SAN LUCAS 12:32 - Chatino Tataltepec

³² ’Ná cutsi̱i̱ cu'ma̱. Ñati̱ 'na laca ma̱, masi xti ti ngu' tya'a ma̱, cu'ma̱ nu laca ma̱ taju ñati̱ ji'i̱ ycui' Ndyosi; cua ngujui chalyuu tso'o ji'i̱ ma̱ cha' ycui' Ndyosi Sti na laca loo ji'i̱ ma̱, cha' jua'a̱ nti' ycui' Ni.

SAN LUCAS 12:32 Iomraidhean Croise

SAN MATEO 14:27

Hora ti ndacha' Jesús ji'i̱ ngu': ―Cua'ni tlyu tyiquee ma̱ ―nacui̱ Jesús ji'i̱ ngu'―. Na' laca̱, ná cutsi̱i̱ ma̱.

SAN MATEO 20:16

Pana nu ngu' nu tyu'u tucua lo'o cua tye ti cha', bi' laca ngu' nu caca nde loo la; ngu' nu ndu'u tucua clyo, bi' laca ngu' nu tyanu nde chu̱' la ―nacui̱ Jesús―. Cua ndacane Ni ji'i̱ quiña'a̱ tsa ñati̱ cha' cua'a̱ jyaca̱ ngu' ni cha' nda Ni, pana cua laca ti ñati̱ nsubi Ni ji'i̱ cha' caca ngu' ñati̱ ji'i̱ Ni.

SAN MATEO 25:34

Ca li' lo'o caca na' loo tsiya' ti, chcui' na' lo'o taju ñati̱ nu ndi'i̱ la'a tsu' cui̱ 'na: “Tya̱a̱ ma̱ ca su ntucua ycui' Ni nu laca loo, lcaa cu'ma̱ nu tso'o tsa nti' ycui' Ndyosi Sti na' ña'a̱ Ni ji'i̱ ma̱, cha' cua ngua'ni cho'o ycui' Ni su tyi'i̱ ma̱ slo Ni, tya lo'o ngüiñá Ni chalyuu.

SAN MATEO 7:15

’Lo'o chaca cha' ni: cua'ni tii ti' ma̱ ña'a̱ ma̱ ji'i̱ ngu' cuiñi nu nchcui' cuiñi ti cha' cuentya ji'i̱ ycui' Ndyosi nclu'u ngu' cha' ji'i̱ ma̱. Sca na'ni tso'o laca nu naa xlya'; lo'o nu ngu' cuiñi bi' ni, nti' ngu' cha' culacua ti' ma̱ cha' ñati̱ tso'o laca ngu' ñi'ya̱ laca xlya'. Tso'o tsa nchcui' ngu' bi' lo'o ma̱, tso'o tsa ndu'ni ngu' lo'o ma̱; pana cha' cuiñi laca nu nchcui' cha' tso'o tsa ngu' bi', cha' tyaala tsa ngu', cuiñi tsa ngu' bi'. Si'i ñi'ya̱ laca xlya' laca ngu' bi'; ñi'ya̱ laca sca bo'o nu tyaala tsa, jua'a̱ laca ngu' bi'.

SAN LUCAS 10:21

Sca hora bi' tso'o tsa ntsu'u tyiquee Jesús xqui'ya cha' ndi'i̱ Xtyi'i ycui' Ndyosi lo'o yu. Bi' cha' nchcui' Jesús lo'o ycui' Ndyosi Sti yu li': ―Sti na', cua'ni chi̱ na' loo ycui' nu'u̱ juani. Nu'u̱ laca ycui' Ni nu laca loo nde cua̱, jua'a̱ laca nu'u̱ loo nde lo yuu. Cua ngutu'u yacu̱' ti cha' bi' cuentya ji'i̱ ñati̱ nu ngua tya sa'ni la, cha' ná ca cuayá' ti' ngu' cha' bi' tsiya' ti, masi nchca tsa ji'i̱ ngu'; pana tsa xlya'be hi̱ cha' cua ngulu'u tso'o nu'u̱ cha' bi' ji'i̱ ñati̱ jua'a̱ ti juani, masi ná jlo tso'o ti' ñati̱ bi'. Ndyu'ni tlyu na' jinu'u̱ cha' jua'a̱ ngua ti' ycui' nu'u̱ cha' caca ―nacui̱ Jesús ji'i̱ ycui' Ndyosi.

SAN JUAN 18:36

―Si laca na' sca rey jua'a̱ ―nacui̱ Jesús―, li' cua nxu̱u̱ tya'a ngu' tya'a ndya'a̱ na' lo'o ngu' judío jua cha' ná xñi ngu' 'na ―nacui̱―. Pana si'i ñati̱ chalyuu laca nu cua ngusta 'na cha' caca na' loo ji'i̱ ngu'.

LOS HECHOS 20:28

Nu juani ntsu'u cha' ña'a̱si̱i̱ ma̱ ji'i̱ ycui' ca ma̱, lo'o jua'a̱ ña'a̱si̱i̱ ma̱ ji'i̱ ca ta'a ñati̱ ji'i̱ Jesucristo ca quichi̱ tyi ma̱, cha' cua nda Xtyi'i ycui' Ndyosi cña ji'i̱ ma̱ cha' caca ma̱ loo ji'i̱ taju ñati̱ bi'. Tlyu tsa cña nu ngua'ni ycui' nu Xu'na na cha' ca ti̱ qui'ya nu ntsu'u ji'na tya lo'o ngujuii yu lo crusi, nu lo'o ndyalú tañi ycui' ca yu.

LOS HECHOS 20:29

Jlo ti' na' cha' nu lo'o nga'aa ndya'a̱ na' ca nde, li' ca̱a̱ ñati̱ cuiñi cha' cua'ni ñu'u̱ ji'i̱ taju ñati̱ tya'a ma̱; ñi'ya̱ ndu'ni tyaala bo'o ji'i̱ sca taju xlya', jua'a̱ cua'ni ñu'u̱ nu ngu' cuiñi bi' ji'i̱ taju ñati̱ tya'a ndya'a̱ ma̱.

ROMANOS 6:23

Tsa bi' ti caya' caja ji'na lo'o ndu'ni na cha' cuxi, cha' chcuna' lyiji cresiya ji'na lo'o; pana si stu'ba ntsu'u cha' ji'na lo'o Jesús nu Xu'na na, li' ta ycui' Ndyosi sca chalyuu nu ná nga'a̱ cha' tye ji'na. Sca cha' xlya'be nu nda ti Ni ji'na laca.

1 CORINTIOS 1:21

Ngua'ni Ni cha' ná caja ñi'ya̱ tyuloo ñati̱ chalyuu ji'i̱ Ni cha' hique ti ngu'; jua'a̱ tso'o la, ngua ti' ycui' Ndyosi. Pana ndu'ni lyaá Ni ji'i̱ ñati̱ nu xñi cha' ji'i̱ Ni; la cui' cha' nu ndacha' na ji'i̱ ngu', masi cha' tonto nchcui' na, nacui̱ ngu' li'.

FILIPENSES 2:13

Tyi'u ti' ma̱ cha' lcaa tsa̱ ndu'ni ycui' Ndyosi cña laja ne' cresiya ji'i̱ ma̱, cha' taca cua'ni ma̱ cña ji'i̱ Ni; jua'a̱ ndu'ni Ni cha' tyaja'a̱ ma̱ cua'ni ma̱ lcaa ña'a̱ nu nti' ycui' Ndyosi cha' cua'ni ma̱.

2 TESALONICENSES 1:11

Bi' cha' lcaa tsa̱ nchcui' ya lo'o ycui' Ndyosi Sti na cha' cua'ni Ni cña ne' cresiya ji'i̱ ma̱, cha' tso'o ti cua'ni ma̱ cña nu nda Ni ji'i̱ ma̱ tya lo'o ngusubi Ni ji'i̱ ma̱. Nchcui' ya lo'o Ni cha' xtyucua Ni ji'i̱ ma̱, cha' jua'a̱ cua'ni lyiji ma̱ lcaa cha' tso'o nu nclyacua ti' ma̱ cha' cua'ni ma̱ cuentya ji'i̱ ycui' Ni, lcaa lo cha' tso'o nu ndyu'ni ma̱ xqui'ya cha' ngusñi ma̱ cha' ji'i̱ ycui' Ndyosi.

2 TESALONICENSES 1:5

Liñi tsa ndu'ni cuayá' ycui' Ndyosi ji'i̱ ñati̱; bi' cha' caja su tyi'i̱ ma̱ ca su laca ycui' Ndyosi loo ca nde loo la, masi xña'a̱ tsa ngu' lo'o ma̱ juani xqui'ya cha' ji'i̱ ycui' Ndyosi nu cua ngusñi ma̱.

HEBREOS 12:28

Lo'o jua'a̱ ná taca cha'a̱ chalyuu cucui nu ngujui ji'na xqui'ya Cristo, ná clyiji tsiya' ti bi'; bi' cha' tso'o tyu'u tyiquee na ña'a̱ na ji'i̱ ycui' Ndyosi lacua. Cua'ni chi̱ na loo ycui' Ndyosi, cha' jua'a̱ nti' Ni cha' cua'ni na; tyi'u ti' na cha' lcaa tsa̱ cua'ni tlyu na ji'i̱ ycui' Ni, cha' cube tsa ti' na ji'i̱ Ni.

SANTIAGO 2:5

Cu'ma̱ ngu' tya'a na nu tyaca'a tsa ma̱ 'na, cui'ya ma̱ cuentya ji'i̱ cha' re: Cua ngusubi ycui' Ndyosi ji'i̱ ñati̱ ti'i cha' taca xñi tso'o ngu' cha' ji'i̱ ycui' Ni; ta Ni chalyuu tso'o ji'i̱ ngu' bi' li', la cui' chalyuu nu nacui̱ Ni cha' caja ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni. Masi ti'i tsa ñati̱ bi' nde chalyuu, pana culiya' ngu' cuentya ji'i̱ ycui' Ndyosi.

2 PEDRO 1:11

ndya'a̱ ma̱ lo tyucui̱i̱ ji'i̱ ycui' Ndyosi li'. Jua'a̱ caca ycui' Jesucristo nu Xu'na na loo ji'i̱ ma̱, bi' laca nu ndyu'ni lyaá ji'na; ná nga'a̱ cha' tye tsa̱ cha' laca ycui' Ni loo, lo'o li' tso'o ti tyatí̱ na ca su ntucua ycui' Ni.

APOCALIPSIS 1:6

Cua ngua'ni Jesús cha' laca na sca lo ñati̱ nu ndulo tsa cuentya ji'i̱ ycui' Ndyosi, nu ndyu'ni cña nu nti' ycui' Ndyosi Sti Jesús cha' cua'ni na. Cua nti' na cha' lcaa yija̱ nu lijya̱ nde loo la ná tye cha' cua'ni tlyu na ji'i̱ ycui' Ndyosi, cha' nchca ji'i̱ Ni cua'ni Ni lcaa lo cña tsiya' ti. Jua'a̱ caca cha' lacua.

APOCALIPSIS 22:5

Nga'aa caca talya su ndi'i̱ ngu' ca bi'; bi' cha' nga'aa cua'nijo'o xee cuichaa ji'i̱ ngu', nga'aa nti' cha' cua'a̱ ngu' xee nde ni'i̱. Ycui' Ndyosi nu Xu'na na, bi' laca nu ta xee ji'i̱ ngu', ni ná tye tyempo cha' stu'ba ti caca ngu' loo lo'o ycui' Ni.