SAN LUCAS 15:5 - Chatino Tataltepec

⁵ Nu lo'o cua nquije xlya' bi' ji'i̱ ma̱, tso'o tsa caca tyiquee ma̱ li'. Hora ti sta ma̱ ji'i̱ ni' tyijya̱ scu̱ ma̱,

SAN LUCAS 15:5 Iomraidhean Croise

SAN LUCAS 15:32

Pana juani, tso'o la cha' cua'ni na sca ta'a cha' ndyalaa tya'a nu'u̱ chaca quiya'. Ngua ti' na cha' cua ngujuii yu, pana xa' ndyu'u tucua yu chaca quiya'; cua nguna' yu ngua ti' na, pana ndyalaa yu chaca quiya'. Bi' cha' ndyu'ni na sca ji̱i̱ juani, cha' chaa tsa ti' na.”

SAN LUCAS 15:4

―Nu cu'ma̱ ni, si ntsu'u sca siyento tya'a xlya' ji'i̱ ma̱, lo'o li' nguna' tsaca ji'i̱ ma̱ ―nacui̱ Jesús―, ¿ha ná xtyanu ma̱ ji'i̱ nu quiña'a̱ la tya'a xlya' nu ndyanu taju ti su tso'o ti ndi'i̱ ni' ne' quixi̱'? Lo'o li' tsaa ma̱ tsaana ma̱ ji'i̱ xlya' nu nguna' bi' ji'i̱ ma̱ ña'a̱ cuayá' nu quije bi' ji'i̱ ma̱.

SAN LUCAS 15:6

tyaa lo'o ma̱ ji'i̱ toni'i̱. Lo'o cua ndyalaa ma̱ to' tyi ma̱, li' xuti'i̱ ma̱ ji'i̱ lcaa tya'a tso'o ma̱ lo'o ji'i̱ tya'a nga'a̱ ti ma̱, cha' ñacui̱ ma̱ ji'i̱ ngu' ndi'ya̱: “Ca chaa ti' ma̱ lo'o ya juani cha' cua nquije xlya' nu cua nguna' ji'i̱ ya”.

SAN LUCAS 19:9

―Juani cua ngulaá ngu' nu ndi'i̱ ni'i̱ re ji'i̱ nu cuxi nu ntsu'u ji'i̱ ngu' ―nacui̱ Jesús li'―, cha' jua'a̱ nu qui'yu re ni, tya'a ñati̱ na lo'o jyo'o Abraham laca yu.

SAN LUCAS 23:43

Nguxacui̱ Jesús cha' ji'i̱ li': ―Chañi cha' nda na' lo'o nu'u̱ ―nacui̱―, juani ti taca tyi'i̱ nu'u̱ lo'o na' ca su tso'o nde cua̱, ca su ntucua ycui' Ndyosi ―nacui̱ Jesús ji'i̱.

SAN JUAN 15:11

’Nchcui' na' jua'a̱ lo'o cu'ma̱, cha' lo'o ña'a̱ ma̱ cha' chaa ti' na' ndu'ni na' cña ji'i̱ ycui' Ndyosi Sti na', la cui' jua'a̱ cu'ma̱, ná nga'a̱ cha' tye cha' caca chaa ti' ma̱.

EFESIOS 2:10

Na cua ngüiñá Ni ji'i̱ ca ta'a na, cua ngua'ni stu'ba Ni cha' ji'na lo'o Jesucristo; juani cua nti' Ni cha' xcui' cha' tso'o ti cua'ni na lo'o ndi'i̱ na chalyuu, cha' cua laca nda Ni cña tso'o nu taca cua'ni sa scaa na nde chalyuu.

EFESIOS 3:7

Cua nda ycui' Ndyosi cña bi' jna' cha' tsa'a̱ chcui' na' lo'o ñati̱, masi tyijyu' ntsu'u ngu', xqui'ya cha' tso'o ti nti' ycui' Ndyosi ña'a̱ Ni 'na. Tlyu tsa cña ngua'ni Ni lo'o na' cha' caca na' cña bi'.

1 TESALONICENSES 1:5

xqui'ya cha' ngusñi ma̱ cha' tso'o nu cua nchcui' ya lo'o ma̱, la cui' cha' tlyu nu nda Xtyi'i ycui' Ni cha' chcui' ya lo'o ma̱; Xtyi'i ycui' Ndyosi ngua'ni cña laja lo'o nchcui' ya lo'o ma̱, bi' cha' ngusñi ma̱ cha' bi'. Lo'o jua'a̱ jlo ti' ma̱ ñi'ya̱ ngua cña nu ngua'ni ya lo'o nguti'i̱ ya ca slo cu'ma̱.

2 TIMOTEO 2:26

cha' li' taca culo Ni ji'i̱ ngu' ya' nu xña'a̱. Na cua ngusñi nu xña'a̱ ji'i̱ ñati̱ nu ñasi̱' bi' tya tsubi' la cha' cua'ni ngu' cña cuxi cuentya ji'i̱.

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.

1 PEDRO 1:5

Cua ngusñi ma̱ cha' ji'i̱ ycui' Ndyosi, bi' cha' ndu̱ Ni cua̱ ji'i̱ ma̱ juani cha' ña'a̱si̱i̱ Ni ji'i̱ ma̱. Ná ntsu'u ni sca na nu nguula la juersa ji'i̱, nu taca ji'i̱ tyiji̱loo ji'i̱ ycui' Ndyosi; cua'a Ni ji'i̱ ma̱ ji'i̱ nu cuxi, cha' cua'ni lyaá Ni ji'i̱ ma̱ lo'o tye chalyuu re, cha' cua ndyaa Ni ngua'ni cho'o Ni su tyi'i̱ ma̱ ca slo ycui' Ndyosi.