SAN LUCAS 12:4 - Chatino Tataltepec

⁴ ’Tya'a tso'o na' laca cu'ma̱, bi' cha' chcui' na' cha' re lo'o ma̱, cha' ná cutsi̱i̱ ma̱ ji'i̱ ñati̱ chalyuu nu caca cujuii ji'na, cha' nu nga'aa caca cua'ni ngu' xa' la cha' cuxi ji'na ca tiya' la, nu lo'o cua ngujuii na.

SAN LUCAS 12:4 Iomraidhean Croise

SAN MATEO 10:28

Ná cutsi̱i̱ ma̱ ji'i̱ ngu' nu cujuii ji'i̱ ma̱ nde chalyuu ti, cha' ná nchca ji'i̱ ngu' cujuii ngu' ji'i̱ cresiya ji'i̱ ma̱; tso'o la si cutsi̱i̱ ma̱ ji'i̱ ycui' Ndyosi nu cua'ni cuayá' ji'i̱ ma̱ nde loo la. Cutsi̱i̱ ma̱ ji'i̱ ycui' Ndyosi tu'ni, xqui'ya cha' cua'ni Ni cha' tye cha' ji'i̱ ma̱ tsiya' ti si tsaa ma̱ ca bilyaa.

SAN JUAN 15:13

Si jua'a̱ ntsu'u tyiquee na ña'a̱ na ji'i̱ tya'a tso'o na, li' cua'ni lyaá na ji'i̱ ngu' bi', masi cajaa ycui' na; nga'aa ntsu'u xa' cña tlyu la nu caca cua'ni na cha' xtyucua na ji'i̱ tya'a tso'o na.

LOS HECHOS 20:24

Pana ná ntsi̱i̱ na' xqui'ya cha' nu nchcui' ngu' bi', ná ndu'ni cha' jna' masi cujuii ngu' jna'. Sca ti cha' nti' na', cha' tso'o ti tye cña nu nda ycui' Jesús jna', cha' ta na' cha' tso'o ji'i̱ ycui' Ndyosi lo'o xa' ñati̱, cha' ntsu'u tsa tyiquee Ni ña'a̱ Ni ji'i̱ ñati̱ chalyuu.

LOS HECHOS 4:13

Ndyuna ngu' cha' nu nchcui' Pedro, cuati ña'a̱ tsa ngu' ji'i̱ Pedro lo'o Juan: ―¿Ni cha' laca ná ntsi̱i̱ ngu' re nchcui' ngu' lo'o na? ―nacui̱ ngu'―. Si'i ñati̱ tlyu laca ngu', si'i ñati̱ nu ngua tsa'a̱ quityi laca ngu' re. Li' ngua tii ngu' cusu' cha' cua nguta'a̱ ngu' lo'o Jesús.

FILIPENSES 1:28

Lo'o ndu'ni ma̱ jua'a̱, li' nga'aa ntsu'u cha' cutsi̱i̱ ma̱ ji'i̱ ngu' tya'a cusu̱u̱ ma̱, cha' taca ca cuayá' ti' ngu' cha' cua nscua cha' cuityi̱ ycui' Ndyosi ji'i̱ lcaa ñati̱ cuxi. Pana cu'ma̱ ni, cua ngulaá ma̱ ji'i̱ nu cuxi bi'; ycui' Ndyosi ndu'ni cha' taca tyiji̱loo ma̱ ji'i̱ ñati̱ cuxi bi'.

SANTIAGO 2:23

Bi' laca cha' nu nscua lo quityi cusu' ndi'ya̱: “Ngusñi Abraham cha' ji'i̱ ycui' Ndyosi, bi' cha' ntucuá Ni cha' ji'i̱ Abraham cha' caca yu sca ñati̱ nu lubii tsa cresiya ji'i̱”. Tya'a tso'o ycui' Ndyosi ngua Abraham li', nacui̱ quityi.

1 PEDRO 3:14

Pana si ntsu'u quiya' nu cua'ni lya' ti' ngu' ji'i̱ ma̱ xqui'ya sca cha' tso'o nu ndyu'ni ma̱, tso'o la si ná caca xñi'i̱ ti' tyiquee ma̱ li'; ná cube ti' ma̱, ná cutsi̱i̱ ma̱ ji'i̱ ngu' bi'.

APOCALIPSIS 2:10

Ná cutsi̱i̱ ma̱ ji'i̱ cha' ti'í nu caca ji'i̱ ma̱ nde loo la, masi cua'ni nu xña'a̱ cha' tyu̱u̱ tya'a ma̱ tsaa ma̱ xi ne' chcua̱. Cua nti' yu cua'ni cuayá' yu ji'i̱ ma̱ si ña'a̱ ti tya nxñi ma̱ cha' jna'. Pana tii ti tsa̱ xcube' yu ji'i̱ ma̱, nacui̱ Ni. Ña'a̱ ti tyucui tyiquee ma̱ xñi ma̱ cha' ji'i̱ ycui' Ndyosi Sti na', masi cajaa ma̱, cha' ná nga'a̱ cha' tye chalyuu nu ta na' ji'i̱ ma̱ nde loo la li'.