SAN LUCAS 10:22 - Chatino Tataltepec

²² Li' nchcui' yu lo'o ngu' nu ndyaa cuentya ji'i̱ yu bi': ―Cua nda Sti na' lcaa na jna'. Ná tucui jlo ti' cha' laca na' Sñi' ycui' Ni; sca ti ycui' Sti na', bi' nu jlo ti'. Ná tucui jlo ti' tilaca laca ycui' Sti na'; sca ti na', jlo ti' na' tilaca laca Ni. Lo'o jua'a̱ ca jlo ti' xi xa' la ñati̱ nu nti' na' cha' culu'u na' ji'i̱ ngu' tilaca laca ycui' Sti na', ca cuayá' ti' ngu' bi' li'.

SAN LUCAS 10:22 Iomraidhean Croise

SAN MATEO 11:25

Lo'o li' nchcui' Jesús lo'o ycui' Ndyosi Sti yu: ―Cua'ni tlyu na' jinu'u̱, Sti na'; la cui' nu'u̱ laca Xu'na ya, masi nde cua̱, masi nde chalyuu ―nacui̱ Jesús ji'i̱ ycui' Ndyosi―. Tsa xlya'be hi̱ cha' cua ngua'ni nu'u̱ cha' ngua cuayá' ti' ñati̱ nu ná jlo tso'o ti' nquicha'; pana xa' ñati̱ ñi'ya̱ nti' ngu' tii, ná nchca cuayá' ti' ngu' bi' cha' jinu'u̱. Masi ngu' nu nchca tsa ji'i̱, masi ngu' nu jlo tsa ti' lcaa cha' jinu'u̱ nti' ngu', pana ná nchca cuayá' ti' ngu' bi'.

SAN MATEO 11:27

Lo'o li' tya ngulu'u la Jesús xi ji'i̱ ngu': ―Lcaa chacuaya' ji'i̱ Sti na' ndyanu ya' na'. Ni sca ñati̱ ná jlo ti' ñi'ya̱ laca cha' nu ntsu'u ne' cresiya 'na nu laca̱ Sñi' ycui' Ni; sca ti ycui' Ndyosi Sti na' jlo ti' ñi'ya̱ laca cha' nu ntsu'u ne' cresiya 'na. Lo'o jua'a̱, ni sca ñati̱ ná jlo ti' ñi'ya̱ laca cha' nu ntsu'u ne' cresiya ji'i̱ Sti na'; sca ti na' nu laca̱ Sñi' ycui' Ni jlo ti' na', lo'o jua'a̱ culu'u na' cha' bi' ji'i̱ ñati̱ nu subi na' ji'i̱ cha' ca tsa'a̱ ngu' 'na.

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN JUAN 1:18

Ni sca ñati̱ ná na'a̱ ngu' ji'i̱ ycui' Ndyosi; sca ti Jesús nu ngulu'u ji'na ñati̱ chalyuu na ñi'ya̱ laca ycui' Ndyosi. Lo'o nu Jesús bi' ni, laca yu nu sca ti Sñi' ycui' Ndyosi, nu tyaca'a tsa ji'i̱ Ni.

SAN JUAN 10:15

Ñi'ya̱ nslo Sti na' jna', jua'a̱ nslo na' ji'i̱ Sti na'; ñi'ya̱ ntsu'u cha' ji'i̱ Sti na' lo'o na', jua'a̱ ntsu'u cha' jna' lo'o ñati̱ jna'. Ycui' ca na' tyaja'a̱ na' caja̱a̱ cha' ná tye cresiya ji'i̱ ñati̱ 'na ―nacui̱ Jesús ji'i̱ ngu'―.

SAN JUAN 13:3

Jlo ti' Jesús cha' lcaa cha' nu ntsu'u ji'i̱ ycui' Ndyosi Sti yu cua nda Ni ji'i̱ yu. Lo'o jua'a̱ jlo ti' yu cha' cua ngutu'u yu ca slo ycui' Ndyosi ya̱a̱ yu chalyuu, cha' cua tyaa ti yu ca slo ycui' Ndyosi chaca quiya'. Masi jlo ti' Jesús cha' bi',

SAN JUAN 17:10

Lcaa ngu' nu ngusñi cha' 'na, laca ngu' bi' ñati̱ jinu'u̱ ―nacui̱―. La cui' ti cha', ñati̱ jna' laca ngu', xqui'ya cha' laca ngu' ñati̱ ji'i̱ ycui' nu'u̱. Lo'o ña'a̱ xa' ñati̱ chalyuu ji'i̱ ngu' bi', hora ti caca cuayá' ti' ngu' cha' tlyu tsa cha' tso'o ntsu'u jna'.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN JUAN 17:26

Cua ngulu'u na' ji'i̱ ngu' bi' lcaa cha' nu nda nu'u̱ jna', lo'o jua'a̱ tya cua'ni la na' cha' ca cuayá' tso'o ti' ngu' bi' tilaca laca nu'u̱. Bi' cha' taca caca tso'o tyiquee ngu' ña'a̱ ngu' ji'i̱ tya'a ñati̱ ngu', ñi'ya̱ ntsu'u tsa tyiquee nu'u̱ ña'a̱ nu'u̱ 'na, lo'o li' tyanu Xtyi'i ycui' na' ne' cresiya ji'i̱ ngu'.

SAN JUAN 17:5

Sti na' laca nu'u̱, bi' cha' cua'ni nu'u̱ cha' caca tlyu la na', ñi'ya̱ ngua nu lo'o nguti'i̱ na' lo'o nu'u̱ tya clyo lo'o tya lyiji xana chalyuu. Cua'ni nu'u̱ cha' caca tlyu na', la cui' ñi'ya̱ laca tlyu nu'u̱ ca su ntucua nu'u̱.

SAN JUAN 3:35

Ntsu'u tsa tyiquee ycui' Ndyosi Sti yu ña'a̱ Ni ji'i̱ Sñi' Ni, la cui' Jesús bi'; lo'o jua'a̱ lcaa chacuayá' nu ntsu'u ji'i̱ ycui' Ni, la cui' ti cua nda Ni ji'i̱ Sñi' Ni lijya̱.

1 CORINTIOS 15:24

li' tye chalyuu. Cua'ni tye Cristo ji'i̱ lcaa nu laca loo, ji'i̱ lcaa ngu' tisiya, ji'i̱ lcua ti ña'a̱ ñati̱ nu nxu̱u̱ tya'a lo'o ycui' Ndyosi. Li' chaca quiya' tya Jesús lcaa chacuayá' nu cua nda ycui' Ndyosi ji'i̱ tya clyo, cha' caca Ni loo ji'i̱ lcua ti lo ñati̱ li'.

2 CORINTIOS 4:6

La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.

EFESIOS 1:21

Ca bi' laca Cristo loo la ji'i̱ lcaa ñati̱; nga'aa ntsu'u nu tlyu la que Cristo ca bi', nga'aa ntsu'u nu culo cña ji'i̱ yu. Ná ntsu'u chaca xu'na ñati̱ nde chalyuu nu taca tyiji̱loo ji'i̱ Cristo; la cui' ti ca chaca chalyuu ca nde cua̱ ni, ná ntsu'u cui'i̱ cuxi, ni ná ntsu'u ñati̱ cuentya ji'i̱ ycui' Ndyosi nu taca tyiji̱loo ji'i̱ Cristo.

HEBREOS 2:8

Lo'o jua'a̱ cua nda nu'u̱ chacuayá' cha' caca yu loo ji'i̱ lcaa na. Jua'a̱ nacui̱ quityi bi'. Cuentya ji'i̱ lcaa ca na tsiya' ti nchcui' quityi bi', nu lo'o nacui̱ quityi cha' cua nda Ni chacuayá' cha' caca yu loo ji'i̱ lcaa na, masi juani ti bilya ña'a̱ na cha' laca yu loo ji'i̱ lcaa na bi'.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.

2 JUAN 1:9

Lcaa ñati̱ nu tyatí̱ yu'u lo'o xa' la cha', ná ntsu'u cha' ji'i̱ ngu' bi' lo'o ycui' Ndyosi tsiya' ti, cha' ná cuayá' cha' ji'na lo'o jlya ti' na ji'i̱ Cristo, nti' ngu' bi'; pana lo'o cua ngusñi na cha' ji'i̱ Cristo ca ne' cresiya ji'na, li' stu'ba ntsu'u cha' ji'na lo'o ycui' Ndyosi, jua'a̱ lo'o ycui' nu sca ti Sñi' ycui' Ni.