SAN LUCAS 18:9 - Chatino Tataltepec

⁹ Nde chaca cui̱i̱ nu nda Jesús lo'o ngu'; sca cui̱i̱ cuentya ji'i̱ ngu' nu tyixi tsa ndu'ni ji'i̱ ycui' ca ti ngu', cha' xcui' cha' liñi ndu'ni ngu' bi' nti' ngu', cha' xcui' nxtyí lo'o ti ngu' bi' ji'i̱ xa' ñati̱. Ndi'ya̱ nchcui' Jesús li':

SAN LUCAS 18:9 Iomraidhean Croise

SAN LUCAS 10:29

Pana nu mstru cha' jo'ó bi' ni, cua nti' yu cha' tyu'u liñi la cha' nu cua nchcui' yu, bi' cha' nacui̱ yu ji'i̱ Jesús: ―¿Tilaca laca tya'a ñati̱ na' lacua?

SAN LUCAS 15:2

Bi' cha' nguxana ngu' fariseo, lo'o jua'a̱ ngu' mstru cha' jo'ó, ngusta ngu' qui'ya ji'i̱ Jesús: ―Ndiya ti' yu re cua'ni tya'a yu lo'o ngu' cuxi jua. Stu'ba ti ndacu yu tyaja lo'o ngu' cuxi ―nacui̱ ngu' bi'.

SAN LUCAS 16:15

Li' nguxtyacui Jesús cha' lo'o ngu' bi': ―Cu'ma̱ ―nacui̱ yu―, tso'o tsa ndu'ni ma̱ cha' ña'a̱ ti xa' ñati̱ ji'i̱ ma̱, pana cua jlo ti' ycui' Ndyosi lcaa ña'a̱ cha' nu ntsu'u tyiquee ma̱. Ñati̱ nu tlyu tsa ndu'ni ji'i̱ ycui' ca ngu', xtyanu ti'i̱ ycui' Ndyosi ji'i̱ ngu' bi'.

SAN LUCAS 18:11

Nu yu fariseo bi' ni, na ndu̱ ti yu, ndi'ya̱ nchcui' yu lo'o ycui' Ndyosi li': “Ndyosi”, nacui̱, “tsa xlya'be jinu'u̱ cha' ná ndu'ni na' ñi'ya̱ nu ndu'ni xa' ñati̱; xña'a̱ tsa ndu'ni ngu', cuaana tsa ngu', suba' tsa ndu'ni ngu' lo'o clyo'o xa' ñati̱. Pana na' ni, ná ndu'ni na' jua'a̱, ni ná ndu'ni na' ñi'ya̱ ndu'ni yu cuxi cua nu cuiñi ti nxñi quiña'a̱ tsa cñi cña loo ngu'”, nacui̱ nu yu fariseo bi' ji'i̱ ycui' Ndyosi.

SAN LUCAS 19:7

Nu lo'o na'a̱ ngu' cha' ndyaa Jesús slo Zaqueo bi', lcaa ngu' lye tsa nchcui' tube ngu' cha' ndyaa Jesús cha' tyanu toni'i̱ ji'i̱ sca ngu' cuxi, sca ñati̱ nu ntsu'u tsa qui'ya ji'i̱.

SAN LUCAS 7:39

Lo'o nu yu fariseo nu cua nchcui' lo'o Jesús cha' tsaa cua'ni xlyaa ca slo yu ni, lo'o cua na'a̱ yu ji'i̱ nu cuna'a̱ bi', ndi'ya̱ cha' ngua'ya hique yu li': “Si'i cha' chañi laca re, cha' laca yu sca ñati̱ nu laca tu'ba ji'i̱ ycui' Ndyosi cha' chcui' Ni lo'o na. Si la cui' laca yu, li' ta yu cuentya tilaca laca nu cuna'a̱ nu nsta ya' lo quiya' yu juani; caca cuayá' ti' yu cha' sca nu cuna'a̱ nu chiya'a̱ tsa ndu'ni su ndi'i̱ chalyuu laca nu cua.”

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

SAN JUAN 9:28

Li' nchcui' nu ngu' judío bi' cha' ti'í lo'o: ―Nu'u̱ laca sca nu ndyaca tsa'a̱ ji'i̱ yu bi' ―nacui̱ ngu'―, cuare laca ya ñati̱ nu ndyaca tsa'a̱ ji'i̱ jyo'o cusu' Moisés.

SAN JUAN 9:34

―Ngu' cuxi laca nu'u̱, pana nti' nu'u̱ culu'u xi cha' jo'ó ji'i̱ ya ―nacui̱ ngu' judío li'―. Cuxi nu'u̱ lo'o ngula nu'u̱, jua'a̱ cuxi ti nguluu nu'u̱ ―nacui̱ ngu'. Lo'o li' ngulo'o ngu' ji'i̱ nu qui'yu bi', nga'aa nda ngu' chacuayá' tsaa ne' laa tsiya' ti.

LOS HECHOS 22:21

“Tyaa nu'u̱ juani”, nacui̱ ycui' nu Xu'na na jna' li'. “Culo na' cña jinu'u̱ cha' tsaa nu'u̱ xa' quichi̱ tyijyu' la, cha' culu'u nu'u̱ ji'i̱ xa' ñati̱; nga'aa si'i ji'i̱ ngu' judío tya'a nu'u̱ ti culu'u nu'u̱.”

ROMANOS 10:3

ná nchca cuayá' ti' ngu' bi' ñi'ya̱ ndu'ni Ni cha' ca tso'o cresiya ji'i̱ ñati̱ cuentya ji'i̱ ycui' Ni. Xa' ña'a̱ nti' ngu' bi'; cha' ji'i̱ ycui' ca ngu' nclyana ngu' ñi'ya̱ caca tso'o cresiya ji'i̱ ngu', cha' ná ntaja'a̱ ngu' jlya ti' ngu' ji'i̱ cña nu ndyu'ni ycui' Ndyosi.

ROMANOS 14:10

Ñati̱ ji'i̱ Cristo laca cua ña'a̱ ca ngu' tya'a ngusñi na cha' ji'i̱ Ni, bi' cha' ná nga'a̱ cha' chcui' cuxi ma̱ ji'i̱ cña nu ndu'ni scaa ngu' tya'a ntsu'u cha' ji'na lo'o Cristo. Ná chcui' cuxi ma̱ ji'i̱ ngu' bi', ñi'ya̱ nu ngua'ni ma̱ tya tsubi' la; ntsu'u cha' tyalaa tsa̱ bi' lo'o tyaa lcaa tya'a na ca su ntucua ycui' Ndyosi. Nde loo ycui' Ni tsatu̱ na li', cha' cua'ni cuayá' Ni ji'na.

ROMANOS 14:3

Pana nu ngu' nu ná ntsi̱i̱ ndacu cuaña' ni, ná tso'o si xtyí lo'o ngu' ji'i̱ xa' la tya'a ngu' nu ntsi̱i̱ cacu bi'. La cui' ti cha', nu ngu' nu ntsi̱i̱ cacu cuaña' bi', ná tso'o si chcui' cuxi ngu' bi' ji'i̱ ngu' nu ndacu lcaa lo na nu nda ycui' Ndyosi cha' cacu na, cha' cua nda Ni chacuayá' ji'i̱ ngu' cha' caca ngu' sñi' ycui' Ni.

ROMANOS 7:9

Ngua ti' na' cha' tso'o tsa nguti'i̱ na', nu lo'o tya lyiji ca cuayá' ti' na' ni cha' nda cha' cusu' bi'; pana nu lo'o ngua cuayá' ti' na', li' ngua tii na' cha' ntsu'u tsa qui'ya jna'. Na cua chcuna' ti chalyuu 'na ngua li'.