SAN LUCAS 1:5 - Chatino Tataltepec

⁵ Tyempo nu ngua rey Herodes cña, lo'o ngua yu loo ji'i̱ ngu' loyuu su cuentya Judea, li' ndi'i̱ sca sti jo'ó nu naa Zacarías. Bi' ndya'a̱ lo'o taju sti jo'ó nu ndu̱ cña su ngutu̱ jyo'o Abías nquicha'. Elisabet naa clyo'o yu bi', laca ma' la cui' ñati̱ tya'a ji'i̱ jyo'o Aarón nu ngua sti jo'ó tya clyo la.

SAN LUCAS 1:5 Iomraidhean Croise

SAN MATEO 2:1

La cui' tyempo lo'o ngula Jesús nde quichi̱ Belén, sca nu cusu' nu naa Herodes ngua loo ji'i̱ nasiyu̱ bi'. Ca loyuu su cuentya Judea, ca bi' ndi'i̱ quichi̱ Belén bi'. Lo'o li' ndyalaa xi ngu' tii nde Judea bi'; ngutu'u ngu' tii bi' xa' quichi̱ nde su ntyucua cuichaa, lo'o li' ndyalaa ngu' quichi̱ Jerusalén. Nchcui' ngu' tii bi' lo'o ngu' nu ndyacua tya'a lo'o ngu' tyucui̱i̱:

SAN LUCAS 1:13

Nchcui' xca̱ bi' lo'o yu li': ―Ná cutsi̱i̱ nu'u̱ Zacarías ―nacui̱―. Cua ndyuna ycui' Ndyosi cha' nu tya'na tsa nchcui' nu'u̱ lo'o Ni, bi' cha' cala sca sñi' Elisabet clyo'o nu'u̱. Juan caca naa yu, jua'a̱ caca xtañi nu sta nu'u̱ ji'i̱.

SAN LUCAS 1:24

Tiya' la li', ngua tii clyo'o yu, nu naa Elisabet ni, cha' ngujui sñi' ma'. Li' cua ntsu'u cua ca'yu co' nu xcui' ne' ni'i̱ ti ndyanu ma'.