SAN LUCAS 13:4 - Chatino Tataltepec

⁴ Lo'o nu xa' taju ti'ñu xna tya'a ñati̱ bi' ni, ngujuii ngu' bi' ca to' hitya Siloé lo'o nclyú ni'i̱ cua̱ bi' hichu̱' ngu' li'. ¿Ha xqui'ya cha' xña'a̱ tsa ngu' ngua jua'a̱ nti' cu'ma̱? Ná xña'a̱ lye ngu' bi'. Na ngua'ni ti ngu' ñi'ya̱ nu ndu'ni tya'a ngu' quichi̱ Jerusalén,

SAN LUCAS 13:4 Iomraidhean Croise

SAN MATEO 18:24

Lo'o nguxana ca ti nclyacua ti' rey jua'a̱, hora ti ndu'u tucua ngu' slo rey bi', ñaa lo'o ngu' ji'i̱ sca msu nu ndacui tyu̱u̱ tsa miyu̱ paxu ji'i̱.

SAN MATEO 6:12

Lo'o jua'a̱ cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ntsu'u tyiquee ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya.

SAN LUCAS 11:4

Cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ngua'ni ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya. Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Jua'a̱ ngulu'u Jesús ji'i̱ nu ngu' nu ndyaca tsa'a̱ ji'i̱ bi'.

SAN LUCAS 13:3

si'i na cuxi la ngua'ni ngu' bi'. Lo'o jua'a̱ cu'ma̱ ni, si ná ca tyuju'u ti' ma̱ ji'i̱ lcaa cha' cuxi nu ndyu'ni ma̱, cha' culochu̱' ma̱ cha' bi', la cui' ti cha' nscua cha' cajaa ma̱ li' ―nacui̱ Jesús ji'i̱ ngu'―.

SAN LUCAS 13:5

si'i na cuxi la ngua'ni ngu' bi'. Lo'o jua'a̱ cu'ma̱ ni, si ná ca tyuju'u ti' ma̱ ji'i̱ lcaa cha' cuxi nu ndyu'ni ma̱, cha' culochu̱' ma̱ cha' bi', la cui' ti cha' nscua cha' cajaa cu'ma̱.

SAN JUAN 9:11

―Nu ñati̱ nu naa Jesús, bi' laca nu nguxa' xi nana' cha' nguta'a̱ chu̱' scua' cloo na' ―nacui̱ nu qui'yu bi'―. Lo'o li' ngulo yu bi' cña 'na cha' tsa'a na' caata̱ nde tojo'o Siloé, bi' cha' ndya'a̱ ndyaata̱ ca bi'; hora ti ngua tso'o cloo na', tyaca̱' tso'o ña'a̱ na' juani.

SAN JUAN 9:7

Li' nacui̱ Jesús ji'i̱: ―Yaa nu'u̱, caata chcu nde tojo'o Siloé ―tojo'o bi' naa Siloé cha'cña ji'i̱ ngu', ñi'ya̱ nti' si ñacui̱ na cha'cña ji'na: tojo'o “su nacui̱ ji'i̱ ngu' cha' tsaa ngu'”. Bi' cha' ndyaa nu quicha bi' ndyaata tojo'o bi' li'. Lo'o ñaa li', cua ndyaca tso'o cloo.

LOS HECHOS 28:4

Na'a̱ ngu' ca tyi ji'i̱ cuaña nu ndacui ya' Pablo, lo'o hora ti nchcui' ngu' lo'o tya'a ngu' li': ―Ñati̱ nu cua ndyujuii ji'i̱ tya'a laca nu qui'yu cua ―nacui̱ ngu' ji'i̱ tya'a ngu'―. Masi cua ngulaá yu ji'i̱ tyujo'o, pana cajaa yu juani, cha' ñati̱ xña'a̱ laca yu.