SAN LUCAS 10:14 - Chatino Tataltepec

¹⁴ Liñi cacha' na' ji'i̱ ma̱ cha' caca tso'o la ji'i̱ ngu' jyo'o quichi̱ Tiro, lo'o ji'i̱ ngu' jyo'o quichi̱ Sidón, nu lo'o tyalaa tsa̱ tlyu lo'o cua'ni cuayá' ycui' Ndyosi ji'i̱ ñati̱ chalyuu; lye la xcube' Ni ji'i̱ cu'ma̱ li', cha' ná nduna ma̱ tsiya' ti.

SAN LUCAS 10:14 Iomraidhean Croise

SAN MATEO 10:15

Cha' liñi nchcui' na' lo'o ma̱, cha' nu lo'o tyalaa tsa̱ nu cua'ni cuayá' ycui' Ndyosi ji'i̱ lcaa ñati̱, li' xcube' tsa Ni ji'i̱ ngu' quichi̱ su ná ntaja'a̱ ngu' cuna ngu' cha' nu culu'u ma̱ ji'i̱ ngu'; tsa̱ bi' ca tso'o la cha' ji'i̱ ngu' cuxi nu nguti'i̱ quichi̱ Sodoma, nu nguti'i̱ quichi̱ Gomorra nu ngua sa'ni.

SAN MATEO 11:21

―¡Tya'na tsa cu'ma̱ ngu' quichi̱ Corazín! ―nacui̱ Jesús―. ¡Tya'na tsa cu'ma̱ ngu' quichi̱ Betsaida! ―nacui̱―. Cua quiña'a̱ tsa cha' tlyu nu cua na'a̱ cu'ma̱, pana ná nguju'u ti' ma̱ tsiya' ti ji'i̱ cha' cuxi nu ndyu'ni ma̱, ná nguxtyanu ma̱ cha' bi'. La cui' jua'a̱ tya sa'ni la xña'a̱ tsa ngu' quichi̱ Tiro lo'o ngu' quichi̱ Sidón, ngu' xa' tsu' ngua ngu' bi'. Pana ná ngujui ñi'ya̱ caca tyuju'u ti' ngu' bi' ji'i̱ cha' cuxi nu ngua'ni ngu', ná ngulochu̱' ngu' ji'i̱ cha' cuxi bi', cha' bilya ña'a̱ ngu' bi' cha' tlyu ñi'ya̱ nu ña'a̱ cu'ma̱ ngu' Israel; bi' cha' ná ngua xñi'i̱ ti' ngu' bi'. Ná ndyacu' ngu' late' ngata, ni ná ngusu'ba ngu' jii hique ngu' ñi'ya̱ nu ndu'ni ngu' su nscua jyo'o.

SAN JUAN 3:19

Na cua nda ycui' Ndyosi xee lijya̱ lo yuu, pana ná ntaja'a̱ ñati̱ chalyuu tyi'i̱ su xee bi'. Ntsu'u tsa ngu' nu ndiya la ti' tyi'i̱ ngu' su talya ña'a̱, cha' xña'a̱ tsa ngu' bi'; bi' cha' ntsu'u qui'ya nu ngusta Ni ji'i̱ ngu' bi'.

ROMANOS 2:1

Lo'o cu'ma̱ ni, nchcui' tsa ma̱ ji'i̱ sca cha' cuxi nu ndyu'ni ñati̱; pana ná caja ñi'ya̱ nu cua'ni clyu ti' Ni ji'i̱ ycui' ma̱, nu lo'o nclyotu̱ ma̱ qui'ya nu ntsu'u ji'i̱ xa' ñati̱, lo'o jua'a̱ ycui' ca ma̱ ntsu'u qui'ya bi' ji'i̱ ma̱. Ñi'ya̱ ndu'ni cuayá' bese ji'i̱ ñati̱ cuxi, jua'a̱ ndu'ni ma̱, nu lo'o nchcui' ma̱ jua'a̱ ji'i̱ ñati̱; pana stu'ba ntsu'u qui'ya ji'i̱ ma̱ lo'o nu ñati̱ cuxi bi'.

ROMANOS 2:27

Chañi cha' ná ngua'a̱ cuayá' lo quiji̱ ngu' bi' jua'a̱; ná ntsu'u cha' bi' ji'i̱ ngu', cha' ngu' xa' tsu' laca ngu'. Pana si ndu'ni ngu' bi' lcaa cña nu nti' Ni cha' cua'ni ngu', ta ngu' cha' tyuju'u ti' ji'i̱ cu'ma̱ ngu' judío, cha' ná ndaquiya' ma̱ ji'i̱ cha' bi', masi cua ndyuna ma̱ cha' liñi ji'i̱ ycui' Ndyosi, masi cua ngua'a̱ cuayá' lo quiji̱ ma̱.