SAN LUCAS 11:10 - Chatino Tataltepec

¹⁰ Lcaa ñati̱ nu jña sca cha' ji'i̱ ycui' Ndyosi ni, caja cha' bi' ji'i̱ ngu' li'; jua'a̱ lcaa ñati̱ nu culana ji'i̱ ycui' Ni, quijeloo Ni ji'i̱ ngu' li'; la cui' jua'a̱, lcaa ñati̱ nu tyucui tyiquee chcui' lo'o Ni, taquiya' Ni ji'i̱ cha' nu chcui' ngu' lo'o Ni li'.

SAN LUCAS 11:10 Iomraidhean Croise

SAN MATEO 5:42

Lo'o jña sca ñati̱ cua ña'a̱ ca na ji'i̱ ma̱, ta ma̱ na bi' ji'i̱; jua'a̱ si jña ngu' xi cñi ji'i̱ ma̱, tso'o ti chcui' ma̱ lo'o ngu' bi' li'.

SAN MATEO 7:8

Cua ña'a̱ ca ñati̱ nu ndijña sca cha' ji'i̱ ycui' Ndyosi, caja cha' bi' ji'i̱ ngu' li'; cua ña'a̱ ca ñati̱ nu nclyana ji'i̱ ycui' Ni, quije Ni ji'i̱ ngu' li'; lo'o jua'a̱ cua ña'a̱ ca ñati̱ nu tyucui tyiquee nchcui' lo'o Ni, cuna Ni cha' nu nchcui' ngu' lo'o Ni li'.

SAN LUCAS 11:11

’Nu cu'ma̱ ñati̱ chalyuu nu ntsu'u nu sube ji'i̱ ma̱, ná nda ma̱ sca na cuxi cacu sñi' ma̱ lo'o jña ngu' na cacu ngu'. Ñi'ya̱ nti' si jña ngu' xlyá cacu ngu', ná ta ma̱ sca quee cacu ngu' li'; si jña ngu' cualya cacu ngu', ná ta ma̱ cuaña ji'i̱ ngu' li';

SAN LUCAS 11:9

Ndi'ya̱ nchcui' na' lo'o ma̱ lacua: Lo'o jña ma̱ sca cha' ji'i̱ ycui' Ndyosi, ta Ni cha' bi' ji'i̱ ma̱ li'; lo'o culana ma̱ ji'i̱ ycui' Ni, quijeloo Ni ji'i̱ ma̱ li'; lo'o tyucui tyiquee ma̱ chcui' ma̱ lo'o ycui' Ni, taquiya' Ni ji'i̱ cha' nu chcui' ma̱ lo'o Ni li'.

SAN LUCAS 18:1

Ngulu'u Jesús ji'i̱ ngu' cha' lu'ba ti chcui' ngu' lo'o ycui' Ndyosi, cha' ná ca taja ti' ngu' tsiya' ti lo'o chcui' ngu' lo'o Ni. Ndi'ya̱ ndyu'u cui̱i̱ nu nda Jesús lo'o ngu' li':

SANTIAGO 4:3

masi ndijña ma̱ sca cha' ji'i̱ ycui' Ndyosi, pana cuxi tsa tyiquee ma̱, bi' cha' ná ndyiji cha' bi' ji'i̱ ma̱ li'. Tsa nde ti cha' ntsu'u tyiquee ma̱: cua nti' ma̱ cha' caja ji'i̱ ma̱ cua ña'a̱ ca cha' nu tyaala' tyiquee ycui' ca ma̱, pana ná tso'o cha' ndyu'ni ma̱ jua'a̱;

SANTIAGO 5:11

Nacui̱ na cha' tso'o tsa ntsu'u tyiquee jyo'o bi', cha' cua ndalo tsa tyiquee ngu' lo'o nguxcube' ñati̱ ji'i̱ ngu' tyempo bi'. Cua ndyuna ma̱ ñi'ya̱ ngua cha' tyiquee' tsa ndalo jyo'o Job, nu lo'o quiña'a̱ tsa cha' cuxi ngua ji'i̱ yu. Lo'o li' su cua ndye cha', xa' ndya Ni lcaa cha' tso'o ji'i̱ yu chaca quiya'. La cui' jua'a̱, xcui' na tya'na ti' Ni ji'na, xcui' tso'o ntsu'u tyiquee Ni ña'a̱ Ni ji'na.