SAN LUCAS 12:29 - Chatino Tataltepec

²⁹ Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi',

SAN LUCAS 12:29 Iomraidhean Croise

SAN MATEO 6:31

Bi' cha' ná ntsu'u cha' culacua tsa ti' ma̱ ñi'ya̱ cha' cuxi tyacua ji'i̱ ma̱ ca nde loo la. Ná ñacui̱ lye ma̱: “¿Ma caja na cacu ya?” Ná ñacui̱ ma̱: “¿Ma caja hitya co'o ya?” Ni ná ñacui̱ ma̱: “¿Ma caja ste' ya?”

SAN LUCAS 12:22

Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

SAN LUCAS 12:26

masi cha' xca ti laca bi', ná nchca cua'ni ma̱ ji'i̱ tsiya' ti. Lo'o jua'a̱ ná ntsu'u cha' culacua ti' ma̱ ji'i̱ sca cha' nu cua tonu la.

SAN LUCAS 12:30

cha' xcui' jua'a̱ nclacua ti' lcaa ñati̱ chalyuu nu ndi'i̱ jua'a̱ ti. Pana cu'ma̱ ni, ná cube ti' ma̱, jlo ti' ycui' Sti ma̱ ñi'ya̱ caca caja lcaa na nu lyiji cha' tyiji̱ yu'u ji'i̱ ma̱ chalyuu.

SAN LUCAS 22:35

Li' nchcuane Jesús ji'i̱ ngu': ―Nu lo'o ngulo na' cña ji'i̱ ma̱ cha' tsaa ma̱ xa' quichi̱ nu ná lo'o cujui̱ cñi ji'i̱ ma̱, ná lo'o xa' cujui̱, ná lo'o caña ji'i̱ ma̱, ¿ha ntsu'u na nu lyiji ji'i̱ ma̱ li'? ―Ná sca na lyiji ji'i̱ ya li' ―nguxacui̱ ngu' cha' ji'i̱.