SAN LUCAS 12:9 - Chatino Tataltepec

⁹ Pana si ntsu'u sca ma̱ nu chcui' lo'o xa' ñati̱ cha' ná ntsu'u cha' ji'i̱ tsiya' ti lo'o na', la cui' jua'a̱ na', tacu̱' na' cha' ji'i̱ ñati̱ bi' slo xca̱ ji'i̱ ycui' Ndyosi nde cua̱.

SAN LUCAS 12:9 Iomraidhean Croise

SAN MATEO 10:33

Lo'o jua'a̱ lcaa ngu' nu nchcui' lo'o xa' ñati̱ cha' ná ntsu'u cha' ji'i̱ ngu' lo'o na', jua'a̱ na', chcui' na' lo'o Sti na' nu ntucua nde cua̱ cha' si'i tya'a tso'o na' laca ñati̱ bi'.

SAN MATEO 25:12

Li' nguxacui̱ cutsii cha' ji'i̱ ngu' cuna'a̱ tonto bi': “Ná nslo na' ji'i̱ ma̱ tsiya' ti, ná jlo ti' na' ti ñati̱ laca cu'ma̱”, nacui̱ nu cutsii bi' ji'i̱ ngu' li'.

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MATEO 7:23

Lo'o li' ntsu'u cha' xacui̱ na' cha' ji'i̱ ngu' bi' ndi'ya̱: “Ná nslo na' ji'i̱ cu'ma̱ tsiya' ti. Yaa clya ma̱ cha' ngu' xña'a̱ laca ma̱.”

SAN MARCOS 8:38

Caca tyuju'u ti' na' nu cua nda Ni 'na lijya̱a̱ cha' caca na' ñati̱, nu lo'o ña'a̱ na' ji'i̱ scaa ñati̱ chalyuu nu ntyuju'u ti' jna', masi tyuju'u ti' ngu' bi' ji'i̱ cha' tso'o nu nchcui' ti na'. Si xqui'ya na' tyuju'u ti' ngu' bi' slo ngu' cuxi chalyuu juani, masi slo ngu' suba' chalyuu juani, li' caca tyuju'u ti' na' ji'i̱ ngu' bi' nu lo'o ca̱a̱ na' chaca quiya' nde loo la cha' caca na' loo ji'i̱ ñati̱. Li' lye tsa ña'a̱ xee caca lo'o tya̱a̱ na' chaca quiya' chacuayá' ji'i̱ Sti na'. Ca̱a̱ na' lo'o xca̱ nu tacati tsa ji'i̱ ycui' Ni, cha' lubii tsiya' ti ngu' xca̱ bi' ―nacui̱ Jesús ji'i̱ ngu'.

SAN LUCAS 15:10

Chaa ti' nu cuna'a̱ bi', cha' cua nquije cñi ji'i̱; la cui' jua'a̱ ca slo ycui' Ndyosi, chaa tsa ti' ycui' Ni lo'o ñati̱ ji'i̱ Ni nde cua̱, masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'.

SAN LUCAS 22:57

Hora ti nguxacui̱ Pedro cha' ji'i̱ nu cuna'a̱ bi': ―Ma' cusu', ná nslo na' ji'i̱ yu jua ―nacui̱ Pedro li'.

SAN LUCAS 9:26

Ca tyuju'u ti' na' nu cua nda Ni 'na lijya̱a̱ cha' caca na' ñati̱ lo'o ña'a̱ na' ji'i̱ ma̱, si cua ngua tyuju'u ti' ma̱ ña'a̱ ma̱ jna', masi ntyuju'u ti' ma̱ ji'i̱ cha' tso'o nu nchcui' ti na'; nu lo'o ca̱a̱ na' chaca quiya' nde loo la cha' caca na' loo ji'i̱ ñati̱, li' ca tyuju'u ti' na' lo'o ña'a̱ na' ji'i̱ ma̱. Ndubi tsa ña'a̱ loo na' caca xqui'ya xee ji'i̱ ycui' Ndyosi Sti na' li'; stu'ba ti ca̱a̱ na' lo'o lcaa xca̱ ji'i̱ ycui' Ni, xca̱ nu lubii tsiya' ti.

2 TIMOTEO 2:12

Si talo na lo'o xcube' ngu' ji'na xqui'ya cha' ji'i̱ Ni, li' caja su tyi'i̱ na lo'o ycui' Jesús ca su laca Ni loo ca bi'. Si ñacui̱ na cha' ná ntsu'u cha' ji'na lo'o Jesucristo, jua'a̱ ycui' Ni, ñacui̱ Ni cha' ná ntsu'u cha' ji'i̱ Ni lo'o na.

1 JUAN 2:23

Si ñacui̱ na ji'i̱ ñati̱ cha' si'i Sñi' ycui' Ndyosi laca Jesucristo, ná ntsu'u cha' ji'na lo'o ycui' Ndyosi Sti Jesucristo, jua'a̱ ndyu'u cha' bi' li'; pana lo'o xñi na cha' ji'i̱ Sñi' ycui' Ni, cua ntsu'u cha' ji'na lo'o ycui' Ndyosi Sti yu, jua'a̱ ndyu'u cha' bi' li'.

1 JUAN 2:28

Nu juani ti, cu'ma̱ sñi' na', xñi tso'o ma̱ cha' ji'i̱ Jesucristo. Lo'o li', lo'o ca̱a̱ Jesucristo chalyuu chaca quiya', nga'aa ntsu'u cha' ca tyuju'u ti' na lo'o ña'a̱ na ji'i̱ Ni cha' ca̱a̱ Ni; tyucui tyiquee na tyacua tya'a na lo'o Ni li'.

APOCALIPSIS 3:8

Nda na' cuentya ji'i̱ lcaa ña'a̱ nu ndu'ni ma̱, nacui̱ Ni. Cua nda na' sca cña tso'o cha' cua'ni ma̱, lo'o ná tucui taca tacu̱' cha' ji'i̱ ma̱ li', masi jlo ti' na' cha' ná caca ji'i̱ ma̱ chcui' lye ma̱ lo'o ñati̱ cuentya jna', cha' ná nguula ti' tyiquee ma̱ tsiya' ti; pana ña'a̱ ti tya ndaquiya' ma̱ ji'i̱ lcaa cha' nu nclyu'u na' ji'i̱ ma̱, bilya xtyanu ma̱ 'na.