SAN LUCAS 17:3 - Chatino Tataltepec

³ ’Cui'ya ma̱ cuentya si cua'ni sca ngu' tya'a ndya'a̱ ma̱ sca cha' cuxi lo'o ma̱. Li' chcui' ma̱ lo'o yu cha' nga'aa cua'ni yu cha' cuxi bi' lo'o ma̱. Lo'o si tya'a̱chu̱' yu ji'i̱ cha' cuxi bi', cua'ni ma̱ cha' clyu ti' ji'i̱ yu li';

SAN LUCAS 17:3 Iomraidhean Croise

SAN MATEO 18:21

Li' ñaa Pedro cacua la cha' cacha' ji'i̱ Jesús: ―Xu'na ―nacui̱ ji'i̱ Jesús―, ¿ni lcua quiya' cui'ya na' cha' clyu ti' ji'i̱ yu tya'a na' lo'o ndyu'ni yu cha' cuxi lo'o na'? ―nacui̱―. ¿Ha tso'o cati quiya' cua'ni clyu ti' na' ji'i̱ yu?

SAN LUCAS 21:34

’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,

EFESIOS 5:15

Tso'o lacua, culacua tso'o ti' ma̱ ñi'ya̱ nu cua'ni ma̱ laja lo'o ndi'i̱ ma̱ chalyuu; ná cua'ni ma̱ ñi'ya̱ nu ndu'ni ñati̱ nu ná nduna tsiya' ti, cua'ni ma̱ ñi'ya̱ nu ndu'ni ñati̱ nu nclyacua tso'o ti'.

HEBREOS 12:15

Cui'ya ma̱ cuentya cha' ni tsaca ngu' tya'a ma̱ ná xtyanu jua'a̱ ti lcaa cha' tso'o nu ndu'ni ycui' Ndyosi lo'o na. Lo'o jua'a̱ cui'ya ma̱ cuentya cha' ná cua'ni ñu'u̱ ma̱ ji'i̱ tyiquee xa' la ngu' tya'a ngusñi na cha' ji'i̱ Jesús. Ñi'ya̱ laca sca quixi̱' tyaala nu cua'ni ñu'u̱ ji'i̱ ñati̱ lo'o co'o ngu' hitya bi', jua'a̱ caca na ji'i̱ tya'a na lo'o ntsu'u sca cha' cuxi ji'na.

SANTIAGO 5:19

Cu'ma̱ tya'a ngusñi na cha' ji'i̱ Jesús, nu lo'o ntsu'u sca ngu' tya'a ma̱ nu cua tya'a̱chu̱' ti ji'i̱ cha' tso'o ji'i̱ Jesús bi', tso'o tsa caca cha' si caca ji'i̱ scaa ma̱ chcui' tso'o ma̱ lo'o yu, cha' xñi yu cha' ji'i̱ ycui' Ndyosi chaca quiya'.

2 JUAN 1:8

Bi' cha' tii ti ti' ma̱ tyi'i̱ ma̱ chalyuu, cha' ná culiji yu'u jua'a̱ ti lcaa cha' nu cua ndyuna ma̱ lo'o nguti'i̱ ya ca slo ma̱. Li' caja lcaa cha' tso'o nu cua nti' ycui' Ndyosi ta Ni ji'i̱ ma̱ lo'o tye chalyuu.