SAN LUCAS 1:6 - Chatino Tataltepec

⁶ Liñi tsa ndu'ni tyucuaa ngu' bi' cuentya ji'i̱ ycui' Ndyosi, ndaquiya' ngu' lcaa cña ji'i̱ ycui' Ni; ndaquiya' tsa ngu' lcaa cha' nu cua nda Ni lo'o ñati̱ cua sa'ni la, jua'a̱ ná tucui nchcui' cha' cuxi ji'i̱ ngu' bi'.

SAN LUCAS 1:6 Iomraidhean Croise

SAN LUCAS 1:7

Pana ná ntsu'u ni sca sñi' ngu'. Ná ndyiji sñi' Elisabet, lo'o jua'a̱ ngusu' tsa juani.

SAN LUCAS 16:15

Li' nguxtyacui Jesús cha' lo'o ngu' bi': ―Cu'ma̱ ―nacui̱ yu―, tso'o tsa ndu'ni ma̱ cha' ña'a̱ ti xa' ñati̱ ji'i̱ ma̱, pana cua jlo ti' ycui' Ndyosi lcaa ña'a̱ cha' nu ntsu'u tyiquee ma̱. Ñati̱ nu tlyu tsa ndu'ni ji'i̱ ycui' ca ngu', xtyanu ti'i̱ ycui' Ndyosi ji'i̱ ngu' bi'.

SAN LUCAS 2:25

Tyempo bi' nde quichi̱ Jerusalén ndi'i̱ sca nu cusu' nu naa Simeón; ñati̱ tso'o laca yu, nu ndaquiya' tsa cña ji'i̱ ycui' Ndyosi, nu ndalo tsa tyiquee nchcui' lo'o ycui' Ndyosi. Ntajatya tsa yu ji'i̱ sca ñati̱ tlyu nu ta ycui' Ndyosi ji'i̱ cha' ca̱a̱ nde chalyuu, bi' laca Cristo nu ca̱a̱ cha' cua'ni lyaá ji'i̱ ngu' Israel ji'i̱ nu cuxi. Lo'o jua'a̱ cua ndi'i̱ Xtyi'i ycui' Ndyosi lo'o nu Simeón bi';

LOS HECHOS 2:25

Cua ntsu'u chaca cha' nu nguscua jyo'o cusu' David sa'ni la nu nchcui' cuentya ji'i̱ Jesús ndi'ya̱: Xu'na, nacui̱ yu, xcui' ndya'a̱ nu'u̱ lo'o na'; cacua tsa nga'a̱ nu'u̱ slo na', cha' caca tlyu tyiquee na' lo'o nxtyucua nu'u̱ jna';

LOS HECHOS 23:1

Cua ndyu'u ti'i̱ lcaa ngu' cusu' bi'. Li' ña'a̱ tsa Pablo ji'i̱ ngu' cusu' nu cua'ni cuayá' ji'i̱ yu. ―Cu'ma̱ ngu' cusu' tya'a na' ―nacui̱ Pablo ji'i̱ ngu' li'―, lcaa tsa̱ tso'o ndi'i̱ na'. Lubii cresiya jna' cuentya ji'i̱ ycui' Ndyosi.

LOS HECHOS 24:16

bi' cha' nti' na' cua'ni na' xcui' cha' tso'o laja lo'o ndi'i̱ na' chalyuu, cha' ná caja ñi'ya̱ nu cutsi̱i̱ na' ca slo ycui' Ndyosi, lo'o jua'a̱ ná cutsi̱i̱ na' slo ñati̱ ti li'.

LOS HECHOS 8:21

Ná ntsu'u cha' jinu'u̱ lo'o ycui' Ndyosi tsiya' ti, bi' cha' ná ta Ni chacuayá' jinu'u̱ cha' cua'ni nu'u̱ cña lo'o ya.

ROMANOS 8:4

Lo'o nu juani taca cua'ni na cña nu ngulo Ni ji'na, la cui' cña laca nu nchcui' cha' cusu' bi' cha' cua'ni na; taca cua'ni na ji'i̱ juani, xqui'ya cha' nga'aa caca cojolaqui nu cuxi nu ntsu'u chalyuu ji'na, cha' Xtyi'i ycui' Ndyosi laca loo ji'na lo'o ndi'i̱ na chalyuu juani.

1 CORINTIOS 11:2

Cu'ma̱ tya'a ngusñi na cha' ji'i̱ Cristo, tso'o tsa ntsu'u tyiquee na' ña'a̱a̱ ji'i̱ ma̱, cha' xcui' ndyi'u ti' ma̱ 'na, lo'o jua'a̱ ndu'ni ma̱ lcaa lo cha' nu ngulu'u na' ji'i̱ ma̱.

2 CORINTIOS 1:12

Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.

FILIPENSES 2:15

cha' ná caca ñacui̱ ngu' cha' ntsu'u qui'ya ji'i̱ ma̱ li', lo'o jua'a̱ ná caja su lyiji cua'ni ma̱ sca cha' li'. Tso'o la si caca cuayá' ti' ngu' cha' chañi cha' laca ma̱ sñi' ycui' Ndyosi tyucui tyiquee ma̱, masi xcui' ndi'i̱ ti ma̱ chalyuu laja ñati̱ cuxi, laja ñati̱ nu chi̱i̱ nti' ngu' ña'a̱ ji'i̱ tya'a ngu'. Xqui'ya cu'ma̱ nga'a̱ cha' cañi cha' ji'i̱ Jesús lcaa su ndi'i̱ ñati̱ bi'; ñi'ya̱ nu ntyiji'i̱ xee cuii nde talya, jua'a̱ caca ma̱ xee nde chalyuu,

COLOSENSES 1:22

xqui'ya cha' tyucui ña'a̱ ycui' Cristo Sñi' Ni, nchcube' tsa yu lo'o ndyujuii ngu' ji'i̱ lo crusi. Jua'a̱ ngua'ni Ni tya li' cha' taca caca ma̱ ñati̱ ji'i̱ ycui' Ni, ñati̱ nu nga'aa ntsu'u yabe' hichu̱' ma̱ tsiya' ti, cha' nga'aa caca sta ngu' qui'ya ji'i̱ ma̱ lo'o Ni, nu lo'o ca̱a̱ Ni ca̱qui'ya Ni ji'na cha' tsalo'o Ni ji'na ca su ntucua Ni.

1 TESALONICENSES 3:13

ndijña ya cha' cua'ni Ni cha' caca lubii cresiya ji'i̱ ma̱, cha' tyanu tso'o cha' ji'i̱ ycui' Ndyosi ne' cresiya ji'i̱ ma̱. Li' nga'aa ntsu'u cha' sta ycui' Ndyosi Sti na qui'ya ji'i̱ ma̱ tsa̱ bi', nu lo'o ca̱a̱ Jesús nu Xu'na na nde chalyuu chaca quiya'. Ca̱a̱ ycui' nu Xu'na na lo'o lcaa ñati̱ ji'i̱ Ni tsa̱ bi'.

2 PEDRO 3:14

Cu'ma̱ tya'a tso'o na, na ndu̱ ti' ma̱ ji'i̱ cha' bi', bi' cha' ntsu'u cha' cua'ni ma̱ xcui' cha' tso'o ti, xcui' cha' lubii ti lo'o tya'a ñati̱ ma̱, cha' ti̱ ti tyi'i̱ tyiquee ma̱ cuentya ji'i̱ ycui' Ni.

1 JUAN 2:29

Cua nchca cuayá' ti' ma̱ cha' lubii tsa cresiya ji'i̱ Jesucristo, bi' cha' tso'o si ca cuayá' ti' ma̱ cha' cua ña'a̱ ca ñati̱ nu ndu'ni cha' tso'o ñi'ya̱ ndyu'ni ycui' Jesús, caca ngu' bi' sñi' ycui' Ndyosi.

1 JUAN 2:3

Nu lo'o nti' na taquiya' na cua ña'a̱ ca cña nu nti' Ni cha' cua'ni na, li' taca jlo ti' na cha' chañi cha' ntsu'u cha' ji'na lo'o Jesucristo.

1 JUAN 3:7

Cu'ma̱ sñi' na', ná nti' na' cha' cñilo'o xa' ñati̱ ji'i̱ ma̱. Xcui' tso'o ti ngua'ni Jesucristo nde chalyuu; bi' cha' lacua, lcaa ñati̱ nu ntsu'u cha' ji'i̱ lo'o Jesucristo, cua nscua cha' xcui' cha' tso'o ti cua'ni ngu' bi' laja lo'o tyi'i̱ ngu' chalyuu.