SAN LUCAS 12:14 - Chatino Tataltepec

¹⁴ Li' nguxacui̱ Jesús cha' ji'i̱ yu bi': ―Si'i cña 'na laca cua, cha' cua'ni cuayá' na' ji'i̱ ma̱; si'i cña 'na laca bi', cha' sa'be na' cha' culiya' nu tyacua ji'i̱ scaa ma̱.

SAN LUCAS 12:14 Iomraidhean Croise

SAN LUCAS 12:13

Nga'a̱ sca nu qui'yu laja ñati̱ quiña'a̱. Nguxana yu nchcui' yu lo'o Jesús li': ―Cusu' ―nacui̱ yu―, cuacha' clya nu'u̱ ji'i̱ yu tya'a na' cha' tya'be cha' culiya' nu nguxtyanu sti ya ji'i̱ ya lo'o yu.

SAN LUCAS 22:58

Ca tiya' la xi na'a̱ chaca ñati̱ ji'i̱. ―Lo'o nu'u̱ laca tya'a ndya'a̱ ngu' jua ―nacui̱ ñati̱ bi' ji'i̱ Pedro. ―Si'i na' ―nacui̱ yu―. Ná laca na' tya'a ndya'a̱ ngu' jua ―nacui̱ Pedro ji'i̱ ngu'.

SAN LUCAS 5:20

Lo'o ti ngua cuayá' ti' Jesús cha' jlya tsa ti' ngu' bi' ji'i̱, bi' cha' nacui̱ ji'i̱ yu quicha bi': ―Cusu' ―nacui̱―, na cua ngua'ni clyu ti' ycui' Ndyosi jinu'u̱ ji'i̱ qui'ya nu ntsu'u jinu'u̱ ―nacui̱ Jesús ji'i̱ yu quicha bi'.

SAN JUAN 6:15

Hora ti ngua tii Jesús cha' ngua ti' ngu' taya' ngu' ji'i̱, cha' tsaa lo'o ngu' ji'i̱ cha' caca yu rey nu caca loo ji'i̱ ngu'. Bi' cha' ndu'utsu' Jesús ndyaa cuaana ti nde ca'ya, ndyaa yu sca ti yu.

SAN JUAN 8:11

―Ná tucui ndu̱ nu ngusta qui'ya 'na, cusu' ―nacui̱ nu cuna'a̱ bi'. ―Tso'o lacua ―nacui̱ Jesús ji'i̱―. Jua'a̱ na', ná ntsu'u qui'ya nu sta na' jinu'u̱. Tyaa clya nu'u̱ juani ―nacui̱―, nga'aa cua'ni la nu'u̱ cha' cuxi.

ROMANOS 2:1

Lo'o cu'ma̱ ni, nchcui' tsa ma̱ ji'i̱ sca cha' cuxi nu ndyu'ni ñati̱; pana ná caja ñi'ya̱ nu cua'ni clyu ti' Ni ji'i̱ ycui' ma̱, nu lo'o nclyotu̱ ma̱ qui'ya nu ntsu'u ji'i̱ xa' ñati̱, lo'o jua'a̱ ycui' ca ma̱ ntsu'u qui'ya bi' ji'i̱ ma̱. Ñi'ya̱ ndu'ni cuayá' bese ji'i̱ ñati̱ cuxi, jua'a̱ ndu'ni ma̱, nu lo'o nchcui' ma̱ jua'a̱ ji'i̱ ñati̱; pana stu'ba ntsu'u qui'ya ji'i̱ ma̱ lo'o nu ñati̱ cuxi bi'.

ROMANOS 2:3

¿Ni cha' laca nti' ma̱ cha' ná caca ji'i̱ cu'ma̱ ñi'ya̱ nu ndyaca ji'i̱ nu ngu' cuxi bi'? Cha' cuiñi, ná clyaá ma̱ ji'i̱ ycui' Ndyosi nu lo'o cua'ni cuayá' Ni ji'i̱ lcaa ñati̱; na nsta ma̱ qui'ya ji'i̱ ñati̱ bi', masi ndu'ni ma̱ la cui' tya'a cha' cuxi nu ndu'ni ngu' bi'.

ROMANOS 9:20

Pana na nu laca na ñati̱ chalyuu ti, ná tso'o si xlyú na cha' jua'a̱ hichu̱' ycui' Ndyosi. Ñi'ya̱ laca sca quityu̱' ni, ná nchca ji'i̱ quityu̱' bi' xlyú cha' hichu̱' ñati̱ nu ngüiñá ji'i̱ lo'o yuu; ná nchca chcui' quityu̱' bi' ndi'ya̱: “¿Ni cha' laca ngüiñá nu'u̱ jna' jua'a̱?”