SAN LUCAS 16:6 - Chatino Tataltepec

⁶ “Sca mil tya'a litro setye ndacui na' ji'i̱”, nacui̱ ngu' bi' li'. Hora ti nacui̱ msu nu laca loo bi' ji'i̱ ngu' bi': “Nde nscua quityi nu nscua cuentya jinu'u̱. Cua'a̱ clya nu'u̱ re cha' cuiñá chaca quityi, nu ñacui̱ cha' ca'yu siyento ti litro setye ndacui nu'u̱ ji'i̱ nu cusu' bi'”, nacui̱ msu bi' ji'i̱.

SAN LUCAS 16:6 Iomraidhean Croise

SAN MATEO 20:8

Tiya' la li' lo'o cua tyaa ti cuichaa, li' nchcui' xu'na cña bi' lo'o nu laca loo ji'i̱ msu: “Xi'ya nu'u̱ ji'i̱ lcaa msu juani cha' ta nu'u̱ xcaya' ngu'”, nacui̱. “Clyo ta xcaya' msu nu ndyalaa ca ti. Cuati su cua tye, li' ta nu'u̱ xcaya' ñati̱ nu ndyalaa tya tlya la.”

SAN LUCAS 16:12

Lcaa cha' tso'o nu ntsu'u ji'i̱ ma̱ chalyuu, na nda ycui' Ndyosi cha' bi' jña ti ma̱; si ná cua'ni tso'o ti ma̱ lo'o cha' bi', ¿ñi'ya̱ cua'ni ma̱ lo'o cha' tso'o nu nda Ni cha' tyanu ne' cresiya ji'i̱ ma̱?

SAN LUCAS 16:5

Li' ngusi'ya yu ji'i̱ lcaa ñati̱ nu ndacui ji'i̱ xu'na yu, nchcuane yu ji'i̱ ngu' li': “¿Ni tsa lo ta ndacui nu'u̱ ji'i̱ xu'na na'?” nacui̱ yu ji'i̱ tsaca ngu'.

SAN LUCAS 16:7

Li' nchcuane yu ji'i̱ chaca ngu': “Nu'u̱ ni, ¿ni tsa lo ndacui ji'i̱ xu'na na'?” “Sca siyento tya'a cujui̱ nscua' trigo”, nacui̱ ngu' bi' li'. “Ha̱a̱”, nacui̱ yu, “nde nscua quityi nu nscua cuentya jinu'u̱”, nacui̱ nu msu bi'. “Cua'a̱ clya nu'u̱ ca nde cha' scua chaca quityi nu ñacui̱ cha' jacuayala tya'a cujui̱ ti, tsa bi' ti ndacui ji'i̱ nu cusu'.”

SAN LUCAS 16:9

’Ndi'ya̱ chcui' na' lo'o ma̱ lacua: Tso'o ti cua'ni ma̱ lo'o lcaa cha' tso'o nu ntsu'u ji'i̱ ma̱ nde chalyuu; xtyucua ma̱ ji'i̱ xa' ñati̱ lo'o cha' tso'o nu ntsu'u ji'i̱ ma̱ ña'a̱ cuayá' tye chalyuu ji'i̱ ma̱, cha' jua'a̱ caja tya'a tso'o ma̱ nde chalyuu. Lo'o li' ta ycui' Ndyosi su tyi'i̱ ma̱ slo Ni, su ná nga'a̱ cha' tye chalyuu ji'i̱ ma̱ li'.

SAN JUAN 2:6

Nde cua ti ndu̱ scuá tya'a quityu̱' hitya, quityu̱' tonu ndya' lo'o quee laca bi'. Lo'o ngutsa'á̱ quityu̱' bi', ntsu'u masi jacuayala litro, masi sca siyentu litro hitya, cha' cua laca cña nu ntsu'u ji'i̱ ngu' judío bi', cha' qui'í̱ quiya' ngu' lo'o tsaa ngu' ni'i̱.

TITO 2:10

Ná tso'o si cuaana ngu' msu na nu ntsu'u ji'i̱ xu'na ngu', masi xtyi ti cha'; xcui' cha' liñi cua'ni ngu' msu lacua. Cua'ni chi̱ ngu' loo xu'na ngu', cha' ca cuayá' ti' xa' ñati̱ cha' tso'o tsa laca cha' ji'i̱ ycui' Ndyosi nu ndyu'ni lyaá ji'na.