SAN LUCAS 10:21 - Chatino Tataltepec

²¹ Sca hora bi' tso'o tsa ntsu'u tyiquee Jesús xqui'ya cha' ndi'i̱ Xtyi'i ycui' Ndyosi lo'o yu. Bi' cha' nchcui' Jesús lo'o ycui' Ndyosi Sti yu li': ―Sti na', cua'ni chi̱ na' loo ycui' nu'u̱ juani. Nu'u̱ laca ycui' Ni nu laca loo nde cua̱, jua'a̱ laca nu'u̱ loo nde lo yuu. Cua ngutu'u yacu̱' ti cha' bi' cuentya ji'i̱ ñati̱ nu ngua tya sa'ni la, cha' ná ca cuayá' ti' ngu' cha' bi' tsiya' ti, masi nchca tsa ji'i̱ ngu'; pana tsa xlya'be hi̱ cha' cua ngulu'u tso'o nu'u̱ cha' bi' ji'i̱ ñati̱ jua'a̱ ti juani, masi ná jlo tso'o ti' ñati̱ bi'. Ndyu'ni tlyu na' jinu'u̱ cha' jua'a̱ ngua ti' ycui' nu'u̱ cha' caca ―nacui̱ Jesús ji'i̱ ycui' Ndyosi.

SAN LUCAS 10:21 Iomraidhean Croise

SAN MATEO 16:17

―Tso'o ntsu'u tyiquee nu'u̱ Simón, sñi' Jonás ―nacui̱ Jesús ji'i̱ li'―. Si'i ñati̱ chalyuu ti nu ngulu'u cha' bi' jinu'u̱; pana ycui' Ndyosi Sti na' nu ntucua nde cua̱, nda Ni cha' bi' nu ngua'ya hique nu'u̱.

SAN MATEO 21:16

Hora ti nchcui' ngu' bi' lo'o Jesús: ―¿Ha ná ndyuna nu'u̱ cha' cuiñi nu nchcui' nu sube re cuentya jinu'u̱? ―nacui̱ ngu' bi' ji'i̱ Jesús. ―Cua ndyuna na' ―nacui̱ Jesús li'―. Si'i cha' cuiñi laca cha' nu nchcui' nu sube re. ¿Ha bilya chcui' ma̱ lo quityi nu nscua sca cha' ndi'ya̱?: Ndula tu'ba cubi', ndula tu'ba nu sube cuañi'; chañi cha' ndu'ni tlyu ngu' bi' ji'i̱ ycui' Ndyosi.

SAN MATEO 3:7

Lo'o ngua sca tsa̱ na'a̱ Juan ji'i̱ tyu̱u̱ tya'a ngu' fariseo lo'o ngu' saduceo; tacati tsa ndu'ni ycui' ngu' ngua ti' ngu', lye tsa ndu'ni tyucuaa ti' ngu' ji'i̱ tya'a ngu'. Lo'o xi ngu' bi' lijya̱ ngu' cha' tyucuatya Juan ji'i̱ ngu', pana ná ndiya ti' Juan jua'a̱. ―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan ji'i̱ ngu' bi'―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' ca ñasi̱' tsa ycui' Ndyosi lo'o xcube' Ni ji'i̱ ma̱ nu lo'o tye chalyuu? ―nacui̱ yu―.

SAN MARCOS 10:15

Chañi cha' nu nchcui' na' ―nacui̱―, cha' ná caca tyatí̱ ngu' cha' ji'i̱ ycui' Ndyosi cha' caca Ni loo ne' cresiya ji'i̱ ngu', si ná tyucui ti' tyiquee ngu' ñi'ya̱ nu ntsu'u tyiquee sca nu sube.

SAN LUCAS 15:5

Nu lo'o cua nquije xlya' bi' ji'i̱ ma̱, tso'o tsa caca tyiquee ma̱ li'. Hora ti sta ma̱ ji'i̱ ni' tyijya̱ scu̱ ma̱,

SAN LUCAS 15:9

Lo'o cua nquije cñi bi' ji'i̱, li' xuti'i̱ nu cuna'a̱ bi' ji'i̱ lcaa tya'a tso'o lo'o ji'i̱ lcaa tya'a nga'a̱ cacua ti, cha' cacha' ji'i̱ ngu' ndi'ya̱: “Ca chaa ti' ma̱ lo'o na' juani, cha' cua nquije cñi nu nguna' bi' jna'”.

SAN JUAN 11:41

Li' ngulotsu' ngu' quee nu ndyacu̱' tu'ba tyuquee bi'. Li' nguxña'a̱ Jesús nde cua̱. ―Sti na' ―nacui̱ Jesús li'―, tsa xlya'be hi̱ cha' cua ndyuna nu'u̱ cha' nu nchcui' na' lo'o nu'u̱.

2 CORINTIOS 4:3

Lo'o li' si ntsu'u ñati̱ nu ñacui̱ cha' tucui tsa ndyu'u cha' tso'o ji'i̱ Jesús nu nchcui' ya lo'o ngu', liñi la ñacui̱ na li' cha' ñati̱ bi' laca nu nguna' ndu'ni, bi' cha' ná nchca cua'a̱ jyaca̱ ñati̱ bi' ji'i̱ cha' bi'.

EFESIOS 1:11

Lcaa cha' nu ndyaca nde chalyuu, ndyaca bi' xqui'ya cha' nti' Ni cha' caca jua'a̱. Lo'o jua'a̱ na ni, tya clyo cua ngusubi Ni ji'na cha' caca na ñati̱ ji'i̱ Ni, cha' caca stu'ba cha' ji'na lo'o Cristo, xqui'ya cha' jua'a̱ nti' ycui' Ndyosi cha' caca.

EFESIOS 1:5

Ntsu'u tsa tyiquee ycui' Ndyosi ña'a̱ Ni ji'na, bi' cha' tya li', ngua ti' Ni cha' tyatí̱ cha' ji'na lo'o Ni, ñi'ya̱ si laca na sñi' Ni xqui'ya Jesucristo.