SAN LUCAS 10:25 - Chatino Tataltepec

²⁵ Li' ndatu̱ sca mstru cha' jo'ó cha' chcui' cuayá' yu lo'o Jesús. Lo'o li' nchcuane yu ji'i̱ Jesús: ―Mstru ―nacui̱―, ¿ñi'ya̱ cua'ni na' cha' caja chalyuu nu ná nga'a̱ cha' tye tsiya' ti jna'?

SAN LUCAS 10:25 Iomraidhean Croise

SAN MARCOS 10:17

Tya ndyaa la Jesús tyucui̱i̱ bi', lo'o li' nxna sca nu qui'yu lijya̱ lca'a̱ ji'i̱ Jesús. Ndyatu̱ sti̱' slo Jesús li'. ―Mstru, tso'o tsa ndu'ni nu'u̱ ―nacui̱ ji'i̱ Jesús―. Cacha' nu'u̱ jna', ¿na laca cua'ni na' cha' caja chalyuu nu ná nga'a̱ cha' tye 'na? ―nacui̱ yu.

SAN MARCOS 10:3

Li' nguxtyacui Jesús cha' lo'o ngu' bi': ―¿Ni cña ngulo jyo'o Moisés ji'i̱ ma̱ cua sa'ni la lacua? ―nacui̱ Jesús ji'i̱ ngu'.

SAN MARCOS 12:28

Ndu̱ sca mstru cha' jo'ó slo Jesús li'. Ndyuna mstru bi' ñi'ya̱ nu nguxacui̱ ngu' cha' ji'i̱ Jesús, ñi'ya̱ ngua cha' tso'o tsa nchcui' Jesús lo'o ngu'. Lo'o li' nchcuane mstru bi' sca cha' ji'i̱ Jesús: ―Ca ta'a cña nu ngulo ycui' Ndyosi ji'na cha' cua'ni na ni, ¿ñi'ya̱ cña laca nu ndulo la cha' cua'ni na ji'i̱? ―nacui̱ ji'i̱ Jesús.

SAN LUCAS 10:24

Chañi cha' nu nchcui' na' lo'o ma̱ re, cha' quiña'a̱ tsa ngu' nu ngua tu'ba ji'i̱ ycui' Ndyosi sa'ni la, lo'o jua'a̱ quiña'a̱ rey nu ngua loo sa'ni la, cua ntajatya tsa ngu' bi' ji'i̱ cha' tlyu nu cua na'a̱ ma̱ juani, cha' ña'a̱ ngu' ji'i̱ nquicha'; cua ntajatya tsa ngu' bi' ji'i̱ cha' nu nduna ma̱ juani, cha' ngua ti' ngu' cuna ngu' nquicha'. Pana ngujuii ngu' li', lo'o bilya ña'a̱ ngu' cha' bi', bilya cuna ngu' cha' bi' tsiya' ti ―nacui̱ Jesús ji'i̱ ngu' nu ndyaca tsa'a̱ ji'i̱.

SAN LUCAS 10:26

Li' nguxtyacui Jesús cha' lo'o yu: ―¿Ni cña ngulo ycui' Ndyosi ji'na nu nscua lo quityi nu ngua sa'ni? ¿Ñi'ya̱ ndyu'u ta cha' bi' nti' nu'u̱?

SAN LUCAS 18:18

Ndacua ndu̱ sca ñati̱ tlyu nu laca loo ji'i̱ ngu' judío. Li' nchcuane yu bi' ji'i̱ Jesús: ―Mstru, tso'o tsa ndu'ni nu'u̱ ―nacui̱―. ¿Ñi'ya̱ cua'ni na' cha' caja chalyuu nu ná nga'a̱ cha' tye 'na? ―nacui̱ nu qui'yu bi'.

SAN LUCAS 7:30

Pana nu ngu' fariseo lo'o ngu' mstru cha' jo'ó nu ná ntaja'a̱ cha' tyucuatya Juan ji'i̱ ngu' nu ngua li', ná ngua'ni ngu' cuentya ji'i̱ cña nu ndyu'ni ycui' Ndyosi cha' nguxtyucua Ni ji'i̱ ñati̱. Li' xa' nchcui' Jesús lo'o ngu':

SAN JUAN 8:6

Na nchcui' cuayá' ti ngu' bi' lo'o Jesús, cha' cua nti' ngu' caja cha' ji'i̱ ngu' ñi'ya̱ caca sta ngu' qui'ya ji'i̱ Jesús. Bi' cha' ñi'ya̱ nu nga'a̱ ti yu ndati'i̱chu̱' yu xi, nguscua lo'o sne ya' ti yu lo yuu.

GÁLATAS 3:18

Si ntsu'u cha' taquiya' na ji'i̱ lcaa cña nu ngulo Moisés ji'na, cha' jua'a̱ clyaá na ji'i̱ nu cuxi, li' nga'aa nti' cha' jlya ti' na cha' nu cua ngüiñi ji'i̱ ycui' Ndyosi lo'o na cha' cua'ni lyaá Ni ji'na. Pana cha' liñi laca cha' cua ngüiñi cha' ji'i̱ ycui' Ni lo'o Abraham, cha' cua'ni Ni sca cha' xlya'be lo'o na nu lo'o cua'ni lyaá Ni ji'na.