SAN LUCAS 14:6 - Chatino Tataltepec

⁶ Lo'o ná ngujui ñi'ya̱ nu xacui̱ ngu' cha' ji'i̱ Jesús tsiya' ti li'.

SAN LUCAS 14:6 Iomraidhean Croise

SAN MATEO 22:46

Ná ntsu'u ni sca ñati̱ ca bi' nu ngua ji'i̱ xacui̱ cha' ji'i̱ Jesús li'. Lo'o jua'a̱ xa' la tsa̱ nde loo la nga'aa nchcuane ngu' cha' ji'i̱ yu tsiya' ti, cha' ntsi̱i̱ ngu' ji'i̱, ñi'ya̱ nu xacui̱ Jesús cha' ji'i̱ ngu'.

SAN LUCAS 13:17

Nguju'u tsa ti' ngu' tya'a cusu̱u̱ Jesús cha' nguxacui̱ yu cha' ji'i̱ nu laca loo bi' jua'a̱. Pana tso'o tsa ntsu'u tyiquee nu xa' la ñati̱ nu ndu̱ ca bi', cha' na'a̱ ngu' lcaa cña tonu nu ngua'ni Jesús.

SAN LUCAS 20:26

Ná ngujui ñi'ya̱ nu sta ngu' qui'ya ji'i̱ Jesús nde su ndi'i̱ ngu' quichi̱ bi'. Pana ndube tsa ti' ngu' ji'i̱ yu xqui'ya cha' nu cua nguxacui̱ yu ji'i̱ ngu' bi', bi' cha' ti̱ tya ndyaa ti'i̱ ngu' bi' li'.

SAN LUCAS 20:40

Ndyutsi̱i̱ ngu' li'. Nga'aa ngua'ni tyiquee ngu' cha' chcui' ngu' xi xa' la cha' lo'o Jesús.

SAN LUCAS 21:15

La cui' hora bi' cua'ni na' cha' ca'ya cha' hique ma̱ cha' ca jlo ti' ma̱ ñi'ya̱ nu chcui' ma̱ lo'o ngu' bi', cha' ná caja cha' nu xtyacui tya'a cusu̱u̱ ma̱ lo'o ma̱, cha' ná caja ñi'ya̱ nu chcui' loo ngu' ji'i̱ ma̱.

LOS HECHOS 6:10

Ná ngua ji'i̱ ngu' cua'ni ngu' ngana ji'i̱ Esteban, cha' cua nda Xtyi'i ycui' Ndyosi juersa ji'i̱ yu cha' caja ñi'ya̱ xtyacui yu cha' lo'o ngu' bi'.