SAN LUCAS 2:1 - Chatino Tataltepec

¹ Tyempo bi', ñati̱ nu laca loo la tyucui ña'a̱ chalyuu bi' ngua nu emperador; Augusto naa yu, lo'o li' ngulo yu cña cha' xcua xtañi ngu' lcaa quichi̱ lo quityi.

SAN LUCAS 2:1 Iomraidhean Croise

SAN MATEO 22:17

Tyu'u cha' clyu ti' jinu'u̱, cacha' nu'u̱ cha' liñi ji'i̱ ya: ¿Ha tso'o si ta na cñi cña loo na ji'i̱ rey tlyu nu ndi'i̱ xa' tsu' bi'?

SAN MATEO 24:14

Ntsu'u cha' culu'u ma̱ cha' jna' ji'i̱ ñati̱, lcaa cha' tso'o nu nchcui' na', ñi'ya̱ caca lo'o laca ycui' Ndyosi loo ne' cresiya ji'i̱ ñati̱; ntsu'u cha' chcui' ma̱ cha' bi' lo'o ñati̱ tyucui ña'a̱ chalyuu, cha' caca cuayá' ti' ngu' ji'i̱ cha' bi' nde lcaa nasiyu̱. Lo'o li' tye chalyuu.

SAN MARCOS 14:9

Chañi cha' nu chcui' na' lo'o ma̱ juani, cha' lcaa su cañi cha' jna' tyucui ña'a̱ chalyuu, ca bi' cuna ñati̱ lcaa cha' nu ngua'ni nu cuna'a̱ re juani, cha' tyi'u ti' ngu' cha' tso'o tsa cña nu ngua'ni nu cuna'a̱ re.

SAN MARCOS 16:15

―Tsaa ma̱ tyucui ña'a̱ chalyuu ―nacui̱ Jesús ji'i̱ ngu' bi' li'―. Ta ma̱ cha' lo'o lcaa ñati̱ cuentya jna'. Chcui' ma̱ lo'o ngu' cha' taca clyaá ngu' ji'i̱ nu cuxi xqui'ya na'.

SAN LUCAS 2:3

Li' ndyaa lcaa ñati̱ quichi̱ tyi jyo'o cusu' ji'i̱ ngu', cha' ca bi' nscua xtañi ngu' li'.

SAN LUCAS 3:1

Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'.

LOS HECHOS 11:28

Agabo naa tsaca ngu' bi'. Cua nda Xtyi'i ycui' Ndyosi sca cui̱i̱ lo'o nu Agabo bi' cha' chcui' yu lo'o ngu'. Li' nchcui' Agabo lo'o ngu' cha' cua ca̱a̱ ti sca jbi'ña tlyu tsa tyucui ña'a̱ chalyuu. Chañi cha' jua'a̱ ngua cha' nu nda Agabo bi', pana nde loo la ngua cha' bi', nu lo'o ngua Claudio rey nu laca loo.

LOS HECHOS 25:11

Si'i ñati̱ xña'a̱ laca na'; lo'o tyalaa hora cha' cajaa na', ná cutsi̱i̱ na' cha' caja̱a̱ li'. Si ná laca na' ñati̱ xña'a̱, ná ntsu'u cha' ta nu'u̱ chacuayá' tsaa na' slo ngu' bi' li'; bi' cha' jña na' chacuayá' jinu'u̱ juani cha' tsa'a̱ ca slo ycui' rey ji'i̱ ngu' romano nu laca loo la, cha' cua'ni cuayá' yu bi' jna' cajua.

LOS HECHOS 25:21

pana cua ndijña Pablo chacuayá' jna' cha' ca cuayá' ji'i̱ yu ca slo rey Augusto nu laca loo la. Bi' cha' ngulo na' cña cha' tyanu yu ne' chcua̱, cha' ta na' ji'i̱ yu cha' tsaa yu slo rey nu laca loo la bi'.

ROMANOS 1:8

Su nguxana ti quityi re, ndyu'ni tlyu na' ji'i̱ ycui' Ndyosi xqui'ya Jesucristo. Tso'o tsa nti' na' cha' cua ngusñi lcaa tya'a ma̱ cha' ji'i̱ Jesús, ca lcaa quichi̱ ndañi cha' jlya ti' ma̱ cha' bi'.

FILIPENSES 4:22

Lo'o lcaa ngu' nu ngusñi cha' ji'i̱ ycui' Ndyosi ca quichi̱ re, jua'a̱ ngu' nu ndi'i̱ ndyu'ni cña ca ni'i̱ tlyu cuentya ji'i̱ nu xu'na tlyu nu laca emperador, cua nti' tsa ngu' chcuicha' ngu' ji'i̱ ma̱.