SAN LUCAS 18:4 - Chatino Tataltepec

⁴ Tyu̱u̱ quiya' ndyaa ma' bi' slo bese, lo'o ná ndaquiya' bese bi' ji'i̱ cha' nu nda ma' bi' lo'o. Ca tiya' la li' ngulacua ti' nu bese bi': “Masi ná ndaquiya' na' ji'i̱ cha' nu nchcui' ycui' Ndyosi, ni ji'i̱ cha' nu nchcui' sca ñati̱ chalyuu ná ndube ti' na';

SAN LUCAS 18:4 Iomraidhean Croise

SAN LUCAS 12:17

Lo'o li' nguxana nu culiya' bi', ngulacua ti' yu ndi'ya̱: “¿Na ca cua'ni na' ni? Ná tyu'u scua su tyuco'o ltya 'na.

SAN LUCAS 16:3

Quiña'a̱ tsa ngulacua ti' msu nu laca loo bi' li': “¿Na laca cua'ni na' juani, si nga'aa ta xu'na na' cña nu cua'ni na'? Nga'aa jlo ti' na' ñi'ya̱ cua'ni na' li'. Ná qué na' cha' cua'ni na' cña lo yuu; lo'o si tsa'a̱ jña na' msta̱, la cui' ti jua'a̱ ca tyuju'u tsa ti' na' li'.

SAN LUCAS 18:2

―Sca quichi̱ ntsu'u sca bese nu ná ndu'ni chi̱ loo ycui' Ndyosi, lo'o jua'a̱ ná sca cha' ndube ti' yu.

SAN LUCAS 18:3

La cui' quichi̱ bi' ntsu'u sca nu cuna'a̱ ti'i. Li' ndyaa ma' bi' ndyaa na'a̱ ma' ji'i̱ bese bi', cha' ntsu'u cha' cuxi nu ndyu'ni xa' ñati̱ lo'o ma'; ngua ti' ma' cha' quiñi tso'o cha' ji'i̱ ma' lo'o tya'a cusu̱u̱ ma' slo bese.

SAN LUCAS 20:13

’Lo'o li' ngulacua ti' xu'na yuu bi': “¿Ñi'ya̱ cua'ni na' juani? Ndi'ya̱ cua'ni na': Ta na' ji'i̱ sñi' ycui' ca na' nu tyaca'a tsa jna' cha' tsaa ca bi'. Ná tyiquee' tyaja'a̱ ngu' taquiya' ngu' ji'i̱ yu bi'”, nacui̱ xu'na yuu bi' li'.

HEBREOS 12:9

Nde chalyuu nchcube' sti na ji'na, bi' cha' ndaquiya' na ji'i̱ cha' nu nchcui' ngu' cusu' ji'na lo'o na. ¿Ha ná tso'o si ta na chacuayá' cha' xcube' ycui' Ndyosi Sti na ji'na, cha' tso'o la tyi'i̱ tyiquee na nde loo la lacua?