SAN LUCAS 14:7 - Chatino Tataltepec

⁷ Li' na'a̱ Jesús cha' ngulana tsa ngu' fariseo bi' yaca xlya cha' tyucua ngu' su tso'o la nu nde que mesa. Bi' cha' nda Jesús cui̱i̱ re ji'i̱ ngu' bi' li':

SAN LUCAS 14:7 Iomraidhean Croise

SAN MATEO 13:34

Ngulu'u Jesús ji'i̱ nu quiña'a̱ tsa ñati̱ nu ndi'i̱ cajua jua'a̱, cha' xcui' cui̱i̱ ti nchcui' Jesús lo'o ngu' bi'; ná ngulu'u yu ni sca cha' ji'i̱ ñati̱ bi' si ná lo'o sca cui̱i̱ nda yu.

SAN MATEO 23:6

Nu lo'o ndya'a̱ ngu' bi' sca ta'a, li' ndyaca'a̱ ngu' su tso'o la ña'a̱ nti' ngu'; cuati jua'a̱ ne' laa, la cui' ti su tso'o la ña'a̱ nti' ngu', ca bi' ntucua ngu' bi'.

SAN LUCAS 11:43

’Tya'na tsa cu'ma̱ ngu' fariseo. Ndiya tsa ti' ma̱ tyucua ma̱ lo bancu̱ su tso'o la ne' laa, jua'a̱ ndiya tsa ti' ma̱ cha' cua'ni chi̱ ngu' loo ma̱ lo'o ndu̱ ma̱ lcaya'.

SAN LUCAS 20:46

―Tii ti ti' ma̱ cha' ná cñilo'o mstru cha' jo'ó jua ji'i̱ ma̱. Ndiya tsa ti' mstru bi', cha' laca ngu' tlyu; bi' cha' lacu' ngu' bi' late' tyucui̱ cu', cha' lye tsa cua'ni chi̱ ngu' loo ngu' bi' lo'o tsaa ngu' bi' lcaya', jua'a̱ nti' ngu' mstru bi'. Xcui' lo yaca xlya nu tso'o la ña'a̱ ntyucua ngu' bi' ne' laa ji'i̱ ngu', jua'a̱ ntyucua ngu' bi' ca su tso'o la lo'o ndya'a̱ ngu' bi' ta'a.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

3 JUAN 1:9

Cua nscua na' sca quityi tya tsubi' la nu ndyaa ca su ndi'i̱ ña'a̱ taju ti ma̱ ñati̱ ji'i̱ Jesucristo, cu'ma̱ nu ndyu'u ti'i̱ ma̱ tsa tlyu ti ca bi'; pana ná ntaja'a̱ Diótrefes taquiya' ji'i̱ cha' nu nacui̱ na' ji'i̱ ma̱, cha' nti' yu bi' cha' xu'na ma̱ laca yu.