SAN LUCAS 19:8 - Chatino Tataltepec

⁸ Li' ndatu̱ Zaqueo cha' chcui' lo'o Jesús: ―Ña'a̱ xi ya'a̱, cusu' ―nacui̱ yu―. Ta na' sa cla'be cha' tso'o nu ntsu'u 'na ji'i̱ ngu' ti'i. Si tya ntsu'u na nu nguaana na' cha' cua ngüiñilo'o na' ji'i̱ ngu', tya na' na bi' ji'i̱ ngu', masi jacua tsa lo cua quije ji'i̱ ngu' ―nacui̱ Zaqueo li'.

SAN LUCAS 19:8 Iomraidhean Croise

SAN LUCAS 11:41

Pana si tyucui tyiquee ma̱ ta ma̱ lcaa cha' tso'o ji'i̱ ma̱ cha' xtyucua ma̱ ji'i̱ ngu' ti'i, li' tucuá ycui' Ndyosi cña nu ngua'ni ma̱ cha' lubii cresiya ji'i̱ ma̱.

SAN LUCAS 12:33

Ná cube ti' ma̱, cujui' ma̱ na nu ntsu'u ji'i̱ ma̱ cha' ta ma̱ cñi ji'i̱ ngu' ti'i. Lo'o jua'a̱ nga'aa casu̱ cuiji̱ su ntsu'u cñi ji'i̱ ma̱, nga'aa tye na nu nguxco'o ma̱ ca slo ycui' Ndyosi nu ntucua nde cua̱; ca bi' nga'aa caca tyucuaana ngu' cñi bi', nga'aa caca cacu cuixu̱' ji'i̱.

SAN LUCAS 16:9

’Ndi'ya̱ chcui' na' lo'o ma̱ lacua: Tso'o ti cua'ni ma̱ lo'o lcaa cha' tso'o nu ntsu'u ji'i̱ ma̱ nde chalyuu; xtyucua ma̱ ji'i̱ xa' ñati̱ lo'o cha' tso'o nu ntsu'u ji'i̱ ma̱ ña'a̱ cuayá' tye chalyuu ji'i̱ ma̱, cha' jua'a̱ caja tya'a tso'o ma̱ nde chalyuu. Lo'o li' ta ycui' Ndyosi su tyi'i̱ ma̱ slo Ni, su ná nga'a̱ cha' tye chalyuu ji'i̱ ma̱ li'.

SAN LUCAS 19:7

Nu lo'o na'a̱ ngu' cha' ndyaa Jesús slo Zaqueo bi', lcaa ngu' lye tsa nchcui' tube ngu' cha' ndyaa Jesús cha' tyanu toni'i̱ ji'i̱ sca ngu' cuxi, sca ñati̱ nu ntsu'u tsa qui'ya ji'i̱.

SAN LUCAS 7:13

Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.

SAN LUCAS 7:19

Li' ngusi'ya Juan ji'i̱ tucua tya'a ngu' tya'a ndya'a̱ yu bi'. Ngulo yu cña ji'i̱ ngu' cha' tsaa ngu', tsaa xcuane ngu' ji'i̱ Jesús si chañi cha' ycui' yu laca yu Cristo, nu ñati̱ tlyu nu cua ca̱a̱ ti; si tya ntsu'u cha' jatya la xi ngu' ña'a̱ cuayá' nu ca̱a̱ chaca ñati̱ nu cua tlyu la.