SAN LUCAS 11:22 - Chatino Tataltepec

²² Sca ti lo'o ca̱a̱ xa' la ñati̱ nu xña'a̱ la, tyiji̱loo ngu' bi' ji'i̱ yu li'; xlyaá ngu' lcaa chcua̱ nu ntsu'u ji'i̱ yu su ndu̱ yu cua̱, cuaana ngu' yu'ba ji'i̱ yu bi', cha' caja xi ji'i̱ ca ta'a ngu' li'.

SAN LUCAS 11:22 Iomraidhean Croise

SAN LUCAS 11:21

’Ñi'ya̱ nti' sca ñati̱ tyaala, ndu̱ yu cua̱ nde toni'i̱ ji'i̱ yu. Cua laca ndi'i̱ maxtyi ji'i̱ yu cacua ti su ndu̱ yu, cha' jua'a̱ ná sca caca ji'i̱ yu'ba nu ntsu'u ji'i̱ yu.

SAN LUCAS 11:23

’Ñati̱ nu ná nti' xñi cha' jna', na nxu̱u̱ tya'a ngu' bi' lo'o na' li', jua'a̱ ndyu'u cha' bi'. Lo'o jua'a̱ ñati̱ nu ná nxtyucua 'na, na ndaca'a ngu' bi' ji'i̱ tya'a ñati̱ ngu' cha' ná xñi ngu' cha' jna' lacua.

EFESIOS 6:11

Lcaa tyempo tyi'u ti' ma̱ lcaa cha' nu cua nda ycui' Ndyosi lo'o ma̱, cha' taca cua'a ma̱ ji'i̱ ycui' ca ma̱, cha' ná cñilo'o nu xña'a̱ ji'i̱ ma̱.

EFESIOS 6:13

Pana cha' nu cua nchcui' ycui' Ndyosi lo'o na ni, ñi'ya̱ laca ste' sendaru nu ndya'a̱ cusu̱u̱, jua'a̱ laca cha' bi'; xcui' chcua̱ laca ste' sendaru cha' cua'a ji'i̱ ycui' ca ngu'. Taquiya' ma̱ ji'i̱ cha' bi', xñi tso'o ma̱ ji'i̱ cha' bi' juani; lo'o tyalaa tyempo cuxi bi', li' taca talo ma̱ cha' xu̱u̱ tya'a ma̱ lo'o nu xña'a̱, cha' ngusñi ma̱ cha' tso'o bi', masi tya'a cusu̱u̱ na laca nu xña'a̱ bi'. Si jua'a̱ cua'ni ma̱, nu lo'o tye cha' cusu̱u̱ bi', li' tya tyu̱ ma̱ ñi'ya̱ nu ndu̱ ti ma̱.

COLOSENSES 2:15

La cui' ti lo crusi bi' cua ntiji̱loo Cristo ji'i̱ lcaa nu laca xu'na na, jua'a̱ ji'i̱ lcaa cui'i̱ nu laca loo ji'na. Lo'o ngua'ni chi̱ Ni loo Cristo xqui'ya cha' cua ntiji̱loo yu ji'i̱ lcaa xu'na na bi', li' ndyalo'o Cristo ji'i̱ xu'na bi' laja ñati̱ nu lijya̱ qui'i ti, cha' ña'a̱ cui'ya lcaa ñati̱ cha' cua ntiji̱loo Cristo ji'i̱ lcaa xu'na bi'.

1 JUAN 3:8

Lcaa ñati̱ nu ndu'ni xcui' cha' cuxi, cua laca ngu' bi' sñi' ycui' nu xña'a̱ nu laca xu'na cuiñaja; tya lyiji tye cha' cua'ni nu xña'a̱ bi' cha' cuxi. Sca ti Jesús nu Sñi' ycui' Ndyosi, cua ya̱a̱ Ni chalyuu cha' cua'ni tye Ni ji'i̱ lcaa cña nu ndyu'ni nu xña'a̱ bi'.

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.