SAN LUCAS 16:3 - Chatino Tataltepec

³ Quiña'a̱ tsa ngulacua ti' msu nu laca loo bi' li': “¿Na laca cua'ni na' juani, si nga'aa ta xu'na na' cña nu cua'ni na'? Nga'aa jlo ti' na' ñi'ya̱ cua'ni na' li'. Ná qué na' cha' cua'ni na' cña lo yuu; lo'o si tsa'a̱ jña na' msta̱, la cui' ti jua'a̱ ca tyuju'u tsa ti' na' li'.

SAN LUCAS 16:3 Iomraidhean Croise

SAN MATEO 20:8

Tiya' la li' lo'o cua tyaa ti cuichaa, li' nchcui' xu'na cña bi' lo'o nu laca loo ji'i̱ msu: “Xi'ya nu'u̱ ji'i̱ lcaa msu juani cha' ta nu'u̱ xcaya' ngu'”, nacui̱. “Clyo ta xcaya' msu nu ndyalaa ca ti. Cuati su cua tye, li' ta nu'u̱ xcaya' ñati̱ nu ndyalaa tya tlya la.”

SAN MARCOS 10:46

Lo'o li' ndyalaa Jesús ca quichi̱ Jericó. Nteje tacui ngu' cla'be quichi̱ bi'. Nu lo'o cua tyaa ti Jesús lo'o ngu' nu ndyaca tsa'a̱ ji'i̱, li' quiña'a̱ tsa ñati̱ ndyaa lo'o ngu' bi'. Jua'a̱ ngua li', to' tyucui̱i̱ nga'a̱ sca nu cuityi̱' nu naa Bartimeo, ndijña msta̱ ji'i̱ ngu' nu lijya̱ bi'. Sñi' Timeo laca nu quicha bi'.

SAN LUCAS 12:17

Lo'o li' nguxana nu culiya' bi', ngulacua ti' yu ndi'ya̱: “¿Na ca cua'ni na' ni? Ná tyu'u scua su tyuco'o ltya 'na.

SAN LUCAS 16:2

Li' ngusi'ya xu'na ji'i̱ msu nu laca loo bi', cha' xcuane ji'i̱ msu bi': “¿Ni cha' ta laca nu nchcui' ngu' lo'o na' cha' jinu'u̱?”, nacui̱ yu. “¿Ni cña ndyu'ni nu'u̱ nu cua nchcui' ngu' lo'o na'? Tya nu'u̱ cuentya jna' juani, cuacha' clya nu'u̱ cha' jna', ña'a̱ cha' nu cua ngua'ni nu'u̱. Nga'aa caca nu'u̱ loo ji'i̱ msu 'na juani.”

SAN LUCAS 16:20

Pana ntsu'u sca ñati̱ ti'i nu naa Lázaro, nu xcui' quichu' ntucua tyucui ña'a̱ yu. Toni'i̱ ti ji'i̱ nu culiya' bi' nchca'a̱ Lázaro lcaa tsa̱.

SAN LUCAS 16:22

Ndyalaa tsa̱ nu ngujuii nu ti'i bi'; lo'o nu xca̱ ji'i̱ ycui' Ndyosi ni, ndyaa lo'o ngu' ji'i̱ ca slo jyo'o cusu' Abraham, ca su tlyu nu ngua'ni cho'o ycui' Ndyosi. Lo'o jua'a̱ ngujuii nu culiya' bi', nguxatsi' ngu' ji'i̱ li'.

SAN LUCAS 16:4

Pana cua jlo ti' na' ñi'ya̱ nu cua'ni na' cha' caja su tyi'i̱ na' toni'i̱ ji'i̱ ñati̱, nu lo'o nga'aa ta xu'na na' cña nu cua'ni na'.” Jua'a̱ ngulacua ti' msu bi', cha' cuxi ti tyiquee yu.

SAN LUCAS 18:4

Tyu̱u̱ quiya' ndyaa ma' bi' slo bese, lo'o ná ndaquiya' bese bi' ji'i̱ cha' nu nda ma' bi' lo'o. Ca tiya' la li' ngulacua ti' nu bese bi': “Masi ná ndaquiya' na' ji'i̱ cha' nu nchcui' ycui' Ndyosi, ni ji'i̱ cha' nu nchcui' sca ñati̱ chalyuu ná ndube ti' na';

SAN JUAN 9:8

Lo'o li' nu ngu' nu ndi'i̱ cacua ti su ndi'i̱ nu ngua quicha bi', nu cua na'a̱ su ngüijña msta̱ tsubi' la, li' nchcui' ngu' bi' ji'i̱: ―Nu qui'yu re, ¿ha la cui' yu re laca nu ngua'a̱ calle ngüijña yu msta̱ ji'i̱ ngu'?

LOS HECHOS 3:2

Nga'a̱ sca nu quicha quiya' to' laa, ca ña'a̱ quicha quiya' yu nu lo'o ngula yu. Lcaa tsa̱ ndya'a̱ lo'o tya'a nu quicha bi' ji'i̱ yu to' laa tonu, nu to' laa nu nda'ya tsa ña'a̱ ndu'ni ngu' quichi̱ ji'i̱. Nga'a̱ yu to' laa ndijña yu msta̱ ji'i̱ ngu' nu lo'o lijya̱ ngu' to' laa li'.

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.

2 TESALONICENSES 3:11

Pana juani cua ngujui cha' ji'i̱ ya cha' ntsu'u xi ngu' tya'a ma̱ nu ná tso'o ndu'ni; nga'aa ndyu'ni ngu' bi' cña, ndya'a̱ ngu' nchcui' ngu' cha' cuiñi ti lo'o tya'a ngu', xqui'ya cha' taja ngu'.