SAN LUCAS 10:1 - Chatino Tataltepec

¹ Nu lo'o cua nteje tacui cha' bi', li' ngusubi Jesús chaca snayala tyii tya'a ngu' cha' tsaa ngu' nde loo ji'i̱ yu; cuentya tucua tya'a ti ngu' tsaa ngu' lcaa se'i̱ lo'o lcaa quichi̱ su nga'a̱ cha' tsaa yu nti' yu.

SAN LUCAS 10:1 Iomraidhean Croise

SAN LUCAS 1:17

La cui' xtyi'i nu nguti'i̱ ne' cresiya ji'i̱ jyo'o Elías nu ndyaa lo'o ycui' Ndyosi ji'i̱ tya sa'ni la, la cui' xtyi'i bi' caja ji'i̱ Juan juani. Ca nde loo la ca̱a̱ Juan chcui' lo'o ñati̱, cha' tyaala' tyiquee ñati̱, cha' nga'aa xu̱u̱ tya'a ngu' lo'o sñi' ngu'. Li' taca cha'a̱ lcaa cha' nu ntsu'u tyiquee ngu', cha' taquiya' ngu' ji'i̱ lcaa cha' nu liñi. Jua'a̱ chcui' Juan lo'o ngu' cha' cua'ni cho'o ngu' tyiquee ngu', cha' tyaja'a̱ ngu' xñi ngu' cha' ji'i̱ ycui' Ndyosi. Li' ca̱a̱ ycui' Cristo.

SAN LUCAS 1:76

Lo'o nu'u̱ juani, sñi', nacui̱ yu ji'i̱ nu piti Juan, chcui' ngu' cha' nu'u̱ laca nu ta cui̱i̱ lo'o ñati̱ cuentya ji'i̱ ycui' Ndyosi nu laca loo. Tya'a̱ nu'u̱ ca nde loo la ji'i̱ ycui' nu Xu'na na, cha' quiñi tso'o tyucui̱i̱ su ca̱a̱ ycui'.

SAN LUCAS 7:13

Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.

SAN LUCAS 7:19

Li' ngusi'ya Juan ji'i̱ tucua tya'a ngu' tya'a ndya'a̱ yu bi'. Ngulo yu cña ji'i̱ ngu' cha' tsaa ngu', tsaa xcuane ngu' ji'i̱ Jesús si chañi cha' ycui' yu laca yu Cristo, nu ñati̱ tlyu nu cua ca̱a̱ ti; si tya ntsu'u cha' jatya la xi ngu' ña'a̱ cuayá' nu ca̱a̱ chaca ñati̱ nu cua tlyu la.

SAN LUCAS 9:52

Nda yu ji'i̱ nu ngu' nu ndyaca tsa'a̱ ji'i̱ yu cha' tsaa ngu' tyucui̱i̱ nde loo la, cha' chcui' ngu' lo'o ngu' quichi̱ sube ti su tyeje tacui yu lo'o ngu'. Li' ndyaa ngu' bi' sca quichi̱ sube ti, sca quichi̱ tyi ngu' Samaria; ngulana ngu' su tyi'i̱ ngu' li'.