SAN LUCAS 17:2 - Chatino Tataltepec

² Tso'o la si tsaa ngu' xcua̱a̱ ngu' ji'i̱ yu lo tyujo'o lo'o sca quee quichi tyaaca̱' yane yu, cha' nga'aa caja ñi'ya̱ nu tatsaa yu ji'i̱ ni sca ñati̱ ñi'ya̱ nti' nu sube re, cha' cua'ni ngu' cha' cuxi lo'o yu.

SAN LUCAS 17:2 Iomraidhean Croise

SAN MATEO 17:27

Pana ná nti' na cha' ca ñasi̱' ngu' ji'na, ngu' nu laca loo ne' laa tonu, bi' cha' yaa clya nu'u̱ to' tayu' cha' cu̱ nu'u̱ chcua̱ xñi cualya lo hitya, cha' xñi nu'u̱ ji'i̱ sca cualya. Li' taya' nu'u̱ ji'i̱ cualya nu caja jinu'u̱ clyo, scana tu'ba cualya bi', cha' culo nu'u̱ cñi nu ntsu'u tu'ba ni'; tyu'u scua cñi bi' cha' ta nu'u̱ cñi ji'i̱ ngu' cuentya jinu'u̱, lo'o jua'a̱ cuentya jna'.

SAN MATEO 18:10

’Ná tso'o si ná taquiya' ma̱ ji'i̱ sca ñati̱ 'na, masi ji'i̱ sca nu piti. Cha' liñi nchcui' na' lo'o ma̱, cha' ntsu'u xca̱ ca su ntucua ycui' Ni cuentya ji'i̱ lcaa ngu' sube bi'; lcaa hora ntsu'u chacuayá' chcui' xca̱ bi' lo'o ycui' Ndyosi Sti na' cuentya ji'i̱ nu ngu' sube ji'i̱.

SAN MATEO 18:14

Ñi'ya̱ nu ndu'ni nu xu'na xlya' bi', cha' ná chcuna' ni sca xlya' ji'i̱ yu, la cui' jua'a̱ ndu'ni ycui' Ndyosi Sti ma̱ nu ntucua nde cua̱, cha' ná nti' Ni cha' chcuna' chalyuu ji'i̱ ni tsaca ñati̱ xqui'ya cha' cuxi nu ntsu'u ji'i̱. Ná nti' ycui' Ni tsiya' ti cha' tye cha' ji'i̱ ngu', masi sube tsa ngu' nti' ma̱.

SAN MATEO 26:24

Ñi'ya̱ nu nscua lo quityi ji'i̱ ycui' Ni, jua'a̱ nga'a̱ cha' caca 'na, na' nu cua nda Ni 'na lijya̱a̱ cha' caca na' ñati̱. Pana tya'na tsa ñati̱ nu ta 'na ya' ngu' xña'a̱, tso'o la ngua ji'i̱ yu masi ná ngula yu chalyuu tsiya' ti.

SAN MARCOS 9:42

’Ná tso'o culu'u sca ñati̱ tyucui̱i̱ cuxi ji'i̱ ñati̱ nu jlya ti' 'na ñi'ya̱ jlya ti' nu sube ―nacui̱ Jesús―. Tso'o la masi tyaaca̱' sca quichi tonu yane yu cuxi bi', li' xtyú ngu' ji'i̱ yu lo hitya tyujo'o.

SAN JUAN 21:15

Lo'o ndye ngua'ni ngu' msaa, li' nchcuane Jesús ji'i̱ Simón Pedro: ―Simón, sñi' Juan ―nacui̱ Jesús ji'i̱―, ¿ha ntsu'u la tyiquee nu'u̱ ña'a̱ jna'? ¿Ha ntsu'u la tyiquee nu'u̱ ña'a̱ ji'i̱ tya'a tso'o nu'u̱? Li' nguxacui̱ Pedro cha' ji'i̱ Jesús: ―Cua jlo ti' nu'u̱, Xu'na, cha' ntsu'u tsa tyiquee na' ña'a̱a̱ jinu'u̱ ―nacui̱ Pedro ji'i̱. ―Culu'u nu'u̱ cha' 'na ji'i̱ ñati̱ nu ngusñi ca ti cha' bi' lacua, ñi'ya̱ lo'o ña'a̱si̱i̱ nu'u̱ ji'i̱ na'ni cuañi' scu̱' nu'u̱ ―nacui̱ Jesús ji'i̱ Pedro.

1 CORINTIOS 9:15

Pana ná ngüijña na' na cacu na' ji'i̱ ngu' tsiya' ti lcaa se'i̱ su ndya'a̱ na'. La cui' jua'a̱ ná nscua na' quityi re cha' jña na' na cacu na' ji'i̱ cu'ma̱, cha' ná xñi na' na nu ta ngu' 'na masi cajaa ycui' na'; tso'o la nti' na' cha' ndu'ni na' cña re jua'a̱ ti, ná lo'o caya'.

1 CORINTIOS 9:22

Lo'o li', lo'o ndi'i̱ na' lo'o ngu' tya'a ngusñi na cha' ji'i̱ Jesús nu tya lyiji jlya tso'o ti' ngu' cha' ji'i̱ Jesús, ñi'ya̱ si stu'ba ti cha' laca 'na lo'o ngu', jua'a̱ ndi'i̱ na' lo'o ngu' li', cha' cuna la ngu' bi' cha' ji'i̱ Cristo. Lcua ti lo cña cua'ni na' cha' tyaja'a̱ la ñati̱ xñi ngu' cha' ji'i̱ Cristo.