni cha' cua'ni Ni lcaa lo cña tsiya' ti; lo'o jua'a̱ ná nga'a̱ cha' tye cha' ji'i̱ ycui' Ni tsiya' ti, nacui̱ ngu'.