SAN LUCAS 14:12 - Chatino Tataltepec

¹² Li' ndi'ya̱ nacui̱ Jesús ji'i̱ nu ñati̱ nu cua nchcui' lo'o cha' ca̱a̱ tyi'i̱ ta'a ca slo yu: ―Nu lo'o chcui' ma̱ lo'o ngu' cha' ca̱a̱ ngu' cacu ngu' xlyaa lo'o ma̱, si'i lo'o tya'a tso'o ti ma̱ chcui' ma̱, ni si'i lo'o tya'a ngula ti ma̱ chcui' ma̱, ni si'i lo'o tya'a tyijyu' ti ma̱ chcui' ma̱, ni si'i lo'o ngu' culiya' ti nu ntucua tyi cacua ti slo ma̱ chcui' ma̱ li'. Stu'ba ti cua'ni ngu' bi' lo'o ma̱ ca tiya' la, nu lo'o ntsu'u sca ta'a ji'i̱ ngu'; ñi'ya̱ nu ngua'ni ma̱ lo'o ngu', jua'a̱ cua'ni ngu' bi' lo'o ma̱ li'.

SAN LUCAS 14:12 Iomraidhean Croise

SAN MATEO 5:46

La cui' ti ná tso'o si xcui' ji'i̱ ngu' tya'a tso'o ti ma̱ tso'o ntsu'u tyiquee ma̱ ña'a̱ ma̱ ji'i̱. Si'i na tso'o la taquiya' ycui' Ndyosi ji'i̱ ma̱ si jua'a̱ ti ndu'ni ma̱, cha' jua'a̱ ndu'ni cua ña'a̱ ca ñati̱; masi ñati̱ tso'o, masi ñati̱ cuxi, masi ngu' msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ma̱, lcaa ngu' bi' ndu'ni tyaca'a ngu' ji'i̱ tya'a tso'o ti ngu'.

SAN LUCAS 1:53

Cua ngua'ni Ni cha' tyaala' ti' ñati̱ nu lyiji tsa cha' tso'o ji'i̱, pana ngulo Ni cña cha' nga'aa caja la cha' culiya' ji'i̱ ngu' culiya'.

SAN LUCAS 1:58

Lo'o ndyuna ngu' cha' ngula sñi' ma' cusu' bi', tso'o tsa ntsu'u tyiquee lcaa ngu' tya'a, lo'o ngu' nu nga'a̱ cacua ti. Li' ndyalaa ngu' slo cha' ta ngu' cha' lo'o ma' cusu' bi', cha' tso'o tsa ngua'ni tya'na ti' nu Xu'na na ji'i̱ ma'.

SAN LUCAS 14:11

Cua ña'a̱ ca ñati̱ nu nti' cha' tlyu la cha' laca ji'i̱ ycui', bi' laca nu ca tyuju'u ti' ca tiya' la; lo'o nu ñati̱ nu xti ti cha' ntsu'u tyiquee ycui' yu, xtyucua ycui' Ndyosi ji'i̱ yu bi' li', cha' caca tlyu la tyiquee yu ca tiya' la.

SAN LUCAS 14:13

Pana si'i jua'a̱ cua'ni ma̱; nu lo'o cua'ni ma̱ sca ta'a, li' xuti'i̱ ma̱ ji'i̱ ngu' ti'i, lo'o ji'i̱ ngu' quicha, lo'o ji'i̱ ngu' nu cu' quiya', lo'o ji'i̱ ngu' cuityi̱' cha' cacu ngu' lo'o ma̱.

2 CORINTIOS 6:13

bi' cha' juani tya'na tsa nchcui' na' lo'o cu'ma̱. Ndi'ya̱ nti' na' chcui' na' lo'o cu'ma̱, ñi'ya̱ nchcui' ngu' lo'o sñi' ngu': Cui'ya ma̱ cha' clyu ti' ji'i̱ ya, tyucui tyiquee ma̱ cua'ni cho'o ma̱ tyiquee ma̱ ña'a̱ ma̱ ji'i̱ ya.