SAN LUCAS 14:11 - Chatino Tataltepec

¹¹ Cua ña'a̱ ca ñati̱ nu nti' cha' tlyu la cha' laca ji'i̱ ycui', bi' laca nu ca tyuju'u ti' ca tiya' la; lo'o nu ñati̱ nu xti ti cha' ntsu'u tyiquee ycui' yu, xtyucua ycui' Ndyosi ji'i̱ yu bi' li', cha' caca tlyu la tyiquee yu ca tiya' la.

SAN LUCAS 14:11 Iomraidhean Croise

SAN MATEO 23:12

Ñati̱ nu nti' cha' caca tlyu la cuentya ji'i̱ tya'a ngu', ntsu'u cha' ca tyuju'u ti' ngu' ca tiya' la; pana ñati̱ nu ná ndu'ni tyixi lo'o tya'a ngu', nu ná nti' tyiji̱loo ji'i̱ tya'a ngu', bi' laca nu chañi cha' caca tlyu la cuentya ji'i̱ cu'ma̱.

SAN LUCAS 1:51

Quiña'a̱ tsa cña tlyu cua ngua'ni Ni. Cua ngua'ni tye Ni cha' ji'i̱ ñati̱ nu xcui' cha' tyixi ndu'ni ngu' lo'o tya'a ngu'.

SAN LUCAS 1:52

Cua ngulo'o Ni ji'i̱ ñati̱ tlyu ca su ntucua tlyu ngu' nti' ngu', cua nda Ni su tso'o la cha' tyi'i̱ ngu' ti'i, nacui̱ María.

SAN LUCAS 14:12

Li' ndi'ya̱ nacui̱ Jesús ji'i̱ nu ñati̱ nu cua nchcui' lo'o cha' ca̱a̱ tyi'i̱ ta'a ca slo yu: ―Nu lo'o chcui' ma̱ lo'o ngu' cha' ca̱a̱ ngu' cacu ngu' xlyaa lo'o ma̱, si'i lo'o tya'a tso'o ti ma̱ chcui' ma̱, ni si'i lo'o tya'a ngula ti ma̱ chcui' ma̱, ni si'i lo'o tya'a tyijyu' ti ma̱ chcui' ma̱, ni si'i lo'o ngu' culiya' ti nu ntucua tyi cacua ti slo ma̱ chcui' ma̱ li'. Stu'ba ti cua'ni ngu' bi' lo'o ma̱ ca tiya' la, nu lo'o ntsu'u sca ta'a ji'i̱ ngu'; ñi'ya̱ nu ngua'ni ma̱ lo'o ngu', jua'a̱ cua'ni ngu' bi' lo'o ma̱ li'.

SAN LUCAS 18:14

’Ndi'ya̱ laca cha' nu nti' na' chcui' na' lo'o ma̱, cha' nu qui'yu nu nclyo cñi cña loo ngu' bi' ni, cua ngüityi̱ ycui' Ndyosi qui'ya nu ntsu'u ji'i̱ yu bi'; tso'o ti tyiquee yu lo'o nguxtyu̱u̱ yu ndyaa yu to' tyi yu. Pana ná ngua ji'i̱ yu fariseo bi' jua'a̱, cha' nu ñati̱ nu tlyu tsa ndu'ni ji'i̱ ycui' ca ti, ntsu'u cha' caca tyuju'u ti' ñati̱ bi' ca tiya' la; pana ñati̱ nu tyuju'u tsa ti' ji'i̱ cha' cuxi nu ntsu'u ji'i̱ juani, ca tiya' la caca tso'o la cresiya ji'i̱ cuentya ji'i̱ ycui' Ndyosi.

SANTIAGO 1:9

Tso'o ti caca tyiquee ngu' ti'i tya'a ngusñi na cha' ji'i̱ ycui' Ndyosi; xtyucua Ni ji'i̱ ngu' bi', cha' tso'o la tyi'i̱ ngu' nde loo la, masi nchcube' tsa ngu' su ndi'i̱ ngu' juani ti.

SANTIAGO 4:10

Cua'ni ma̱ cha' ca tyuju'u ti' ma̱ nde loo ycui' Ndyosi ji'i̱ qui'ya nu ntsu'u ji'i̱ ma̱, lo'o li' ta Ni sca se'i̱ tso'o la su tyi'i̱ ma̱ ca su ntucua ycui' Ni.

SANTIAGO 4:6

Tlyu la tsiya' ti cha' tso'o nu ndu'ni ycui' Ndyosi lo'o na, cha' xtyucua Ni ji'na. Ndi'ya̱ nscua chaca cha' lo quityi ji'i̱ ycui' Ndyosi: “Ná sca na ta ycui' Ni ji'i̱ ñati̱ nu xcui' tyiji̱loo ji'i̱ tya'a ñati̱ ngu', nti' ngu'; pana quiña'a̱ tsa cha' tso'o ndu'ni Ni lo'o ñati̱ nu tso'o ti ndi'i̱ chalyuu, nu ná ndyu'ni tyucuaa ti' lo'o xa' ñati̱”, nacui̱ quityi bi'.

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.

1 PEDRO 5:6

Bi' cha' taquiya' ma̱ ji'i̱ cha' nu nchcui' ycui' Ndyosi nu laca loo tsiya' ti, cha' ná cua'ni tyucuaa ti' ma̱ ji'i̱ tya'a ñati̱ ma̱; cua jlo ti' ycui' Ni ni tsa̱ laca nu lo'o cua'ni Ni cha' caca ma̱ ñati̱ tlyu la.