SAN LUCAS 12:22 - Chatino Tataltepec

²² Li' nchcui' Jesús lo'o nu ngu' nu ndyaca tsa'a̱ ji'i̱: ―Ndi'ya̱ cha' chcui' na' lo'o ma̱ juani: Ná quiña'a̱ tsa cha' culacua ti' ma̱ na laca nu lyiji ji'i̱ ma̱ cha' cacu ma̱ su ndi'i̱ ma̱ chalyuu, ni ná culacua tsa ti' ma̱ cha' ji'i̱ ste' ma̱.

SAN LUCAS 12:22 Iomraidhean Croise

SAN LUCAS 12:11

’Cu'ma̱ nu laca ma̱ ñati̱ 'na ni, ná cutsi̱i̱ ma̱ nu lo'o chcui' cuayá' ngu' lo'o ma̱ ne' laa, masi nu lo'o cua'ni cuayá' ngu' ji'i̱ ma̱ slo ngu' nu laca cña. Ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', cha' clyaá ma̱ ji'i̱ ngu';

SAN LUCAS 12:23

Cuayá' cha' lu'ú ti na, masi si'i quiña'a̱ tsa na cacu na; cuayá' tsa si tso'o ti ti' na, masi si'i tso'o tsa ña'a̱ ste' na.

SAN LUCAS 12:29

Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi',

1 CORINTIOS 7:32

Cua nti' na' cha' ná caca xa' la cha' ji'i̱ ma̱, cha' jua'a̱ xqui'ya cha' bi' ná caca cua'ni tso'o ma̱ cña. Cu'ma̱ ngu' qui'yu nu bilya caja clyo'o ma̱, taca cua'ni ma̱ tsa lo ti cña ji'i̱ ycui' Ndyosi li'; cua'ni ma̱ ñi'ya̱ nu nti' ycui' nu Xu'na na cha' cua'ni na li'.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

HEBREOS 13:5

Ná tyu'u tyiquee ma̱ xcui' cha' ji'i̱ cñi, pana tso'o si tyaala' ji'i̱ ma̱ lo'o tsa ña'a̱ nu ndyiji ti xi ji'i̱ ma̱. Na cua nchcui' Ni lo'o na ndi'ya̱: “Ná culati'i̱ na' ji'i̱ ma̱”, nacui̱ Ni, “ná xtyanu na' ji'i̱ ma̱ jua'a̱ ti”.