SAN LUCAS 11:13 - Chatino Tataltepec

¹³ Bi' cha' lacua, si jlo ti' ma̱ cha' ta ma̱ na tso'o cacu sñi' ma̱, masi xña'a̱ tyiquee ma̱, la cui' jua'a̱ jlo ti' ycui' Ndyosi Sti ma̱ nu ntucua nde cua̱; lye la cua'ni tya'na ti' Ni ji'i̱ ma̱, cha' tya ta Ni Xtyi'i ycui' Ni tyanu ne' cresiya ji'i̱ ma̱ si jña ma̱ cha' bi' ji'i̱ Ni.

SAN LUCAS 11:13 Iomraidhean Croise

SAN MATEO 5:16

Lo'o jua'a̱ cu'ma̱ ni, si xee laca ma̱ nu culu'u tyucui̱i̱ ji'i̱ ñati̱, xcui' cha' tso'o cua'ni ma̱ cha' ña'a̱ xa' ñati̱ ña'a̱ cha' tso'o nu ndu'ni ma̱, nu laca ma̱ sñi' ycui' Ndyosi. Lo'o li' tyi'u ti' ngu' ji'i̱ ycui' Ndyosi Sti na, cua'ni tlyu ngu' ji'i̱ ycui' Ndyosi nu ntucua nde cua̱.

SAN MATEO 5:45

Li' taca tyuloo ñati̱ ji'i̱ ma̱ cha' laca ma̱ sñi' ycui' Ndyosi nu ntucua nde cua̱. Ndu'ni Ni cha' stu'ba ti tyucua cuichaa, masi ca su ndi'i̱ ñati̱ cuxi, masi ca su ndi'i̱ ñati̱ tso'o; ndu'ni Ni cha' stu'ba ti ca'ya tyo, masi ca su ndi'i̱ ñati̱ tso'o, masi ca su ndi'i̱ ñati̱ cuxi. Bi' cha' tso'o la si stu'ba ti cua'ni ma̱ lo'o lcaa ñati̱.

SAN MATEO 6:14

’Si cui'ya ma̱ cha' clyu ti' ji'i̱ ngu' nu ngua'ni cha' cuxi lo'o ma̱, li' lo'o Sti na nu ntucua nde cua̱ cui'ya Ni cha' clyu ti' ji'i̱ ma̱;

SAN MATEO 6:30

Ñi'ya̱ lo'o tso'o tsa ngüiñá ycui' Ndyosi ji'i̱ queé cua, cha' nda Ni sca lo ste' bi', masi sca ti tsa̱ talo queé bi' lo'o li' tyaqui̱ ntsu'u quiya'; la cui' jua'a̱ ta ycui' Ni late' cacu' ma̱, masi xti tsa cha' jlya ti' ma̱ ji'i̱ ycui' Ni.

SAN MATEO 6:32

Jua'a̱ nclacua ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Pana jlo ti' ycui' Ndyosi Sti na nu ntucua nde cua̱ cha' lyiji cha' bi' ji'i̱ ma̱,

SAN MATEO 7:11

Bi' cha' lacua, si jlo ti' ma̱ ñi'ya̱ ta ma̱ na tso'o ji'i̱ sñi' ma̱, masi cuxi ntsu'u cha' tyiquee ma̱, la cui' jua'a̱ caca cuayá' ti' ma̱ cha' jlo la ti' ycui' Ndyosi Sti na nu ntucua nde cua̱ ñi'ya̱ nu ta Ni na tso'o ji'i̱ ngu' nu ndijña ji'i̱ Ni.

SAN LUCAS 11:12

si jña ngu' sca xcube, ná ta ma̱ sca chuni'i̱ cacu ngu' li'.

SAN LUCAS 11:2

Li' nacui̱ Jesús ji'i̱: ―Nu lo'o chcui' ma̱ lo'o ycui' Ndyosi, ndi'ya̱ chcui' ma̱: Ndyosi Sti ya nu ntucua nde cua̱, tacati tsa cha' jinu'u̱. Ca̱a̱ nu'u̱ nde chalyuu cha' caca nu'u̱ loo ji'i̱ ya. Cua nti' ya cha' caca lcaa cha' nu nti' nu'u̱ cha' caca nde chalyuu, ñi'ya̱ nu ndyaca cha' nu nti' nu'u̱ nde cua̱.

SAN LUCAS 18:7

Pana tso'o tsa tyiquee ycui' Ndyosi, yala ti xtyucua Ni ji'i̱ ñati̱ nu cua ngusubi Ni ji'i̱, nu tya'na tsa nxi'ya ji'i̱ Ni tsa̱ lo'o talya. ¿Ha tiya' tsa xtyucua Ni ji'i̱ ngu' nti' ma̱?

SAN JUAN 4:10

Li' nguxacui̱ Jesús cha' ji'i̱ nu cuna'a̱ bi': ―¿Ha ná jlo ca ti' nu'u̱ ña'a̱ cha' tso'o nu nda ycui' Ndyosi ji'i̱ ñati̱? ―nacui̱ Jesús―. Si jlo ca ti' nu'u̱ tilaca laca nu ngüijña hitya co'o jinu'u̱, ná tyiquee' chcui' nu'u̱ lo'o na' cha' ta na' hitya co'o ycui' nu'u̱ li' ―nacui̱―, lo'o li' ta na' hitya co'o nu'u̱ nu chañi ca cha' cua'ni cu'ú cresiya jinu'u̱.

LOS HECHOS 2:38

―Tso'o si caca tyuju'u ti' ma̱ ji'i̱ cha' cuxi, lcaa cha' cuxi nu ntsu'u tyiquee ma̱ xtyanu ma̱ ji'i̱ li' ―nacui̱ Pedro ji'i̱ ngu'―. Lo'o jua'a̱ tyucuatya ngu' ji'i̱ ma̱ chacuayá' ji'i̱ Jesús li'. Cuityi̱ Ni lcaa qui'ya nu ntsu'u ji'i̱ ma̱ li', jua'a̱ ta Ni Xtyi'i ycui' Ni cha' tyanu Ni ne' cresiya ji'i̱ ma̱.

ROMANOS 5:17

Ntsu'u cha' cajaa na xqui'ya qui'ya nu ntsu'u ji'i̱ nu sca ti Adán bi', masi sca ti cha' cuxi ngua'ni yu; pana tlyu la cña ndyu'ni ycui' Ndyosi cuentya ji'na juani, nu lo'o ndyu'ni lubii Ni cresiya ji'na. Quiña'a̱ tsa cha' xlya'be ngua'ni Ni lo'o na; jua'a̱ caja chalyuu cucui ji'na juani xqui'ya Jesucristo, masi sca ti ñati̱ laca bi'.

ROMANOS 7:18

Cua jlo ti' na' cha' ná tso'o laca cha' nu ntsu'u ne' cresiya jna', cha' ñati̱ chalyuu ti laca na'; masi nti' tsa na' cua'ni na' xcui' cha' tso'o nquicha', pana ná nchca jna' tsiya' ti.

ROMANOS 8:32

Ná nda ycui' Ndyosi chacuayá' ji'i̱ Jesús cha' tya'a̱chu̱' yu ji'i̱ cña ji'i̱ Ni jua'a̱ ti, masi nu sca ti Sñi' ycui' Ni laca yu; nda Ni ji'i̱ yu cha' cajaa lo crusi cuentya ji'i̱ lcaa na lo'o tya'a na. Cua nda Ni lcaa cha' tso'o nu ji'i̱ ycui' ca Ni ji'i̱ Jesús, la cui' nu laca nu sca ti Sñi' ycui' Ni. Lo'o jua'a̱ sca ti cuayá' nu ta Ni cha' bi' ji'na, ñi'ya̱ lo'o nda Ni cha' bi' ji'i̱ Sñi' ycui' Ni.

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.