SAN LUCAS 15:1 - Chatino Tataltepec

¹ Lcaa nu msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ngu' bi' ni, ñaa ngu' slo Jesús cha' cuna ngu' ni cha' nda yu; jua'a̱ xa' la ngu' cuxi, ñaa ngu' slo Jesús li'.

SAN LUCAS 15:1 Iomraidhean Croise

SAN MATEO 5:46

La cui' ti ná tso'o si xcui' ji'i̱ ngu' tya'a tso'o ti ma̱ tso'o ntsu'u tyiquee ma̱ ña'a̱ ma̱ ji'i̱. Si'i na tso'o la taquiya' ycui' Ndyosi ji'i̱ ma̱ si jua'a̱ ti ndu'ni ma̱, cha' jua'a̱ ndu'ni cua ña'a̱ ca ñati̱; masi ñati̱ tso'o, masi ñati̱ cuxi, masi ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, lcaa ngu' bi' ndu'ni tyaca'a ngu' ji'i̱ tya'a tso'o ti ngu'.

SAN LUCAS 13:30

Lo'o li' nde loo la caca xi ngu' nu tyu'u tucua su cua tye ti cha'; jua'a̱ nde chu̱' la tyanu xi ngu' nu ndu'u tucua clyo.

SAN LUCAS 7:29

Lo'o ñati̱ nu ndyaa slo Juan cha' tyucuatya yu ji'i̱ ngu' tya tsubi' la ni, lo'o ndyuna ngu' cha' nu nchcui' Jesús lo'o ngu', li' ngua'ni tlyu lcaa ngu' bi' ji'i̱ ycui' Ndyosi, masi nu ngu' cuxi nu nxñi cñi cña loo ngu', masi xa' la ñati̱.

ROMANOS 5:20

Nu lo'o cuna na ni cña laca nu nclyo ycui' Ndyosi ji'na, li' nchca cuayá' la ti' na ñi'ya̱ laca qui'ya nu sta Ni ji'na. Masi ndube tsa ti' na cha' ntsu'u tsa cha' cuxi ji'na, la cui' jua'a̱ jlo ti' na cha' ntaja'a̱ Ni cua'ni lyaá Ni ji'na; jlo ti' na cha' nchca ji'i̱ Ni, cha' tso'o tsa ndu'ni Ni lo'o na.

1 TIMOTEO 1:15

Taca xñi tso'o ngu' cha' nu nchcui' ndi'ya̱: Cua ya̱a̱ Jesucristo nde chalyuu cha' cua'ni lyaá Ni ji'i̱ ñati̱ chalyuu nu ntsu'u qui'ya ji'i̱. Lo'o na', tlyu la xqui'ya na' que xa' la ñati̱, cha' cuxi tsa cña nu ngua'ni na' lo'o ñati̱ ji'i̱ Jesucristo nu ngua sa'ni la.