SAN LUCAS 2:11 - Chatino Tataltepec

¹¹ Cua lijya̱ na' cacha' na' ji'i̱ ma̱ cha' juani cua ngula sca cubi' ca quichi̱ tyi ma̱, cha' la cui' quichi̱ tyi jyo'o David laca bi'; cubi' bi' laca nu cuityi̱ qui'ya nu ntsu'u ji'i̱ ma̱. Bi' laca nu Cristo nu laca ycui' nu Xu'na na, nu cua nda ycui' Ndyosi ji'i̱ cha' lijya̱ lo yuu chalyuu ―nacui̱―.

SAN LUCAS 2:11 Iomraidhean Croise

SAN MATEO 1:16

Lo'o li' sñi' jyo'o Jacob bi' ngua José nu ngua clyo'o María xtya'a̱ Jesús, lo'o jua'a̱ Cristo naa Jesús bi'.

SAN MATEO 1:21

Lo'o cala sñi' nu cuna'a̱ bi', cubi' qui'yu caca nu bi'. Lo'o xcua xtañi cubi' bi' li', bi' ca naa Jesús. Lo'o nu Jesús bi' ni, bi' laca nu cua'ni lyaá ji'i̱ ñati̱ nu ntsu'u cha' ji'i̱ lo'o ycui' Ni, cha' clyaá ngu' ji'i̱ qui'ya nu ntsu'u ji'i̱ ngu'.

SAN MATEO 16:16

Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

SAN MATEO 16:20

Li' ngulo Jesús cña ji'i̱ ngu' nu ndyaca tsa'a̱ ji'i̱ cha' ná cacha' ngu' ji'i̱ ni sca ñati̱ cha' Cristo laca ycui' yu.

SAN LUCAS 1:43

¿Tilaca ta laca na' cha' cua ndyalaa nu'u̱ nu caca xtya'a̱ nu Xu'na na ca slo na'?

SAN LUCAS 1:69

Cua nda ca ti ycui' Ndyosi lijya̱ sca nu tso'o tsa nchca ji'i̱, cha' cua'ni lyaá yu ji'na ji'i̱ lcaa cha' cuxi nu ntsu'u ji'na; bi' laca sca ñati̱ nu la cui' ñati̱ tya'a ji'i̱ jyo'o David nu ngua'ni cña ji'i̱ ycui' Ndyosi cua sa'ni la.

SAN LUCAS 2:26

ngua'ni Ni cha' ca cuayá' ti' yu cha' ná cajaa chca yu ña'a̱ cuayá' tyalaa tsa̱ nu ña'a̱ yu ji'i̱ nu Cristo, nu ta ycui' Ndyosi ji'i̱ cha' ca̱a̱ nde chalyuu.

SAN LUCAS 2:4

Cua ndi'i̱ sca quichi̱ nu naa Belén nde loyuu su cuentya Judea bi'; quichi̱ bi' laca quichi̱ tyi jyo'o David nu ngua jyo'o cusu' ji'i̱ José, bi' cha' ndu'u José quichi̱ Nazaret su laca quichi̱ tyi yu, ndyaa yu nde quichi̱ Belén. Stu'ba ti ndyaa yu lo'o María nu caca clyo'o yu, cha' xcua xtañi ngu', masi ngua tana nu cuna'a̱ bi'.

SAN JUAN 1:41

Hora ti ndyaa Andrés ndyaana ji'i̱ tya'a, la cui' nu Simón bi'. Li' nchcui' Andrés lo'o: ―Cua nquijeloo ji'i̱ ya ñi'ya̱ nu laca Cristo, nu ñati̱ tlyu nu nda Ni ji'i̱ lijya̱ nde chalyuu ―nacui̱.

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN JUAN 11:27

―Chañi cha' jlya ti' na', cusu' ―nacui̱ nu cuna'a̱ bi'―. Hasta juani jlya ti' na' cha' nu'u̱ laca Cristo nu ñati̱ tlyu bi', nu'u̱ laca nu sca ti Sñi' ycui' Ndyosi, lo'o jua'a̱ cua nda Ni jinu'u̱ lijya̱.

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

SAN JUAN 4:25

Lo'o li' nguxtyacui nu cuna'a̱ bi' cha' lo'o Jesús chaca quiya': ―Nda na' cuentya cha' cua ca̱a̱ ti sca ñati̱ tlyu nu ta ycui' Ndyosi ji'i̱ cha' ca̱a̱ chalyuu, nu caca naa Cristo ―nacui̱―. Lo'o ca̱a̱ yu bi', li' culu'u liñi yu lcaa cha' tucui ji'na.

SAN JUAN 4:42

Li' nacui̱ ngu' bi' ji'i̱ nu cuna'a̱ bi': ―Si'i xqui'ya nu'u̱ ngusñi ya cha' ji'i̱ yu juani. Na cua nchcui' ycui' yu lo'o ya, bi' cha' jlya ti' ya cha' nu nchcui' yu; cua nda ya cuentya cha' chañi cha' laca nu cusu' re Cristo, nu ñati̱ tlyu nu cua ca̱a̱ ti cha' cua'ni lyaá ji'i̱ lcaa ñati̱ chalyuu.

SAN JUAN 6:69

Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.

SAN JUAN 7:41

Lo'o jua'a̱ nchcui' xi xa' la ngu' cha' ji'i̱ yu: ―Yu jua laca nu ñati̱ tlyu nu nda ycui' Ndyosi ji'i̱ cha' ca̱a̱ ―nacui̱ ngu'. Li' nguxtyacui xa' la ngu' quichi̱ cha' lo'o tya'a ngu': ―Pana si'i nde Galilea tyu'u nu ñati̱ tlyu bi', si'i jua'a̱ caca.

LOS HECHOS 10:36

Cua nda ycui' Ndyosi cha' lo'o ya nu laca ya ngu' Israel, cha' ti̱ ti tyi'i̱ cresiya ji'i̱ ñati̱ chalyuu xqui'ya Jesucristo, nu laca Xu'na lcaa ñati̱.

LOS HECHOS 13:23

Cua sa'ni nda ycui' Ndyosi cha' lo'o na cha' nde loo la cala sca ñati̱ tya'a ji'i̱ jyo'o David bi', nu cua'ni lyaá ji'i̱ lcaa na nu laca na ngu' Israel; yu bi' laca Jesús.

LOS HECHOS 17:3

ngulu'u yu cha' ji'i̱ ycui' Ndyosi ji'i̱ ngu', cha' nu nchcui' quityi cusu' ji'i̱ Cristo ñi'ya̱ nu ntsu'u cha' xcube' ngu' ji'i̱, lo'o li' ñi'ya̱ tyu'ú nu Cristo bi' chaca quiya' lo'o cua ndyujuii ngu' ji'i̱. ―Nchcui' na' lo'o ma̱ cha' ji'i̱ Jesús ―nacui̱ Pablo ji'i̱ ngu' li'―. Ñi'ya̱ nu nchcui' quityi ji'i̱ nu Cristo bi', la cui' jua'a̱ ngua ji'i̱ Jesús ―nacui̱―. La cui' Cristo laca nu Jesús bi'.

LOS HECHOS 2:36

’Ntsu'u sca cha' ji'i̱ ycui' Jesús nu nga'a̱ cha' ca cuayá' ti' lcaa na nu laca na ngu' Israel: La cui' Jesús nu ngujui'i̱ ca'a̱ na ji'i̱ lo crusi cha' cujuii na ji'i̱, la cui' yu bi', cua nda ycui' Ndyosi chacuayá' ji'i̱ yu cha' caca yu Xu'na na, cha' laca yu nu Cristo.

LOS HECHOS 5:31

Nchca ji'i̱ Jesús bi' cuityi̱ yu cha' cuxi nu ntsu'u ji'i̱ ñati̱ chalyuu. Ycui' Jesús laca nu Xu'na na, bi' cha' la'a tsu' cui̱ ca su ntucua Ni nda ycui' Ndyosi su tyi'i̱ Jesús. Ngua'ni Ni jua'a̱ cha' caja ñi'ya caca tyuju'u ti' na nu laca na ngu' Israel ji'i̱ qui'ya nu ntsu'u ji'na, lo'o jua'a̱ cui'ya Ni cha' clyu ti' ji'na li'.

1 CORINTIOS 15:47

Lo'o yuu ti ngüiñá Ni ji'i̱ Adán nu nguti'i̱ chalyuu clyo. Pana ca slo ycui' Ndyosi ngutu'u nu chaca ñati̱ nu ya̱a̱ chalyuu ca tiya' la, la cui' Jesucristo nu Xu'na na.

FILIPENSES 2:11

Cui̱i̱ tsa chcui' lcaa ñati̱ cha' Jesucristo laca Xu'na lcaa ca chalyuu, jua'a̱ tso'o tsa cua'ni tlyu ngu' ji'i̱ ycui' Ndyosi Sti na.

FILIPENSES 3:8

Lo'o jua'a̱, masi tucuna' na' lcaa cha' nu ndiya tsa ti' na' nde chalyuu, ná cube ti' na'; tlyu la tsiya' ti laca cha' tso'o nu cua ngujui 'na juani, laja lo'o ndyuloo na' ji'i̱ Jesucristo nu Xu'na na'. Xqui'ya Cristo, bi' cha' cua nguxtyanu na' ji'i̱ lcaa cha' cusu' bi'; nga'aa tso'o cha' cusu' bi' tsiya' ti, nti' na', hasta xcua̱a̱ na' ji'i̱, nti' na'. Tsa bi' ti cha' nti' na', cha' xñi tso'o na' cha' ji'i̱ Cristo,

COLOSENSES 2:6

Na cua ngüiñi ti' ma̱ lo'o Jesucristo cha' caca Ni nu Xu'na ma̱, bi' cha' cui'ya ma̱ cuentya cha' stu'ba ti caca tyiquee ma̱ lo'o Ni lcaa tsa̱ lo'o tyi'i̱ ma̱ chalyuu.

1 JUAN 4:14

Cua na'a̱ ycui' ya ji'i̱ Jesús. Chañi laca cha' nu nchcui' ya lo'o ma̱ juani, cha' cua nda ycui' Ndyosi Sti Jesús chacuayá' ji'i̱ Sñi' ycui' ca Ni cha' cua'ni lyaá ji'i̱ cua ña'a̱ ca ñati̱ ji'i̱ nu cuxi.

1 JUAN 5:1

Lcaa ñati̱ nu jlya ti' ji'i̱ Jesús, cha' laca yu Cristo nu cua nda ycui' Ndyosi ji'i̱ ya̱a̱ chalyuu, chañi cha' laca ngu' bi' sñi' ycui' Ndyosi. Ycui' Ndyosi laca Sti na, lo'o jua'a̱ ntsu'u tsa tyiquee na ña'a̱ na ji'i̱ Ni, bi' cha' ntsu'u tyiquee na ña'a̱ na ji'i̱ xa' la sñi' ycui' Ni, tya'a ngusñi na cha' ji'i̱ Jesús.