SAN LUCAS 10:40 - Chatino Tataltepec

⁴⁰ pana nu Marta bi' ni, quiña'a̱ tsa cña ntsu'u cha' cua'ni ma'. Li' nchcui' ma' lo'o Jesús: ―Cusu' ―nacui̱ Marta ji'i̱―, ¿ha ná ndube ti' nu'u̱ cha' quiña'a̱ tsa cña nguxtyanu María tya'a na' cha' cua'ni na' ycui' ti na'? Bi' cha' tso'o la si chcui' nu'u̱ lo'o cho' lacua, cha' ca̱a̱ cho' xtyucua xi cho' 'na.

SAN LUCAS 10:40 Iomraidhean Croise

SAN MATEO 14:15

Tyucui tsa̱ ndi'i̱ ngu'; lo'o cua ngusi̱i̱, li' nchcui' ngu' nu ndyaca tsa'a̱ ji'i̱ lo'o Jesús: ―Ne' quixi̱' ntsu'u na re. Ná ntsu'u ñati̱ cacua ti su ndi'i̱ na re ―nacui̱ ngu' ji'i̱ Jesús―. Lo'o jua'a̱ cua ngusi̱i̱ tsa juani. Tso'o la masi culo nu'u̱ cña ji'i̱ nu ngu' quiña'a̱ cua cha' tsaa ngu' lcaa quichi̱ ca ndacua, cha' cui'ya ngu' na cacu ngu'.

SAN MATEO 16:22

Li' ngusñi Pedro ya' Jesús cha' chcui' lo'o: ―Cua'ni tya'na ti' ycui' Ndyosi jinu'u̱, Xu'na ―nacui̱ Pedro ji'i̱―. Ná caca bi' ñi'ya̱ nu nacui̱ nu'u̱.

SAN MARCOS 3:21

Lo'o ndyuna tya'a Jesús cha' bi', ngulacua tsa ti' ngu' li'. Hora ti ndu'u ngu' lijya̱ ngu' slo Jesús, xqui'ya cha' ntsu'u ñati̱ nu nacui̱ cha' cua ngua loco yu.

SAN LUCAS 10:38

Ngusñi Jesús tyucui̱i̱, ndyaa yu lo'o ngu' tya'a ndya'a̱ yu. Lo'o li' ndyalaa ngu' sca quichi̱ piti ti su ndi'i̱ sca nu cuna'a̱ nu naa Marta. Tso'o tsa ntsu'u tyiquee Marta cha' ndyalaa Jesús slo, cha' nti' tsa ma' cuna ma' lcaa ña'a̱ cha' nu nda yu.

SAN LUCAS 10:41

Li' nguxacui̱ Jesús cha' ji'i̱ Marta: ―Marta, Marta, ntsu'u tsa cña jinu'u̱ ―nacui̱ Jesús―. Quiña'a̱ tsa nclyacua ti' nu'u̱ xqui'ya lcaa cña sube nu ntsu'u jinu'u̱.

SAN LUCAS 12:29

Bi' cha' juani, nga'aa quiña'a̱ tsa cha' culacua ti' ma̱: “¿Na ca cacu na juani? ¿Na ca co'o na juani?” Si'i na xcui' tya'a̱ lube ma̱ tsaana ma̱ ji'i̱ cha' bi',

SAN LUCAS 9:55

Li' ña'a̱ tsa Jesús ji'i̱ ngu' bi', nchcui' yu lo'o ngu' bi' li': ―Ná nda ma̱ cuentya tsiya' ti ñi'ya̱ ndyu'u cha' nu nchcui' ma̱ ―nacui̱ Jesús―, si'i Xtyi'i ycui' Ndyosi laca nu ngulu'u ji'i̱ ma̱ cha' chcui' ma̱ cha' cuxi jua'a̱; nu xña'a̱ laca nu ngulu'u ji'i̱ ma̱ cha' chcui' ma̱ jua'a̱.

SAN JUAN 11:1

Ndi'i̱ sca nu qui'yu nu naa Lázaro. Quicha tsa bi'. Ngu' quichi̱ Betania laca, lo'o jua'a̱ María lo'o Marta laca tya'a ngula nu qui'yu bi'.

SAN JUAN 11:5

Lo'o ndyuna Jesús cha' quicha Lázaro, li' tya ndyanu Jesús tya tyucuaa tsa̱ su ndi'i̱ bi', masi ntsu'u tsa tyiquee yu ña'a̱ yu ji'i̱ ca ta'a sna ngu' bi', ji'i̱ Marta, lo'o ji'i̱ nu chaca cho' tya'a Marta, lo'o ji'i̱ ycui' Lázaro.

SAN JUAN 12:2

Li' nda ngu' sca si̱i̱ ji'i̱ Jesús, cha' tso'o tsa nti' ngu' cha' ndyalaa yu slo ngu'. Nda Marta na ndyacu ngu' li', lo'o jua'a̱ stu'ba ti ntucua Lázaro lo'o ngu' su ndyacu ngu' si̱i̱ lo'o Jesús.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.