SAN LUCAS 19:44 - Chatino Tataltepec

⁴⁴ Cuityi̱ ngu' quichi̱ tyi ma̱, ña'a̱ lo yuu ti, cujuii ngu' ji'i̱ tya'a ndi'i̱ ma̱; ná xtyanu ngu' ni sca quee nscua chu̱' tya'a quichi̱ tyi ma̱, xqui'ya cha' ná ndyuloo ma̱ jna' hora juani lo'o ñaa na' nu laca na' Sñi' ycui' Ndyosi ca su ndi'i̱ ma̱.

SAN LUCAS 19:44 Iomraidhean Croise

SAN MATEO 24:2

Li' nguxacui̱ Jesús cha' ji'i̱ ngu' bi': ―Ña'a̱ tso'o ma̱ ji'i̱ lcaa cha' nu ntsu'u ji'i̱ laa tonu re ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' tye laa re cati̱ ña'a̱ cuayá' ni sca quee nu ntsu'u sii' laa re, nga'aa tyanu bi' hichu̱' tya'a.

SAN MARCOS 13:2

―¿Ha cua na'a̱ ma̱ cha' tonu tsa ni'i̱ quee re? ―nacui̱ Jesús ji'i̱ li'―. Nde loo la tyalaa sca tsa̱ lo'o cuityi̱ ñati̱ ji'i̱ ni'i̱ re tsiya' ti, hasta nga'aa tyanu ni sca quee nu xñi ca'a̱ chu̱' tya'a.

SAN LUCAS 1:68

Ntsu'u cha' cua'ni tlyu na ji'i̱ ycui' Ndyosi nu Xu'na na, nu laca ycui' Ndyosi ji'na ngu' Israel, nacui̱ nu cusu' bi' li'. Cua chaca quiya' nguxana nchcui' Ni lo'o ngu' tya'a na nu laca na ñati̱ ji'i̱ ycui' Ni, juani ndyu'ni Ni cña cha' clyaá na ji'i̱ nu cuxi.

SAN LUCAS 1:78

Ntsu'u tsa tyiquee ycui' Ndyosi ña'a̱ Ni ji'na; tya'na tsa ti' Ni ji'na, bi' cha' cua ta ti ycui' Ni ji'i̱ Cristo cha' ca̱a̱ nde su ndi'i̱ na. Bi' laca sca xee tlyu nu tyu'ú ne' cresiya ji'na, ñi'ya̱ nti' xee ndubi nu ntyiji'i̱ su ndi'i̱ na lo'o lijya̱ ca ti cuichaa.

SAN LUCAS 19:42

―Masi tsa̱ juani ti nu lo'o tya ndyiji xi tyempo ji'i̱ ma̱, si tyaja'a̱ ma̱ cuna ma̱, taca ta na' sca cha' lo'o ma̱; tso'o tsa caca ji'i̱ ma̱ li', ti̱ ti tyi'i̱ ma̱ li'. Pana juani ―nacui̱ Jesús―, ná nchca ca cuayá' ti' ma̱ cha' re, cha' cua ntsu'u yacu̱' ti cha' re ji'i̱ ma̱ ―nacui̱―.

SAN LUCAS 21:6

―Tyalaa tsa̱ nu tye cha' ji'i̱ lcaa na nu ña'a̱ cu'ma̱ re juani cati̱, ña'a̱ cuayá' nu nga'aa tyanu ni sca quee nu xñi ca'a̱ chu̱' tya'a.

1 PEDRO 2:12

Xcui' cha' liñi cua'ni ma̱ lacua; xcui' cha' tso'o cua'ni ma̱, xqui'ya nu ñati̱ nu ná jlya ti' ji'i̱ ycui' Ndyosi tsiya' ti, cha' lo'o ngu' bi' taca ca cuayá' ti' ngu' cha' ñati̱ tso'o laca ma̱. Nu juani nti' ngu' bi' cha' cuxi tsa ñati̱ laca ma̱, bi' cha tso'o la si cua'ni ma̱ xcui' cha' tso'o ti cha' ña'a̱ ñati̱ bi' ji'i̱ ma̱; li' ta ngu' bi' cuentya cha' chañi cha' ñati̱ tso'o laca ma̱. Lo'o ñati̱ bi' cua'ni tlyu ji'i̱ ycui' Ndyosi tsa̱ nu cua'ni cuayá' Ni ji'i̱ ñati̱ li'.