SAN LUCAS 16:2 - Chatino Tataltepec

² Li' ngusi'ya xu'na ji'i̱ msu nu laca loo bi', cha' xcuane ji'i̱ msu bi': “¿Ni cha' ta laca nu nchcui' ngu' lo'o na' cha' jinu'u̱?”, nacui̱ yu. “¿Ni cña ndyu'ni nu'u̱ nu cua nchcui' ngu' lo'o na'? Tya nu'u̱ cuentya jna' juani, cuacha' clya nu'u̱ cha' jna', ña'a̱ cha' nu cua ngua'ni nu'u̱. Nga'aa caca nu'u̱ loo ji'i̱ msu 'na juani.”

SAN LUCAS 16:2 Iomraidhean Croise

SAN MATEO 12:36

Ta na' sca cha' lo'o ma̱ juani: nu lo'o tyalaa tsa̱ nu cua'ni cuayá' ycui' Ni ji'i̱ lcaa ñati̱, li' ntsu'u cha' cacha' lyiji ycui' ca ngu' ji'i̱ lcaa cha' cuxi nu cua nchcui' ngu' nde chalyuu.

SAN MATEO 20:8

Tiya' la li' lo'o cua tyaa ti cuichaa, li' nchcui' xu'na cña bi' lo'o nu laca loo ji'i̱ msu: “Xi'ya nu'u̱ ji'i̱ lcaa msu juani cha' ta nu'u̱ xcaya' ngu'”, nacui̱. “Clyo ta xcaya' msu nu ndyalaa ca ti. Cuati su cua tye, li' ta nu'u̱ xcaya' ñati̱ nu ndyalaa tya tlya la.”

SAN LUCAS 12:20

Li' nchcui' ycui' Ndyosi lo'o yu: “Tonto tsa nclyacua ti' nu'u̱. Talya ndyi ti cajaa nu'u̱”, nacui̱ Ni ji'i̱ nu culiya' bi'. “¿Ti ji'i̱ tyanu lcaa cha' tso'o nu cua nguxco'o ca ti nu'u̱, cha' caja jinu'u̱ nquicha'?” nacui̱ Ni ji'i̱ nu culiya' bi'.

SAN LUCAS 12:42

Li' nguxacui̱ Jesús cha' ji'i̱ yu: ―¿Ha ntsu'u cu'ma̱ nu tyucui tyiquee ma̱ ntaja'a̱ ma̱ cua'ni ma̱ cña 'na? Ndi'ya̱ cua'ni ma̱ lacua: sca msu nu tso'o ni, ta xu'na yu cña ji'i̱ yu cha' caca yu loo ne' ni'i̱ ji'i̱ xu'na yu; culo xu'na yu cña ji'i̱ yu cha' xacu yu ji'i̱ lcaa ngu' nu ndi'i̱ ni'i̱ bi'.

SAN LUCAS 16:1

Li' nchcui' Jesús lo'o nu ngu' nu ndyaca tsa'a̱ ji'i̱: ―Ntsu'u sca nu culiya', lo'o jua'a̱ cua ntsu'u sca ñati̱ nu laca loo ji'i̱ msu ji'i̱ yu culiya' bi'. Lo'o li' ndacha' ngu' ji'i̱ nu culiya' bi', cha' cua tye ti cha' tso'o nu ntsu'u ji'i̱ yu, cha' nguliji ñu'u̱ ti msu nu laca loo ji'i̱ cha' tso'o bi'.

SAN LUCAS 16:3

Quiña'a̱ tsa ngulacua ti' msu nu laca loo bi' li': “¿Na laca cua'ni na' juani, si nga'aa ta xu'na na' cña nu cua'ni na'? Nga'aa jlo ti' na' ñi'ya̱ cua'ni na' li'. Ná qué na' cha' cua'ni na' cña lo yuu; lo'o si tsa'a̱ jña na' msta̱, la cui' ti jua'a̱ ca tyuju'u tsa ti' na' li'.

ROMANOS 14:12

Bi' cha' lacua, lcaa na lo'o tya'a na nga'a̱ cha' xacui̱ na cha' ji'i̱ ycui' Ndyosi lo'o tyalaa tsa̱ bi', lcaa cha' ñi'ya̱ nu ngua'ni scaa na lo'o ñaa na chalyuu.

1 CORINTIOS 1:11

Tsubi' ti ngujui cha' jna', nu lo'o nacui̱ ngu' tya'a Cloé 'na cha' ntsu'u tsa cha' cusu̱u̱ ji'i̱ ma̱ lo'o tya'a ma̱, cha' ná stu'ba cha' ji'i̱ ma̱ lo'o tya'a ma̱;

1 CORINTIOS 4:2

Lo'o ñati̱ nu cui'ya loo sca cña ni, lcaa tsa̱ nga'a̱ cha' tyi'u ti' ngu' ji'i̱ lcaa cña nu culo xu'na ngu' ji'i̱ ngu'.

1 CORINTIOS 4:5

Lo'o jua'a̱ cu'ma̱, ná yala tsa clyacua ti' ma̱ cha' sta ma̱ qui'ya ji'i̱ sca ñati̱; jatya ma̱ ña'a̱ cuayá' ca̱a̱ ycui' nu Xu'na na, bi' laca nu cua'ni cuayá' ji'i̱ ca ta'a na. Li' culotu̱ Ni ji'i̱ lcaa cha' cuxi nu ntsu'u cuaana ti ne' cresiya ji'na, masi sca cha' nu ná nti' na cacha' na ji'i̱ tya'a ñati̱ chalyuu na. Jua'a̱ cacha' Ni lcaa cha' nu ntsu'u ne' cresiya ji'i̱ lcaa ñati̱ chalyuu, lo'o li' ta Ni nu tso'o ji'na, cua ña'a̱ ca cha' tso'o nu ñacui̱ Ni cha' tyacua ji'i̱ scaa na.

2 CORINTIOS 5:10

Lcaa na lo'o tya'a na nga'a̱ cha' tyalaa na ca su ntucua ycui' Cristo cha' cua'ni cuayá' Ni ji'na. Lo'o li' tyacua cha' ji'i̱ scaa na, ña'a̱ cha' nu nga'a̱ cha' tyacua ji'na xqui'ya cña nu cua ngua'ni scaa na nde chalyuu, si cha' tso'o ngua'ni na, si cha' cuxi ngua'ni na.

1 TIMOTEO 4:14

Na cua nda ycui' Ndyosi tyucui chacuayá' ji'i̱ Ni jinu'u̱ lo'o ngusta ya' ngu' cusu' hique nu'u̱, cha' cua'ni nu'u̱ cña cuentya ji'i̱ ycui' nu Xu'na na. Cua nchcui' ngu' cuentya ji'i̱ Xtyi'i ycui' Ndyosi cha' cua'ni nu'u̱ cña bi'; bi' cha' cui'ya tso'o nu'u̱ cuentya ji'i̱ cha' tso'o nu cua nda ycui' Ndyosi jinu'u̱ tsa̱ bi', cha' talo nu'u̱ ji'i̱ cña nu ntsu'u jinu'u̱.

1 TIMOTEO 5:24

Ntsu'u ñati̱ nu ntsu'u qui'ya ji'i̱, pana jlo ti' xa' ñati̱ ni cha' cuxi ndyu'ni ngu' bi', masi bilya caca cuayá' ji'i̱ ngu' bi'. Lo'o jua'a̱ ntsu'u ñati̱ nu cuxi tyiquee ngu', pana ná jlo ti' xa' ñati̱ ni cha' cuxi ndyu'ni ngu' bi'; lo'o caca cuayá' ji'i̱ ngu' bi', hasta li' ca cuayá' ti' xa' ñati̱ ñi'ya̱ laca qui'ya nu ntsu'u ji'i̱ ngu' bi'.

1 PEDRO 4:10

Nda xlya'be ti ycui' Ndyosi ñi'ya̱ taca cua'ni scaa ma̱ sca cña tso'o, lcaa ma̱ nu ngusñi ma̱ cha' ji'i̱ Jesús. Ñi'ya̱ lo'o nxtyucua ycui' Ndyosi ji'na cha' caca tya'na ti' na ji'i̱ tya'a ñati̱ na, la cui' jua'a̱ nga'a̱ cha' xtyucua na ji'i̱ ngu' lo'o cua'ni na cña nu nda Ni cha' cua'ni sa scaa na.

1 PEDRO 4:5

Pana ná cube ti' ma̱, ntsu'u cha' xacui̱ ngu' bi' cha' ji'i̱ ycui' Ndyosi cuentya ji'i̱ cha' cuxi nu ndu'ni ngu' chalyuu. Cua ngulala ti tyalaa tsa̱ nu cua'ni cuayá' Ni ji'i̱ lcaa ñati̱, masi ngu' jyo'o, masi ngu' nu tya ndi'i̱ chalyuu.

APOCALIPSIS 20:12

Lo'o li' na'a̱ na' cha' ca bi' ndi'i̱ lcaa ñati̱ nu cua ngujuii, masi ngu' cusu', masi ngu' cuañi', ndi'i̱ ngu' nde loo yaca xlya su ntucua tlyu ycui' Ni. Cua nchcana quityi li', lo'o jua'a̱ cua nchcana nu chaca quityi bi'; lo quityi bi' cua nscua xtañi ñati̱, lcaa ñati̱ nu cua ngujui chalyuu nu ná nga'a̱ cha' tye ji'i̱, cha' cua ndyu'ú ngu' chaca quiya'. Li' cuentya ji'i̱ quityi nu nguscua ycui' Ni, ngua'ni cuayá' Ni ji'i̱ lcaa ñati̱ nu cua ngujuii bi', cha' lo quityi bi' cua laca nscua lcaa cña nu ngua'ni ngu' lo'o ya̱a̱ ngu' chalyuu.