SAN LUCAS 10:42 - Chatino Tataltepec

⁴² Pana tya lijyi sca cha' nu tso'o cua'ni nu'u̱, sca cha' nu ndulo la; bi' laca cha' nu cua nti' María cua'ni juani. Cua ndyu'ni cho' sca cña nu tso'o la, lo'o ná ntsu'u cha' xlyaá xa' ñati̱ cña bi' ji'i̱ cho'.

SAN LUCAS 10:42 Iomraidhean Croise

SAN MARCOS 8:36

Ná tyanu cha' tso'o ji'i̱ ngu', masi ngua'ni tsa ngu' ngana nde chalyuu nquicha'; lo'o cajaa ngu', li' chcuna' lcaa chalyuu ji'i̱ ngu'.

SAN LUCAS 10:39

Lo'o jua'a̱ ntsu'u sca tya'a ngula Marta nu naa María. Hora ti ndyaca'a̱ nu María bi' cacua ti slo Jesús cha' cuna cha' nu chcui' yu;

SAN LUCAS 11:1

Ngua sca tsa̱ nga'a̱ Jesús ndyu'ni tlyu ji'i̱ ycui' Ndyosi. Lo'o ndye nchcui' yu lo'o Ni, li' nacui̱ sca ngu' nu ndyaca tsa'a̱ ji'i̱: ―Cusu' ―nacui̱―, culu'u nu'u̱ ji'i̱ ya ñi'ya̱ caca chcui' ya lo'o ycui' Ndyosi, tsa ña'a̱ nu ngulu'u jyo'o Juan ji'i̱ ngu' nu nguta'a̱ lo'o.

SAN LUCAS 12:20

Li' nchcui' ycui' Ndyosi lo'o yu: “Tonto tsa nclyacua ti' nu'u̱. Talya ndyi ti cajaa nu'u̱”, nacui̱ Ni ji'i̱ nu culiya' bi'. “¿Ti ji'i̱ tyanu lcaa cha' tso'o nu cua nguxco'o ca ti nu'u̱, cha' caja jinu'u̱ nquicha'?” nacui̱ Ni ji'i̱ nu culiya' bi'.

SAN LUCAS 12:33

Ná cube ti' ma̱, cujui' ma̱ na nu ntsu'u ji'i̱ ma̱ cha' ta ma̱ cñi ji'i̱ ngu' ti'i. Lo'o jua'a̱ nga'aa casu̱ cuiji̱ su ntsu'u cñi ji'i̱ ma̱, nga'aa tye na nu nguxco'o ma̱ ca slo ycui' Ndyosi nu ntucua nde cua̱; ca bi' nga'aa caca tyucuaana ngu' cñi bi', nga'aa caca cacu cuixu̱' ji'i̱.

SAN LUCAS 16:2

Li' ngusi'ya xu'na ji'i̱ msu nu laca loo bi', cha' xcuane ji'i̱ msu bi': “¿Ni cha' ta laca nu nchcui' ngu' lo'o na' cha' jinu'u̱?”, nacui̱ yu. “¿Ni cña ndyu'ni nu'u̱ nu cua nchcui' ngu' lo'o na'? Tya nu'u̱ cuentya jna' juani, cuacha' clya nu'u̱ cha' jna', ña'a̱ cha' nu cua ngua'ni nu'u̱. Nga'aa caca nu'u̱ loo ji'i̱ msu 'na juani.”

SAN LUCAS 16:25

Li' nacui̱ jyo'o Abraham ji'i̱: “Sñi'”, nacui̱, “tso'o tsa ngua hi̱ lo'o nguti'i̱ nu'u̱ nde chalyuu. Lo'o Lázaro re ni, si'i jua'a̱ ngua ji'i̱ yu, cha' lye tsa nchcube' yu su nguti'i̱ yu chalyuu. Bi' cha' caja su tso'o tyi'i̱ yu ca nde juani; lo'o nu'u̱ ni, nga'a̱ cha' chcube' nu'u̱.

SAN LUCAS 18:22

Nu lo'o ndyuna Jesús cha' bi', li' nacui̱: ―Chaca tya cha' tya lyiji cua'ni nu'u̱: yaa cujui' lcaa cha' tso'o nu ntsu'u jinu'u̱, cha' tyu'u cñi nu ta ji'i̱ ngu' ti'i; tyacua xi cha' tso'o jinu'u̱ nde loo la ca su ntucua ycui' Ndyosi li'. Lo'o cua ngua'ni nu'u̱ cña bi', li' taca tya'a̱ nu'u̱ lo'o na'.

SAN LUCAS 8:18

’Bi' cha' cua'a̱ tso'o jyaca̱ ma̱. Nu ñati̱ nu jlya ti' cha' nu ndyaca tsa'a̱ ngu' ji'i̱ Ni ni, tya ta la ycui' Ndyosi cha' lo'o ngu' bi'; pana ñati̱ nu ná jlya ti', nu ná nti' ca tsa'a̱ ngu', cua'ni ycui' Ni cha' ná caca ji'i̱ ngu' bi' ca tsa'a̱ ngu' cha' ji'i̱ ycui' Ni tsiya' ti.

SAN JUAN 11:1

Ndi'i̱ sca nu qui'yu nu naa Lázaro. Quicha tsa bi'. Ngu' quichi̱ Betania laca, lo'o jua'a̱ María lo'o Marta laca tya'a ngula nu qui'yu bi'.

SAN JUAN 11:19

Lo'o li' quiña'a̱ ngu' quichi̱ tonu bi' ndyaa cha' xtyucua ngu' ji'i̱ Marta lo'o ji'i̱ María cha' ngujuii tya'a ngula ngu'.

SAN JUAN 12:3

Li' ndyalaa lo'o María ji'i̱ sca lyura setye tyixi xtyi'i. Quiña'a̱ tsa nga'a̱ setye bi' ji'i̱, cha' tyucui setye ji'i̱ quixi̱' nardo laca. Li' nda'a̱ María setye bi' chu̱' quiya' Jesús, lo'o quicha̱' que ycui' María ngusube' chu̱' quiya' yu; tyucui ña'a̱ ni'i̱ ntyucua xtyi'i setye tyixi xtyi'i bi' li'.

SAN JUAN 17:3

Chalyuu nu ta na' ji'i̱ ngu' laca cha' tyuloo ngu' jinu'u̱, nu'u̱ nu laca sca ti ycui' Ndyosi nu ntucua nde cua̱; lo'o jua'a̱ tyuloo ngu' jna', cha' laca na' Jesucristo nu nda nu'u̱ lijya̱a̱.

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

SAN JUAN 5:24

’Liñi tsa cha' nu ta na' lo'o ma̱ juani: Cua ña'a̱ ca ñati̱ nu taquiya' ji'i̱ lcaa cha' nu chcui' na' lo'o ngu', lcaa ñati̱ nu jlya ti' ji'i̱ ycui' Ndyosi Sti na' nu nda jna' lijya̱a̱, bi' ngu' laca nu ná nga'a̱ cha' tye chalyuu tso'o nu ta ycui' Ndyosi ji'i̱ ngu' bi'. Ná cua'ni cuayá' Ni ji'i̱ ngu' bi', ná nscua cha' cajaa ngu' bi'; lcaa tyempo tyi'i̱ ngu' bi' lo'o ycui' Ndyosi ―nacui̱ Jesús ji'i̱ ngu'―.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

1 CORINTIOS 13:3

La cui' ti ná sca na laca na masi tacha na lcaa cha' tso'o nu ntsu'u ji'na ji'i̱ ñati̱, si ná ntsu'u tyiquee na ña'a̱ na ji'i̱ ngu' bi' li'. Ná ndu'ni cha' masi cua'ni lya' ti' ngu' ji'na, masi su'ba ngu' ji'na lo quii' cha' cajaa na xqui'ya cha' ngusñi na cha' ji'i̱ Jesús, si la cui' tyempo bi' ná ntsu'u tyiquee na ña'a̱ na ji'i̱ tya'a ñati̱ na, ná sca cha' laca na. Si'i na tso'o la na si ná ndu'ni na jua'a̱.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.