SAN LUCAS 16:1 - Chatino Tataltepec

¹ Li' nchcui' Jesús lo'o nu ngu' nu ndyaca tsa'a̱ ji'i̱: ―Ntsu'u sca nu culiya', lo'o jua'a̱ cua ntsu'u sca ñati̱ nu laca loo ji'i̱ msu ji'i̱ yu culiya' bi'. Lo'o li' ndacha' ngu' ji'i̱ nu culiya' bi', cha' cua tye ti cha' tso'o nu ntsu'u ji'i̱ yu, cha' nguliji ñu'u̱ ti msu nu laca loo ji'i̱ cha' tso'o bi'.

SAN LUCAS 16:1 Iomraidhean Croise

SAN MATEO 20:8

Tiya' la li' lo'o cua tyaa ti cuichaa, li' nchcui' xu'na cña bi' lo'o nu laca loo ji'i̱ msu: “Xi'ya nu'u̱ ji'i̱ lcaa msu juani cha' ta nu'u̱ xcaya' ngu'”, nacui̱. “Clyo ta xcaya' msu nu ndyalaa ca ti. Cuati su cua tye, li' ta nu'u̱ xcaya' ñati̱ nu ndyalaa tya tlya la.”

SAN LUCAS 12:42

Li' nguxacui̱ Jesús cha' ji'i̱ yu: ―¿Ha ntsu'u cu'ma̱ nu tyucui tyiquee ma̱ ntaja'a̱ ma̱ cua'ni ma̱ cña 'na? Ndi'ya̱ cua'ni ma̱ lacua: sca msu nu tso'o ni, ta xu'na yu cña ji'i̱ yu cha' caca yu loo ne' ni'i̱ ji'i̱ xu'na yu; culo xu'na yu cña ji'i̱ yu cha' xacu yu ji'i̱ lcaa ngu' nu ndi'i̱ ni'i̱ bi'.

SAN LUCAS 15:13

Cua xtyi tyempo ndyaca, li' ndyujui' nu qui'yu tya cuañi' la lcaa cha' tso'o nu nda sti yu ji'i̱. Lo'o ngujui cñi ndyi'ya yu, ndyaa yu tyijyu' li'. Ca chaca tsu' su ndyalaa yu, li' xcui' na ngua'ni ñu'u̱ ti yu chalyuu ji'i̱ yu; nguliji ñu'u̱ ti yu cñi bi' ji'i̱ yu.

SAN LUCAS 15:30

Nu juani chaca quiya' ndyalaa sñi' nu'u̱ nu ndye cñi jinu'u̱ nguliji ñu'u̱ ti yu lo'o sa'a yu. Lo'o ndyalaa yu bi', hora ti ndyujuii ma̱ chqueru ta̱a̱ cha' caca ta'a ji'i̱”, nacui̱ sñi' nu cua cusu' la.

SAN LUCAS 16:19

’Cua ntsu'u sca nu culiya', lo'o xcui' late' quiña'a̱ nga'a̱, xcui' late' tso'o ña'a̱ nchcu' yu. Lo'o jua'a̱ lye tsa ndyu'ni yu, lcaa tsa̱ ndyaca ta'a slo yu.

SAN LUCAS 16:2

Li' ngusi'ya xu'na ji'i̱ msu nu laca loo bi', cha' xcuane ji'i̱ msu bi': “¿Ni cha' ta laca nu nchcui' ngu' lo'o na' cha' jinu'u̱?”, nacui̱ yu. “¿Ni cña ndyu'ni nu'u̱ nu cua nchcui' ngu' lo'o na'? Tya nu'u̱ cuentya jna' juani, cuacha' clya nu'u̱ cha' jna', ña'a̱ cha' nu cua ngua'ni nu'u̱. Nga'aa caca nu'u̱ loo ji'i̱ msu 'na juani.”

SAN LUCAS 19:20

Li' ndyalaa chaca msu bi': “Cusu'”, nacui̱, “nde ñaalo'o na' cñi jinu'u̱, cha' cua nguxco'o tso'o na' ji'i̱ ne' sca pañito.

SAN LUCAS 8:3

Lo'o jua'a̱ Juana naa chaca nu ndya'a̱ lo'o ngu'; clyo'o sca nu naa Chuza laca nu Juana bi', sca yu nu ndyi'ya cña loo rey Herodes laca clyo'o bi'. Jua'a̱ Susana, lo'o jua'a̱ tya tyu̱u̱ tya'a ngu' cuna'a̱ nu nxtyucua ji'i̱ Jesús lo'o cña nu ntsu'u ji'i̱ ngu'.

TITO 1:7

Lo'o jua'a̱ ngu' nu caca loo ji'i̱ taju ñati̱ tya'a na ni, ná tso'o si ntsu'u cha' sta ñati̱ qui'ya ji'i̱ ngu' bi', cha' cña ji'i̱ ycui' Ndyosi ndyu'ni ngu' bi'. Bi' cha' clyana nu'u̱ ji'i̱ ngu' nu ná ndu'ni tyucuaa ti' ji'i̱ tya'a ngu', ngu' nu ná ñasi̱', ngu' nu ná cu'bi, ngu' nu ná ntsu'u cha' cusu̱u̱ lo'o tya'a ñati̱, ngu' nu ná ndacui tsa ti' ji'i̱ cñi;

SANTIAGO 4:3

masi ndijña ma̱ sca cha' ji'i̱ ycui' Ndyosi, pana cuxi tsa tyiquee ma̱, bi' cha' ná ndyiji cha' bi' ji'i̱ ma̱ li'. Tsa nde ti cha' ntsu'u tyiquee ma̱: cua nti' ma̱ cha' caja ji'i̱ ma̱ cua ña'a̱ ca cha' nu tyaala' tyiquee ycui' ca ma̱, pana ná tso'o cha' ndyu'ni ma̱ jua'a̱;

1 PEDRO 4:10

Nda xlya'be ti ycui' Ndyosi ñi'ya̱ taca cua'ni scaa ma̱ sca cña tso'o, lcaa ma̱ nu ngusñi ma̱ cha' ji'i̱ Jesús. Ñi'ya̱ lo'o nxtyucua ycui' Ndyosi ji'na cha' caca tya'na ti' na ji'i̱ tya'a ñati̱ na, la cui' jua'a̱ nga'a̱ cha' xtyucua na ji'i̱ ngu' lo'o cua'ni na cña nu nda Ni cha' cua'ni sa scaa na.